მიუნხენის “ბაიერნისა” და გერმანიის ნაკრების ყოფილი ნახევარმცველი შტეფან ეფენბერგი “პადერბორნის” მთავარი მწვრთნელის პოსტზე დაინიშნა. მხარეებს შორის ორწლიან კონტრაქტს მოეწერა ხელი.
ეს ეფენბერგისთვის პირველი სამწვრთნელო გამოცდილება იქნება. გასულ წლებში მას “ბოხუმის” მთავარი გუნდისა და “ბაიერნის” დუბლშემადგენლობის ჩაბარება შეეძლო.
“პადერბორნს” გერმანიის მეორე ბუნდესლიგის სატურნირო ცხრილში მე-15 პოზიცია უკავია.
მიუნხენის “ბაიერნის” ყოფილი ნახევარმცველი შტეფან ეფენბერგი დარწმუნებულია, რომ მიმდინარე წლის ზაფხულში ბრაზილიელი მცველი დანტე ბავარიულ გუნდს დატოვებს.
გერმანიის ბუნდესლიგის 24-ე ტურში “ჰანოვერის” წინააღმდეგ გამართულ მატჩში (3:1) დანტე 30-ე წუთზე შეცვალეს.
“ზაფხულში დანტესა და “ბაიერნის” გზები გაიყრება”, – განაცხადა ეფენბერგმა “სქაის” ეთერში.
ცნობისთვის, დანტეს “ბაიერნთან” მოქმედი შრომითი ხელშეკრულება 2017 წლის 30 ივნისს ეწურება.
მიუნხენის “ბაიერნის” ყოფილმა ფეხბურთელმა შტეფან ეფენბერგმა უახლოეს პერიოდში შესაძლოა, სამწვრთნელო კარიერა დაიწყოს.
გერმანული წყაროების ცნობით, ეფენბერგს “ბოხუმის” მთავარი მწვრთნელის პოსტზე ერთ-ერთ კანდიდატად განიხილავენ.
გერმანელს შარშანაც ჰქონდა შემოთავაზება, თუმცა მაშინ ეფენბერგმა “ბაიერნის” დუბლშემადგენლობის გაწვრთნაზე უარი განაცხადა.
შეგახსენებთ, რომ შტეფან ეფენბერგმა პროფესიული კარიერა 2004 წელს დაასრულა.
ვინც გერმანიის ბუნდესლიგის მეცხრე ტურში, მიუნხენის „ბაიერნსა“ და „მაინცს“ შორის გამართულ მატჩს (4:1) მიადევნა თვალყური, შეხვედრის ბოლოს არიენ რობენის გაბრაზებულ სახეს შენიშნავდა. საქმე იმაში გახლავთ, რომ 82-ე წუთზე „მაინცის“ კარის მიმართულებით დანიშნული თერთმეტმეტრიანი დარტყმის შესრულებას ჰოლანდიელი ფეხბურთელი აპირებდა, თუმცა „ბაიერნის“ მთავარი მწვრთნელის, ხოსეპ გვარდიოლას მოთხოვნით პენალტი თომას მიულერმა დაარტყა.
მატჩის შემდეგ გვარდიოლამ ტელეკომპანია „სქაისთვის“ მიცემულ ინტერვიუში განაცხადა:
„მინდოდა, რომ პენალტი მიულერს დაერტყა. მე ვარ გუნდის თავკაცი და ამით ყველაფერია ნათქვამი“.
აღნიშნულ ფაქტს გამოეხმაურა „ბაიერნის“ ყოფილი ნახევარმცველი და ამჟამად სატელევიზიო კომენტატორი შტეფან ეფენბერგი, რომელმაც გვარდიოლას ქცევა დაუწუნა.
„80 ათასი ადამიანის წინაშე ასე არ უნდა მოიქცე. ხელში ბურთი გიკავია, საკუთარ თავში ბოლომდე დარწმუნებული ხარ და ამ დროს მწვრთნელი სკოლის მასწავლებელივით გეუბნება, რომ პენალტი მიულერმა უნდა დაარტყას. ასეთ სიტუაციაში ნებისმიერი ფეხბურთელი თავს შეურაცხყოფლად იგრძნობდა. ეს გადაწყვეტილება ახსნას მოითხოვს და არ არის საკმარისი მხოლოდ იმის თქმა, რომ გვარდიოლა მწვრთნელია და გადაწყვეტილებასაც ის იღებს“, – აღნიშნა ეფენბერგმა.
ბექა დოგრაშვილი
