“რომას” ახალწვეულმა სტეფან ელ შაარავიმ აღნიშნა, რომ კლუბის ხელმძღვანელობის მხრიდან მის მიმართ გამოხატული ნდობა მეტად მნიშვნელოვანია. შეგახსენებთ, რომ “მგლებმა” 23 წლის ფეხბურთელი იჯარის წესით აიყვანეს, თუმც სეზონის ბოლოს მისი სრულად გამოსყიდვის უფლება მიენიჭებათ.
“რომაში” გადავედი იმისთვის, რომ ყველას დავუმტკიცო, რა შემიძლია. უნდა დავუმტკიცო საკუთარ თავს, მწვრთნელსა და მთელ იტალიურ ფეხბურთს. იმედი მაქვს, კლუბის მხრიდან გამოხატულ ამ ნდობას გავამართლებ. 100 პროცენტით დავიხარჯები”, – ელ შაარავის კომენტარი “რომას” ოფიციალურ ვებგვერდზე გამოქვეყნდა.
“რომამ” სტეფან ელ შაარავის არენდაში “მილანს” 1,4 მილიონი ევრო გადაუხადა, ხოლო მისი სრულად გამოსყიდვისთვის კიდევ 13 მილიონი ევროს გაღება მოუწევს. ფეხბურთელი დედაქალაქური კლუბის რიგებში 22-ნომრიანი მაისურით ითამაშებს.
