პრემიერ ლიგის 35-ე ტურის მატჩს უელსმა უმასპინძლა, სადაც ადგილობრივი “ჩელსი” “სუონსი სიტისთან” სათამაშოდ ჩავიდა. მართალია, “არისტოკრატები” თითქმის უმოტივაციოდ არიან, მაგრამ ამ თამაშის შედეგს განსაკუთრებული მნიშვნელობა ჰქონდა “სუონსისათვის”.
როგორც მოსალოდნელი იყო, გასავარდ ზონასთან ახლოს მყოფმა “გედებმა” ღირსეული წინააღმდეგობა გაუწიეს ლონდონელებს, თუმცა ყველაფერი ცესკ ფაბრეგასის მიერ მატჩის მეოთხე წუთზე გატანილმა გოლმა გადაწყვიტა.
ცხრილის ბოლოში სიტუაცია უკიდურესად იძაბება. მე-18 ადგილზე მყოფ “საუთჰემპტონს” 33 ქულა აქვს და 2 ქულით ჩამორჩება “სუონსის”. ბოლოადგილოსანი “ვესტ ბრომი” 28 ქულით თითქმის უშანსოდაა, “სტოკ სიტი” (30) კი კვლავაც განაგრძობს ბრძოლას.
