ჭდე: თორნიკე შენგელია

თორნიკე შენგელიას „ლაბორალ კუჩამ“ ევროლიგაში უმნიშვნელოვანესი გამარჯვება იზეიმა. ვიტორიელებმა მალაგის  „უნიკახას“ უმასპინძლეს და 5 ქულის სხვაობით – 79:74 სძლიეს.

„უნიკახა“ ჯგუფის აუტსაიდერია და ვიტორიელთა კონკურენტად არ მოიაზრება, თუმცა „ლაბორალ კუჩას“ სჭირდებოდა გამარჯვება, რათა ჯგუფში ადგილი გაიმყაროს და საუკეთესო ოთხეულში მოსახვედრად იბრძოლოს.

ეს ვიტორიელებმა მოახერხეს და „უნიკახას“ დამარცხებით მე-5 ადგილზე გამაგრდნენ, საიდანაც პლეი ოპფში მოსახვედრად 1 ნაბიჯია. შენგელია სასტარტო ხუთეულში იყო და მოედანზე 26:52 წუთი გაატარა. თორნიკემ 5-დან 3 ორქულიანი, 2-დან 1 სამიანი და 3-დან 3 საჯარიმო ჩააგდო. 12 ქულა, 4 მოხსნა, 2 ჩაჭრა და 1 დაფარება – ეს გახლდათ სენგელიას საბოლოო მონაგარი. შენგელია მარგი ქმედების კოეფიციენტით (17) თავისიანთაგან მხოლოდ ფაბიენ კასერს (24) და დარიუს მაილსს (20) ჩამორჩა.

მომდევნო მატჩი ვიტორიელებს სტამბოლში, 27 თებერვალს, უშუალო კონკურენტ „ეფესთან“ ელის.

თორნიკე შენგელიას 25 ქულა 28 წუთში.“ლაბორლ კუჩას“ ქართველმა ფორვარდმა ესპანეთის პრიმერადივიზიონში კარიერის ერთ-ერთი საუკეთესო მატჩი ჩაატარა. შენგელია მე-20 ტურის მატჩში, „გრან კანარიასთან“ გამოირჩა.

ვიტორიელებმა კანარელები 109:70 გაანადგურეს და ამაში შენგელიას წილი უდიდესია. ქართველმა ფორვარდმა 11-დან 9 ორქულიანი, 2-დან 1 სამიანი და 4-დან 4 საჯარიმო ჩააგდო. მოგროვებულ 25 ქულს შენგელიამ 7 მოხსნა,  2 პასი და 2 ჩაჭრა მოაგროვა.

შედეგად, შენგელიას მარგი ქმედების კოეფიციენტმა 35 ერთეული შეადგინა, რაც რეალური შანსია საიმისოდ, რომ ქართველი ფორვარდი პრიმერადივიზიონი ტურის საუკეთესო მოთამაშედ დასახელდეს. შენგელიას შემდეგ ვიტორიელტაგან საუკეთესო შედეგი დარიუს ადამსმა აჩვენა – 14 ქულა და 11 პასი მიითვალა.

10 მოგებითა და ამდენივე მარცხით „ლაბორალ კუჩა“ ესპანეთის ჩემპიონატში მე-7 ადგილზეა. მომდევნო მატჩს ვიტორიული კლუბი 15 თებერვალს, შინ „მანრესასთან“ გამართავს.

gbf.ge

თორნიკე შენგელიას „ლაბორალ კუჩამ“ ევროლიგაში მნიშვნელოვანი გამარჯვება მოიპოვა. ვიტორიულმა კლუბმა ბასკეთში იტალიურ „ემპორიო არმანის“ უმასპინძლა და 102:83 გაიმარჯვა.

მოგებაში საკუთარი, არცთუ მოკრძალებული წვლილი ქართველმა ფორვარდმა შეიტანა, რომელსაც ბევრი ქულა არ ჩაუგდია, თუმცა სხვა სტატისტიკური მონაცემები მოაგროვა და ვიტორიელებს დიდი დახმარება გაუწია.

შენგელია სასტარტო ხუთეულში იმყოფებოდა და მოედანზე გატარებულ 19:52 წუთში 6 ქულა, 6 მოხსნა, 2 პასი, 2 დაფარება და 1 ჩაჭრა ისე მიითვალა, ბურთი არ დაუკარგავს. თორნიკემ 6-დან 1 ორქულიანი და 4-დან 4 საჯარიმო ჩააგდო.

გამაერთიანებელი მაჩვენებლით საუკეთესო ამერიკელი მაიკ ჯეიმსი გახლდათ, რომელსაც 16 ქულა და 3-3 მოხსნა-პასი დაუგროვდა, ხოლო ბომბარდირი ლატვიელი დავის ბერტანსი გახდა 19 ქულით.

2 მოგებითა და 3 მარცხით შენგელიასგუნდი ფაცაციას „ნიჟნი ნოვგოროდთან 5-6 ადგილებს იყოფს. მომდევნო მატჩს „ლაბორალი“ 6 თებერვალს, სტამბოლში, „ფენერბაჰჩესთან“ გამართავს.

gbf.ge

თორნიკე შენგელიას „ლაბორალ კუჩამ“ ესპანეთის ჩემპიონატის მორიგ ტურში კატალონიური გრანდი „ბარსელონა“ დაამარცხა. ვიტორიულმა კლუბმა 2 კვირის წინ მადრიდის „რეალთან“ ბოლო წამზე წააგო, თუმც საკუთარი ძალა მეორე ესპანურ გრანდთან დაამტკიცა. ვიტორიელებმა „ბარსელონა“ 103:94 დაამარცხეს.

შენგელია საასტარტო ხუთეულში იყო და თანაგუნდელთაგან ყველაზე მეტ ხანს – 27:27 წუთი ითამაშა. ქართველმა ფორვარდმა 10-დან 3 ორქულიანი და 1-დან 1 საჯარიმო ჩააგდო. 7 ქულასთან ერთად თორნიკემ 3 მოხსნა, 1 მოხსნა და 1 პასი მიითვალა.

გამრჯვებულთაგან საუკეთესო შედეგი ლატვიელმა დავის ბერტანსმა დააფიქსირა, რომელმაც 5-დან 5 სამქულიანი, მთლიანობაში კი 19 ქულა ჩააგდო. 17-17 ქულა ჰქონდათ მაიკ ჯეიმსს და ფერნანდო სან ემეტერიოს.

„ლაბორალ კუჩას“ მონაგარი 9 მოგება, 9 წგება და მე-9 ადგილია. მომდევნო ჯახი ვიტორიელებს მალაგაში, 1 თებერვალს, „უნიკახასთან“ ელის.

gbf.ge

თორნიკე შენგელიას გუნდს ძალები არ ეყო საიმისოდ, რომ ევროლიგის ისტორიაში ერთ-ერთი ყველაზე კერკეტი გუნდი სტუმრად დაემარცხებნა. ესპანურმა „ლაბორალ კუჩამ“ პირეოსში, „ოლიმპიაკოსს“ პირველი ტაიმი 37:28 მოუგო, მაგრამ საბოლოოდ გამარჯვებამდე მაინც ვერ მივიდა. ბერძნულმა რანდმა მეორე ტაიმი 48:27 მოიგო და გამარჯვებაც მასპინძლებს დარჩათ – 76:64.

შენგელია სასტარტო ხუთეულში იყო და მოედანზე ჯამში 18:05 წუთი გაატარა. თორნიკე იყო სტუმართა გუნდის იმ 2 კალათბურთელს შორის, რომელთა ქულების მონაგარიც ორციფრიანი რიცხვით გამოიხატა. ვიტორიელთაგან 12 ქულით ბომბარდირი დარიუს ადამსი გახდა, ხოლო შენგელიამ 10 ქულა მიითვალა.

ქართველმა კალათბურთელმა 6-დან 3 ორქულიანი და 4-დან 4-ივე საჯარიმო ჩააგდო, 2 სამიანი კი ააცილა. 10 ქულასთან ერთად შენგელიას 3 მოხსნა და 1 ჩაჭრაც დაუგროვდა, ბურთი კი 1-ჯერ დაკარგა.

ესპანურმა გუნდმა ვერ მოახერხა „ოლიმპიაკოსის“ ლიდერის, ვასილის სპანულისის შეჩერება. ვეტერანმა სუპერვარსკვლავმა 27 ქულა და 6 პასი მიითვალა და მატჩის ბედის გადაწყვეტაში საკუთარი წვლილი ფასდაუდებელი გახადა.

სატურნირო ცხრილს დაბლა ხედავთ. მორიგ მატჩს შენგელიას გუნდი 29 იანვარს შინ „ემპორიო არმანისთან“ გამართავს.

gbf.ge

თორნიკე შენგელია ბასკურ „ლაბორლ კუჩაში“ სტაბილურ თამაშს აგრძელებს. ესპანეთის ჩემპიონატის მორიგ ტურში ქართველმა ლეგიონერმა შესანიშნავად ითამაშა და ვიტორიელებს „მონბუსის“ 85:77 დამარცხებაში დაეხმარა.

შენგელია ტრადიციულად სასტარტო ხუთეულში იყო და ბოლო მატჩების უმეტესობისა არ იყოს, ახლაც 12 ქულა დააგროვა. თორნიკემ 23 წუთი ითამაშა და ზუსტი მიზნი გამოვლინა: ვიტორიელთა ქართველმა ლეგიონერმა 5-დან 4 ორქულიანი და 4-დან 4 საჯარიმო ჩააგდო, 1 სამიანი კი ააცილა. 

შენგელიას საბოლოოდ 12 ქულა, 3 მოსნა და თითო პას-ჩაჭრა დაუგროვდა. თორნიკეზე მეტი ვიტორიელთაგან მხოლოდ მაიკ ჯეიმსს (18 ქულა) და კოლტონ აივერსინს (14) დაუგროვდათ. რაც შეეხებათ მონბუსელებს, დამარცხებულ გუნდს პოლონელმა ადამ ვაჟინსკიმ 26 ქულით ულიდერა.

8 მოგებითა და 9 მარცხით „ლაბორალი“ ცხრილში მე-9 ადგილზე იმყოფება და მორიგ მატჩს 25 იანვარს შინ „ბარსელონასთან“ გამართავს.

gbf.ge

თორნიკე შენგელიას „ლაბორალ კუჩამ“ ესპანეთის უმაღლეს დივიზიონში გამარჯვება იზეიმა. ვიტორიელებმა „ფუენლაბრადას“ უმასპინძლეს და 2 დღის წინ ევროლიგაში „ეფესთან“ დასანი მარცხის გამო ჯავრი იყარეს. შენგელიას გუნდმა მეტოქე 35 ქულის სხვაობით – 94:59 დაამარცხა.

ქარველი ლეგიონერი თავის გუნდში ერთ-ერთი საუკეთესო იყო. მარგი ქმედების კოეფიციენტით (13) თორნიკე ვიტორიელთაგან მხოლოდ კიმ ტილს (22) და დევის ბერტანსს (20) ჩამორჩა.

შენგელია ტრადიციულად სასტარტო ხუთეულში იყო და მოედანზე 21:25 წუთით იმყოფებოდა. მან 6-დან 5 ორქულიანი და 2-დან 2 საჯარიმო ჩააგდო, 2 სამიანი კი ააცილა. კიმ ტილიმ ვიტორიელებს 15 ქულა და 7 მოხსნა შესძინა,

მიმდინარე ჩემპიონატში ეს ვიტორიელთა მე-7 გამარჯვება იყო და 8 მარცხის წილ ეს შედეგი 18-გუნდიან პრიმერადივიზიონში მე-10 ადგილის ტოლფასია, რომელსაც შენგელიას გუნდი „მონბუსთან“ იყოფს.

მომდევნო ტურში, 11 იანვარს, ვიტორიელები მადრიდში, „რეალს“ დაუპირისპირდებიან.

gbf.ge

თორნიკე შენგელია ესპანეთის ჩემპიონატში სტაბილურად თამაშს აგრძელებს, თუმც მისი გუნდი სტაბილურად მოგებას ვერ ახერხებს. „ლაბორალ კუჩა“ მოგებებს წაგებასაც უნაცვლებს და ამჯერად რიგში უშედეგო თამაში გამოერია. ვიტორიულმა კლუბმა სტუმრად „სარაგოსასთან“ დაძაბულ ბრძოლაში – 94:105 წააგო.

ახალგაზრდა ქართველი ფორვარდი ვიტორიული კლუბის სასტარტო ხუთეულში იყო და მოედანზე 25:43 წუთი გაატარა. შენგელიამ 5-დან 3 ორქულიანი და 4-დან 2 სამიანი ჩააგდო. თორნიკემ მთლიანობაში 12 ქულა, 4 მოხსნა, 2 მოხსნა და 1 დაფარება მიითვალა.

ლაბორალეთა შორის ბომბარდირი სან ემეტერიო გახდა 21 ქულით, საუკეთესო შეგედი კი მირზა ბეგიჩმა დააფიქსირა, რომელმაც 14 ქულა და 7 მოხსნა მიითვალა. გამარჯვებულთაგან 19 ქულით ბომბარდირი ჯეისონ რობინსონი გახდა.

ამ შეგედის შემდეგ შენგელიას გუნდს 4 მოგება და 8 მარცხი დაუგროვდა და ესპანეთის უმაღლეს ლიგაში მე-11 ადგილზეა. მომდევნო მატჩი ვიტორიელებს 2 იანვარს, ევროლიგის ეგიდით თურქულ „ეფესთან“ ელით, ესპანეთის ჩემპიონატში კი 4 იანვარს „ესტუდიანტესს“ უმასპინძლებენ.

gbf.ge

თონიკე შენგელიას „ლაბორალ კუჩამ“, რომელიც ესპანეთის ჩემპიონატში საკუთარი ამბიციის შესაბამისი შედეგებით ვერ გამოირჩევა, მორიგ ტურში ერთ-ერთი აუტსაიდერი „სევილია“ გამოიჭირა და შინაურ არენაზე 100:60 გაანადგურა.

უკვე მეარამდენე მატჩია, თუ საუკეთესო არა, შენგელია თავისი გუნდის შემადგენლობაში ერთ-ერთი საუკეთესოა. ასე იყო „სევილიასთან“ მატჩშიც. ქართველმა ფორვადმა 16 ქულა დააგროვა ბომბარდირობა ფერნანდო სან ემეტერიოსთან გაიყო.

საბოლოოდ, მარგი ქმედების კოეფიციენტით შენგელია ემეტერიოს ოდნავ ჩამორჩა. გამოცდილმა ესპანელმა აღნიშნული მონაგარი 24 ერთეულით გამოხატა, ახალგაზრდა ქართველს კი ერთით ნაკლები – 23 დაუგროვდა.

შენგელია სასტარტო ხუთეულში იყო და საკმაო დროით ითამაშაო, ვერ ვიტყვით. თორნიკე მოედანზე მთლიანობაში 18:32 წუთი იმყოფებოდა, თუმცა შედეგებით ის ვიტორიელთაგან ერთ-ერთი საუკეთესო იყო. შენგელიამ 16 ქულა, 2 მოხსნა, 2 პასი და 1 ჩაჭრა დააგროვა.

ქართველი ფორვარდი შეტევაზე იყო ორიენტირებული და მას სევილიელები ჯარიმებით აჩერებდნენ, თუმცა ამით ხეირი ვერ ნახეს. თორნიკემ 8 ცდიდან ყველა საჯარიო ჩააგდო, რასაც 2-დან 2 სამქულიანი და 2-დან 1 ოიანი მოაყოლა. სან ემეტერიომ 16 ქულა 21 წუთში დააგროვა, ლატვიელ დევის ბერტანსს კი 19 წუთში 14 ქულა მოუგროვდა.

6 მოგებითა და 7 წაგებით შენგელიას გუნდმა ცხრილში მე-9 ადგილზე აიწია. მიმდინარე წლის ბოლო შეხვედრას „ლაბორალი“ 30 დეკემბერს, სტუმრად „სარაგოსასთან“ გამართავს.

gbf.ge