„სან-ანტონიო სპურსი“ „მაიმი ჰიტთან“ ფინალურ სერიას ანგარიშით 3:1 იგებს. აქამდე მსგავსი უპირატესობა ფინალში ხელიდან არავის გაუშვია.
გრეგ პოპოვიჩის გუნდის ცენტრმა ტიმ დანკანმა განაცხადა, რომ გუნდი ამჟამად მხოლოდ მოახლოებულ შეხვედრაზე ფიქრობს.
„გასული სეზონი გვახსოვს. მაშინ სერიოზული გაკვეთილი მივიღეთ. ამჟამად მხოლოდ მეხუთე მატჩზე ვართ კონცენტრირებული“, – განუცხადა ტიმმა „NBA on ESPN“-ს.
ალექსანდრე მატევოსოვი
„სან-ანტონიო სპურსის“ ცენტრმა ტიმ დანკანმა კლუბის ხელმძღვანელობას 24 ივნისამდე უნდა შეატყობინოს, გააგრძელებს თუ არა იგი „სპურსში“ თამაშს თუ კარიერას დაასრულებს.
38 წლის მოთამაშის კონტრაქტში გაწერილია პუნქტი, რომლის მიხედვითაც, მას 2014/15 წლების სეზონამდე დარჩენა და 10,3 მილიონი დოლარის მიღება შეუძლია. თითქმის ყველა მსგავს კონტრაქტში საბოლოო ვადის სახით 30 ივნისია გაწერილი.
ასევე არსებობს ალბათობა იმისა, რომ ნაციონალური საკალათბურთო ასოციაციის მოგების შემთხვევაში, „სპურსს“ როგორც დანკანი, ასევე თავკაცი გრეგ პოპოვიჩი დატოვებს. ამავე დროს კლუბის მენეჯრები იმედოვნებენ, რომ ორივე მათგანი სან-ანტონიოში შემდეგ სეზონშიც იმუშავებს.
ალექსანდრე მატევოსოვი
„სან-ანტონიო სპურსის“ უკანახაზელმა ტიმ დანკანმა „მაიამი ჰიტთან“ ფინალური სერიის მეორე მატჩში თავის ანგარიშზე 18 ქულა და 15 მოხსნა ჩაიწერა. აღნიშნული დაბლ-დაბლი 38 წლის მოთამაშისთვის პლეიოფში 157-ე გახდა. ამ მაჩვენებლით კი, დანკანმა აქამდე პირველ ადგილზე მყოფ მეჯიკ ჯონსონს გაუსწრო.
დაბლ-დაბლების საერთო რაოდენობის სიაში მესამე ადგილს უილტ ჩემბერლენი იკავებს, რომელსაც 143 დაბლ-დაბლი აქვს. მხოლოდ ერთი დაბლ-დაბლით მას შაკილ ო ნილი ჩამორჩება, ხოლო ბილ რასელი 137 დაბლ-დაბლით მეხუთეა.
ალექსანდრე მატევოსოვი
„მაიამი ჰიტის“ ფორვარდი ლებრონ ჯეიმსი „სან-ანტონიო სპურსის“ ცენტრის ტიმ დანკანის სიტყვებს გამოეხმაურა. ცნობისთვის, 38 წლის ვეტერანმა განაცხადა, რომ მისი გუნდი მიმდინარე სეზონში გასული წელს წაგებული ფინალური სერიისთვის რევანშის აღებას აპირებს.
„მათ ძალიან არ ვუყვარვართ. ეს ტიმის სიტყვებშიც იგრძნობა. მათ სურთ დაგვამარცხონ და ტიტული მოიგონ. ამ დაპირისპირებისთვის მზად ვიქნებით.
დანკანის სიტყვები არ მადარდებს. გუნდები მოედანზე გავლენ და ითამაშებენ. საკუთარ ძალებში დარწმუნებულები ვართ. არავის არ გვეშინია. გვსურს, იგივე გავაკეთოთ, რისი გაკეთება მათაც სურთ“, – განუცხადა ჯეიმსმა ESPN.com-ს.
ალექსანდრე მატევოსოვი
თავისი ემოციურობით ცნობილმა ცენტრმა ტიმ დანკანმა „ოკლაჰომა-სიტი თანდერთან“ ნაციონალური საკალათბურთო ასოციაციის დასავლეთ კონფერენციის ფინალური სერიის მეოთხე მატჩის მესამე მეოთხედში თავის შეკავება ვერ შეძლო.
ტაიმაუტის დროს, როდესაც „სან-ანტონიო სპურსი“ ანაგრიშით 49:66 მარცხდებოდა, დანკანმა გუნდის თავკაცს გრეგ პოპოვიჩს უსაყვედურა, რის შემდეგაც დენი გრინსაც უყვირა.
ტიმ დანკანის, მანუ ჟინობილისა და ტონი პარკერის ტრიომ ნაციონალური საკალათბურთო ასოციაციის პლეიოფში 110-ე მატჩი გამართა და ჩატარებული მატჩების რაოდენობის ახალი რეკორდი დაამყარა.
„ოკლაჰომა-სიტი თანდერთან“ დასავლეთ კონფერენცის ფინალური მატჩის შემდეგ „სპურსის“ ცენტრმა ტიმ დანკანმა აღიარა, რომ ამის შესახებ არც კი იცოდა.
„ეს სიახლე პირველად მესმის. ნამდვილად ბრწყინვალე შედეგია. ასეა თუ ისე, ამჟამად ჩვენი ერთადერთი მიზანი „თანდერთან“ სერიის მოგება და ლიგის ფინალში გასვლაა“, – განუცხადა დანკანმა „სან-ანტონიო ექსპერს ნიუსს“.
ალექსანდრე მატევოსოვი
„სან-ანტონიო სპურსის“ ცენტრმა ტიმ დანკანმა ახსნა, თუ რატომ წააგო მისმა გუნდმა „დალას მავერიკსთან“ სერიის (111:113, 3:3) მეექვსე მატჩი.
„ჩვენ საკმაოდ ბევრი შეცდომა დავუშვით. მეტოქეს პირველ მეოთხედში 37 ქულის დაგროვების უფლება არ უნდა ჰქონდეს. დაცვაში უკეთესად უნდა გვეთამაშა“, – განუცხადა დანკანმა ESPN.com-ს.
ალექსანდრე მატევოსოვი
„სან-ანტონიო სპურსის“ ცენტრმა ტიმ დანკანმა „დალას მავერიკსთან“ შეხვედრაში გუნდის არც თუ ისე დამაჯერებელი თამაში ახსნა. რეგულარული ჩემპიონატის გამარჯვებულმა მეტოქეს მხოლოდ შეხვედრის ბოლოს აჯობა და ანგარიშით 90:85 მოიგო.
„რეგულარული ჩემპიონატიდან პლეი-ოში გადასვლა ყოველთვის რთულია. ჩვენ კონკრეტულ გუნდთან სათამაშოდ ვემზადებით, ეს გუნდი კი პლეი-ოფის წინ ახალი ტაქტიკის გამომუშავებას ცდილობს და განსაკუთრებულ თამაშს გვთავაზობს “, – განუცხადა დანკანმა ESPN.com-ს.
ალექსანდრე მატევოსოვი
„მემფის გრიზლისთან“ შეხვედრაში „სან-ანტონიო სპურსის“ ფორვარდმა ტიმ დანკანმა მკერდის კუნთის ტრავმა მიიღო, რის გამოც აღნიშნული შეხვედრა ბოლომდე არ დაასრულა. ცნობილია, რომ „ლეიკერსთან“ მატჩში, რომელიც დღეს ღამით შედგება, 37 წლის კალათბურთელი მონაწილეობის მიღებას ვერ შეძლებს.
„გრიზლისთან“ შეხვედრაში დანკანი პარკეტზე 17,3 წუთის განმავლობაში იყო. ამ დროში მან 3 ქულის მოპოვება და 6 მოხსნის გაკეთება მოასწრო.
