მადრიდის “ატლეტიკოს” ესპანელ ფორვარდს, ფერნანდო ტორესს სჯერა, რომ მადრიდული კლუბი “ბარსელონას” წინააღმდეგ, “კამპ ნოუზე” სათამაშოდ მზად არის. ტორესმა ეს განცხადება “სპორტინგთან” მოპოვებული გამარჯვების შემდეგ გააკეთა (5-0).
“კარგ განწყობაზე ვართ, რაც მნიშვნელოვანია. ჩვენ ახლა შესაბამის მომენტში ვართ – მზად ვართ “ბარსელონას” წინააღმდეგ სათამაშოდ, რომელიც ბოლო წლებში ჩვენთვის ყველაზე რთულ მეტოქეს წარმოადგენს.
მართალია, რომ “კამპ ნოუზე” სათამაშოდ კარგი დრო არასდროსაა, თუმცა უმჯობესია მაშინ ითამაშო, როცა შენს თავში დარწმუნებული ხარ.”
შეგახსენებთ, რომ 4 ტურის შემდეგ, “როხიბლანკოს” ანგარიშზე 8 ქულაა და მხოლოდ 1 ქულით ჩამორჩება “ბლაუგრანას”.
