ჭდე: ტოტენჰემი

Daily Express-ის მიერ გავრცელებული უახლესი ინფორმაციის მიხედვით, ლონდონის “ტოტენჰემის” მესვეურებმა “კრისტალ პალასის” ვინგერის, უილფრედ ზაჰას მიმართ ინტერესი განაახლეს.

როგორც იცით, “მამლები” კოტ-დ’იუვარელი ფეხბურთელის გადაბირებას ზაფხულში 12 მილიონად ცდილობდნენ, თუმცა ამაოდ. ზამთარში კი “უაით ჰართ ლეინის” ბინადრებს არ უაქტიურიათ.

თუმცა, ლონდონელთა ამჟამინდელი ფორმა მაურისიო პოჩეტინოს აგრძნობინებს, რომ გუნდში ისეთი ფეხბურთელი სჭირდება, როგორიც 24 წლის ზაჰაა.

Express-ის ცნობით, “მამლები” “სელჰარსტ პარკის” ბინადრებისათვის 25 მილიონი ფუნტის შეტავაზებას აპირებენ.

ერიკ დაიერი აცხადებს, რომ “ტოტენჰემი”, რომელიც ამ დროისთვის მთელი 10 ქულით ჩამორჩება ლიდერ ლონდონის “ჩელსის”, ჩემპიონობისთვის ბრძოლაში დანებებას არ აპირებს და ბოლომდე იბრძოლებს.

“მართალია, ძალიან რთულ სიტუაციაში ვართ, მაგრამ მჯერა, რომ ბრძოლა ბოლომდე გაგრძელდება,” – აცხადებს დაიერი Evening Standard-თან საუბრისას.

“წელს ბევრი კარგი გუნდი ცდილობს წარმატებისთვის ბრძოლას, ჩვენი ჩათვლით და დანებებას არ ვაპირებთ. მომავალს იმედის თვალით შევყურებთ და ვცდილობთ თამაშის ხარისხი გავაუმჯობესოთ.

წინ ჯერ კიდევ დიდი გზა გვაქვს გასავლელი, სამწვრთნელო შტაბს ბევრი სამუშაო აქვს. საუბარი არაფერს მოგვიტანს, უნდა ვიმოქმედოთ.”

ლონდონის “ტოტენჰემის” მთავარმა დამრტყმელმა ძალამ, ჰარი კეინმა კიდევ ერთხელ აღნიშნა, რომ “უაით ჰართ ლეინზე” თავს ბედნიერად გრძნობს და კლუბის დატოვებას არ აპირებს.

23 წლის ინგლისელმა talkSport-თან საუბრისას განაცხადა: “ჩემთვის ყველაზე მნიშვნელოვანი გუნდის წარმატებაა.

საკმაოდ ახალგაზრდული გუნდი გვყავს, ფანტასტიკური მწვრთნელი და ახალი ბაზა. სტადიონის მშენებლობა კი ორ წელიწადში დასრულდება.

ყველაფერი წინ მიდის და სანამ ეს პროცესი გრძელდება, კლუბის დატოვების სურვილი ნამდვილად არ გამიჩნდება.

ზოგი მხოლოდ ფულისთვის თამაშობს – მე ასეთი არ ვარ. ჩემი მიზანი ტიტულების მოგებაა. დიახ, “ტოტენჰემში” ბედნიერი ვარ.”