ჭდე: ტრანსფერი

ჩინური გუნდი ოსკარში სერიოზულ თანხას ჩამოდის

Posted on by კახა ყიფიანი

ინგლისური წყარო, Daily Telegraph-ი იტყობინება, რომ ჩინურ კლუბს, “შანხაის”, რომელსაც ანდრე ვილაშ-ბოაში უდგას სათავეში, ბრაზილიელი ოსკარი სურს. როგორც ცნობილია, აზიელები ბრაზილიელ ფეხბურთელში 60 მილიონ ფუნტს იხდიან.

ოსკარს “ჩელსიში” ნამდვილად არ მისდის კარგად საქმე. მან მიმდინარე სეზონში, მხოლოდ და მხოლოდ, 5 შეხვედრა დაიწყო ძირითადიდან. ხოლო, მას შემდეგ, რაც კონტემ გუნდი 3-4-3 სქემაზე გადაიყვანა, ბრაზილიელის ადგილი სასტარტო თერთმეტეულში არ დარჩა.

საინტერესოა, რა გდაწყვეტილებას მიიღებს ოსკარი: მოიხიბლება ფულით და გადავა აზიურ კლუბში, თუ ევროპაში განვითარებას გააგრძელებს.

 

“რომას” “ჩელსის” ნახევარმცველი სურს

Posted on by კახა ყიფიანი

იტალიური გამოცემა, Il Tempo იტყობინება, რომ “რომას” ზამთრის სატრანფსერო ფანჯარაზე ლონდონის “ჩელსის” შუახაზელის, სესკ ფაბრეგასის ექვსთვიანი იჯარით აყვანა უნდა.

ესპანელი ლეგიონერი სერია ა-ს წინა თვეებშიც დაუკავშირეს. კონკრეტულად, ვრცელდებოდა ხმები, რომ ფაბრეგასი მილანს უნდოდა, თუმცა “როსონერიმ” მიზანს ვერ მიაღწია.

29 წლის სპორტსმენს “არისტოკრატთა” რიგებში სამქეები არც ისე კარგად მისდის. იგი სათამაშო დროის ნაკლებობას უჩივის – მიმდინარე სეზონში, მხოლოდ და მხოლდოდ, 193 წუთი პრემიერ ლიგაში.

ნახსენები წყარო იუწყება, რომ “რომას” ხელმძღვანელობამ უკვე თითქმის გაამზადა კონტრაქტის პირობები, რომელთა შორის ფაბრეგასის ყიდვის უფლებაცაა.

 

 

პრემიერ ლიგის გრანდებს ჩიჩარიტო სურთ

Posted on by კახა ყიფიანი

გავლენიანი ინგლისური გამოცემა, The Mirror იტყობინება, რომ ლონდონის “ტოტენჰემი” და მერსესაიდული “ლივერპული” სერიოზულად არიან დაინტერესებულნი ლევერკუზენის “ბაიერის” თავდამსხმელის, ხავიერ ერნანდესის შეძენით.

ჩიჩარიტო 2015 წელს შეუერთდა გერმანულ კლუბს და პირველ სეზონში 28 ბუნდესლიგურ შეხვედრაში 17 გოლის გატანა მოახერხა. რაც შეეხება ახალ სეზონს, მექსიკელმა 12 მატჩში 5 გოლს მოუყარა თავი.

ორივე ინგლისურ გრანდს სურს, რომ 28 წლის ფეხბურთელი მომდევნო – ზამთრის – სატრანსფერო ფანჯარაზე შეიძინოს.

ლონდონელებსა და მერსესაიდელებს მექსიკელში ესპანური “ვალენსია” შეეცილება.

კუმანს “ნაპოლის” შემტევი სურს

Posted on by კახა ყიფიანი

იტალიური წყარო, Calcio Mercato იტყობინება, რომ “ევერტონს” კვლავ სურს ნეაპოლის “ნაპოლის” შემტევის, მანოლო გაბიადინის შეძენა

შეგახსენებთ, რომ 25 წლის სპორტსმენს მერსესაიდულ კლუბს გასულ ზაფხულშიც უკავშირებდნენ, თუმცა იტალიელებმა შემოთავაზება დაბლოკეს. მიუხედავად ამისა, ინგლისელთა დამრიგებელს, რონალდ კუმანს გადაწყვეტილი აქვს, აუცილებლად ათამაშოს “გუდისონ პარკზე” იტალიის ნაკრების წევრი. თუმცა, ჰოლანდიელ სპეციალისტს პრემიერ ლიგის ბინადრებთან, “სტოკ სიტისა” და “ვესტ ჰემთან” ბრძოლა მოუწევს.

მიმდინარე სეზონში “ნაპოლის” ფეხბურთელი არც ისე შედეგიანია. მან სერია ა-ში მხოლოდ ერთი გოლი გაიტანა, არა და, 7 შეხვედრაში სასტარტოდან დაიწყო ასპარეზობა.

 

სიმეონე “მონაკოს” ერთ-ერთი ლიდერის შეძენას აპირებს

Posted on by კახა ყიფიანი

ესპანური პრესა იტყობინება, რომ მადრიდის “ატლეტიკო” სერიოზულად არის დაინტერესებული “მონაკოს” ფეხბურთელის, ტომას ლემარის შეძენით.

 

ფრანგმა მოთამაშემ მიმდინარე სეოზნი შესანიშნავად დაიწყო. მან 7 გოლისა გატანა და ორი საგოლე გადაცემის გაკეთება მოახერხა. აღსანიშნავია, რომ ლემარს ლეონარდო ჟარდიმმა პოზიცია შეუცვალა – ცენტრალური ნახევამცველის ადგილიდან ფლანგზე ასწია, რამაც შედეგი ნამდვილად გამოიღო.

21 წლის სპორტსმენით სიმეონე გასულ ზაფხულსაც ინტერესდებოდა და 20 მილიონ ევროსაც ჩამოვიდა, თუმცა უშედეგოდ. ახლა კი ფრანგები ლემარის სანაცვლოდ მინიმუმ 35 მილიონს ითხოვენ.

საინტერესოა, გადაიხდის თუ არა ამ ძალიან პერსპექტიულ ფეხბურთელში მადრიდული გრანდი ნახსენებ თანხას. უნდა გავითვალისწინოთ, რომ “ატლეტიკოს” ლიდერზე, ანტუან გრიზმანზე ძალიან დიდი მოთხოვნაა. თუ ფრანგმა კლუბი დატოვა, “მონაკოს” უკვე შემტევი ფეხბურთელი ანტუანს შეცვლის.

საინტერესოა, როგორ განვითარდება იანვარში მოვლენები.

კონტე და ვენგერი “აიაქსის” ტალანტით ინტერესდებიან

Posted on by კახა ყიფიანი

Voetbal International-ი იტყობინება, რომ ლონდონური კლუბები, “არსენალი” და “ჩელსი” სერიოზულად არიან დაინტერესებულნი ამსტერდამის “აიაქსის” ჰოლანდიიელი მცველით, რიშედლი ბაზურით.

საგულსიხმოა, რომ ამსტერდამელები თანახმანი არიან იანვარში 20 წლის მცველის გაშვებაზე. თუმცა, ბაზურის მსურველს მასში მინიმუმ 12.5 მილიონი ფუნტის გადახდა მოუწევს.

 

რიშედლი დედაქალაქური კლუბის აღზრდილია. იგი ჰოლანდიის ნაკრების წევრიცაა.

საინტერესოა, რომელ ლონდონურ გრანდზე გააკეთებს იგი არჩევანს.

იტალიური პრესა: “იუვენტუსი” და “მანჩესტერ სიტი” ალექსის სანჩესისთვის იბრძოლებენ”

Posted on by კახა ყიფიანი

ლონდონის “არსენალის” მესვეურები ეჭვობენ, რომ შესაძლოა, ალექსის სანჩესმა გუნდთან კონტრაქტი აღარ გაახანგრძლივოს. “მეთოფეები”, ჩილელი სუპერვარსკვლავის წასვლის შემთხვევაში, მის შემცვლელად მარკო როისს განიხილავენ.

როგორც იტალიური წყარო – Calciomercato.com-ი იტყობინება, “იუვენტუსმა” და “მანჩესტერ სიტიმ” 27 წლის მოთამაშის სურვილის შესახებ იციან და ისინი ზამთრის სატრანსფერო ფანჯარაზე მის შეძენას შეეცდებიან. სანჩესი პრემიერ ლიგაში 2014 წლიდან თამაშობს. მას იტალიური გამოცდილებაც აქვს, იგი “უდინეზეს” შემადგენლობაში მთელი ხუთი წელი თამაშობდა.

ერთი სიტყვით, ალექსისს არც სათამაშო პრაქტიკა და არც პროფესიონალიზმი აკლია. საინტერესოა, რომელ ჩემპიონატს აირჩევს იგი. შესაძლოა, ვენგერმა დაარწმუნოს, რომ “არსენალში” დარჩეს.

“პსჟ”-მ იბრაჰიმოვიჩის შემცვლელი იპოვა

Posted on by კახა ყიფიანი

გასულ ზაფხულზე ფრანგული “პსჟ” დატოვა ზლატან იბრაჰიმოვიჩმა. იგი “მანჩესტერ იუნაიტედში” გადაბარგდა. პარიზელებს სატრანსფერო ფანჯარაზე შვედი ფორვარდის შემცველი არ უყიდიათ და ისინი ახალ სეზონს ერთი ფორვარდის – ედინსონ კავანის იმედად შეხვდნენ.

გავლენიანი გამოცემა, Mirror-ი იტყობინება, რომ “პსჟ”-ს ბოსები უკმაყოფილონი არიან იმ სიტუაციით, რომ მათ მხოლოდ ერთი გამოკვეთილი თავდამსხმელი ჰყავთ. ამიტომ, სურთ ლივერპულის “ევერტონის” ლიდერის, რომელუ ლუკაკუს შეძენა. ბელგიელმა ფეხბურთელმა პრემიერ ლიგის 11 ტურში უკვე შვიდი გოლი გაიტანა. იგი, შარშანდელივით, ძალიან კარგ ფორმაშია და პროგრესს განაგრძობს.

საინტერესოა, რა თანხას შესთავაზებენ პარიზელები ინგლისური კლუბის მესვეურებს და დათმობს თუ არა “ევერტონი” წამყვან ფიგურას.

იბრაჰიმოვიჩი, შესაძლოა, MLS-ში ვიხილოთ

Posted on by კახა ყიფიანი

ზლატან იბრაჰიმოვიჩი გასულ ზაფხულზე “პსჟ”-დან “მანჩესტერ იუნაიტედში” გადავიდა. წარმატებული სტარტის მიუხედავად, ახლა არც მას და, ზოგადად, არც გუნდს საქმეები კარგად არ მისდით.

The Mirror-ი იტყობინება, რომ MLS-ის ჩემპიონატში მოასპარეზე გუნდი, “ლოს ანჯელეს გალაქსი” სერიოზულად არის დაინტერესებული შვედი თავდამსხმელის შეძენით. კლუბის ხელმძღვანელობა გეგმავს, რომ 35 წლის შემტევი მომავალ ზაფხულს “მანჩესტერიდან” წამოიყვანოს.

გეტყვით, რომ ზლატანს “წითელ ეშმაკებთან” 1-წლიანი კონტრაქტი აკავშრებს, რომელსაც კიდევ 12 თვით გახანგრძლივების პრესრპექტივა აქვს.

თუმცა, როგორც “გალაქსის” მესვეურები, ასევე ბევრი ექსპერტი ვარაუდობს, რომ იბრაჰიმოვიჩი მომავალ წელს ევროპაში ვეღარ ითამაშებს. შესაბამისად, ამერიკული კლუბი ძალიან რეალური ვარიანტია.

“მანჩესტერ იუანიტედი” მუსა დემბელეთი ინეტერესდება

Posted on by კახა ყიფიანი

სულ ცოტა ხნის წინ Daily Record-მა გაავცრელა ინფორმაცია, რომ “მანჩესტერ იუანიტედი” სერიოზულად არის დაინტერესებული “სელტიკის” ახალგაზრდა თავდამსხმელით, მუსა დემბელეთი. მას გასულ შაბათ-კვირას მოედნიდან “წითელი ეშმაკების” სკაუტი, სტეფან მაკარტი აკვირდებოდა.

20 წლის სპორტსმენი ამ ზაფხულზე გადავიდა “ფულჰემიდან” შოტლანდიურ კლუბში და 20 თამაშში უკვე მოასწრო 14 გოლის გატანა.

ფრანგ ფეხბურთელს მისმა თანამემამულემ, ზინედინ ზიდანმა ურჩია მინიმუმ 2 წელი დარჩეს “სელტიკში”  თუმცა, “რეინჯერსის” წინააღმდეგ შესრულებულმა ჰეთრიკმა და ჩემპიონთა ლიგაზე “მანჩესტერ სიტის” კარში გატანილმა ორმა გოლმა “მანჩესტერ იუნაიტედი” აიძულა, რომ საქმე დაეჩქარებინა.

“იუვენტუსმა” ტიაგო სილვას დაადგა თვალი

Posted on by კახა ყიფიანი

მომავალ ზაფხულს ტურინის “იუვენტუსი”, შესაძლოა, ლეონარდო ბონუჩიმ დატოვოს. იტალიური კლუბის დაცვის ბურჯით “ჩელსის” მწვრთნელი, ანტონიო კონტეა დაინტერესებული, რომელიც ლეოს, როგორც “იუვეში”, ასევე “სკუადრა აძურაში” წვრთნიდა.

როგორც იტალიური გამოცემა – Tuttosport-ი  იტყობინება, თუ 29 წლის მცველი მომავალ ზაფხულზე “ბებერ ქალბატონს” დატოვებს, “იუვენტუსის” ხელმძღვანელობა “პსჟ”-ს მცველის, ტიაგო სილვას შეძენას შეეცდება. გასათვალისწინებელია, რომ ბრაზილიელს კონტრაქტი პარიზულ კლუბთან 2017 წლის ივლისში ეწურება. თუმცა, თუ მისი გუნდი ჩემპიონთა ლიგის ჯგუფიდან გავა, ტიაგოს კონტაქრტი ავტომატურად 1 წლით გახანგრძლივდება.

მოკლედ, საინტერესოა, როგორ განვითარდება ჯერ “პსჟ”-ს მოამვალი ჩემპიონთა ლიგაზე და შემდეგ – მომავალი ზაფხულის სატრანსფერო ფანჯარაზე პარიზული კლუბისა და “იუვეს” ურთიერთობა სილვასთან დაკავშირებით.

 

გვარდიოლას სამიზნე “ბაიერნის” ვარსკვლავია

Posted on by კახა ყიფიანი

პეპ გვარდიოლა “მანჩესტერ სიტიში” მისვლის შემდეგ ცდილობს შემადგენლობის განახლებასა და მაქსიმალურად ძლიერი კოლექტივის შეკრებას. ერთ-ერთი პოზიცია, რომელზეც კატალონიელი ახალ მოთამაშეს ეძებს, მარცხენა მცველის ადგილია.

The Sun-ი იტყობინება, რომ გვარდიოლას რჩევით, “ქალაქელთა” ხელმძღავნელობამ “ბაიერნის” მესვეურებთან დევიდ ალაბას თაობაზე მოლაპარაკებები დაიწყო. ინგლისელები ავსტრიელში, დაახლოებით, 40 მილიონ ფუნტს ჩამოდიან.

გეტყვით, რომ გვარდიოლა “ბაიერნში” ალაბას 3 წელი წვრთნიდა. 24 წლის მოთამაშემ გასული სეზონის მაისში გააფორმა ახალი, ხუთ წლიანი კონტრაქტი ბავარიულ კლუბთან.

მთავარი ფაქტორი, რამაც ავსტრიელ მცველს “მანჩესტერ სიტიში” გადასვლა უნდა გადააწყვეტინოს, ის ურთიერთობაა, რომელიც გვარდიოლასა და ალაბას შორის არის.

საინტერესოა, დაიყოლიებს თუ არა პეპი დევიდს პრემიერ ლიგაში თამაშზე.