ჭდე: ცინცაძე

ცინცაძის 18 ქულა და ოთხთა ფინალი

Posted on by Levan

გიორგი ცინცაძის “დონეცკი” უკრაინის თასის გათამაშების ოთხთა ფინალში გავიდა. დონეცკელებმა დაძაბულ მერვედფინალურ სერიაში მოიპოვეს გამარჯვება და “ჩერკასკი მავპი” გზიდან ჩამოიშორეს.

საქართველოს მსგავსად, უკრაინაშიც ორმატჩიანი საპლეიოფო სერიებია. პირველი შეხვედრა “დონეცკს” ჩერკასკში 6 ქულით ჰქონდა მოგებული, საპასუხო მატჩი კი საკუთარ მოედანზე 84:90 წააგო და 2 შეხვედრის ჯამში ფრე დაფიქსირდა. დაინიშნა დამატებითი დრო, რომელშიც დონეცკელებმა ჩამორჩენის 2 ქულით შემცირება მოახერხეს და 102:106  დამარცხების მიუხედავად, სერიაში გამარჯვება მოიპოვეს და ოთხთა ფინალში გავიდნენ.

ცინცაძე სასტარტო ხუთეულში გამოჩნდა და 32:01 წუთში 18 ქულა, 5 მოხსნა, 7 პასი და 2 ჩაჭრა მოაგროვა. გიორგიმ 5-დან 3ორქულიანი, 2-დან 1 სამქულიანი და 12-დან 9 საჯარიმო ჩააგდო, 4 შეცდომა დაუშვა და ამდენივე პერსონალური ფოლი მიიღო.

მასპინძელთა მხრიდან მატჩის საუკეთესო მოთამაშე ამერიკელი ლეგიონერი მარკო კილინგსვორტი გახდა ორმაგი დუბლით (22ქულა, 14 მოხსნა), მისმა თანამემამულე ბერნარდ კინგმა კი “დონეცკს” 20 ქულა, 8 მოხსნა და 6 პასი მოუტანა.

უკრაინის თასისი გათამაშების ოთხთა ფინალის მონაწილენი ასე გამოიყურებიან: “დონეცკი”, “ბუდიველნიკი”, “ჰოვერლა” და “დნიპრო-აზოტი”. დნეპროძერჟინსკულ გუნდში ქართველი ლეგიონერი ირიცხება, თუმცა ლევან ფაცაციას ხელი აქვს მოტეხილი და ამჟამად საქართველოში იმყოფება. ოთხთა ფინალს 8-9 თებერვალს კიევი უმასპინძლებს.

gbf.ge

ცინცაძის 11 ქულა და გამარჯვება ტალინის “კალევთან”

Posted on by Levan

საქართველოს ეროვნული ნაკრების გამთამაშებლის, გიორგი ცინცაძის “დონეცკმა” ვი-თი-ბი ლიგაზე რთული გამარჯვება მოიპოვა. უკრაინულმა კლუბმა ესტონურ “კალევს” უმასპინძლა და დაძაბულ ბრძოლაში – 79:76 იმარჯვა.

“კალევთნ” თამაშის გამოცდილება დონეცკელთაგან ყველაზე მეტად ქართველ ლეგიონერს გააჩნდა. ესტონურ “როკში” ყოფნისას, ცინცაძეს სეზონში 7-10-ჯერ უწევდა ტალინური გუნდის წინააღმდეგ თამაში. ალბათ ამანც განაპირობა ის, რომ გიორგი სასტარტო ხუთულში გაამწესეს და მოედანზეც ბოლო მატჩებთან შედარებით, ხანგრძლივად – 25.11 წუთს დატოვეს.

 ცინცაძემ თავისი საქმე გააკეთა. “დონეცკმა” გაიმარჯვა, ქართველი გამთამაშებლის ანგარიშზე კი 11 ქულა დაგროვდა. გიორგიმ 6-დან 3 ორქულიანი და 7-დან 5 საჯარიმო ჩააგდო, 1 სამიანი კი ააცილა. 11 ქულასთან ერთად ცინცაძეს თითო მოხსნა-პასი ჰქონდა, ბურთი კი 5-ჯერ დაკარგა. დონეცკელთა შორის საუკეთსო შედეგი მარკო კილინგსვოტრმა (20 ქულა) დააფიქსირა, მეორე ამერიკელი ლეგიონერის, ბერნარდ კინგის ანგარიშზე კი 17 დაგროვდა.

“ა” ჯგუფში მყოფ “დონეცკს”  7 მოგების წილ 5 მარცხი გააჩნია და 2 გუნდთან ერთდ 3-5 ადგილებს იყოფს. ვი-თი-ბი ლიგაში მომდევნო მატჩს დონეცკელები 2 თებერვალს, პოლონურ “ტუროვთან” შინ გამართავენ.

gbf.ge

გიორგი ცინცაძის შედეგიანობამ “დონეცკს” ჩეხეთში ვერ უშველა

Posted on by Levan

გიორგი ცინცაძის “დონეცკმა” ვი-თი-ბი ლიგაში მარცხი იწვნია. უკრაინული გუნდი ჩეხეთში, “ნიმბრუკს” შეხვდა და 13 ქულის სხვაობით – 84:97 დამარცხდა.
ქართველმა უკანახაზელმა სასტარტო ხუთეულში ითამაშა და მოედანზე გატარებულ 25.27 წუთში საკმაოდ შედეგიანი იყო. ცინცაძემ 9 ქულა, 3 მოხსნა, 4 პასი და 3 ჩაჭრა დააგროვა, ბურთი კი 1-ჯერ დაკარგა და 2 პერსონალური მიიღო. გიორგიმ 6-დან 2 ორქულიანი, 2-დან 1 სამიანი და 2-დან 2 საჯარიმო ჩააგდო.
დონეცკელებს 20 ქულით ამერიკელმა ბენ მაკკოლიმ ულიდერა, ხოლო მარკო კილინგსვორტმა უკრაინულ გუნდს 17 ქულა და 12 მოხსნა მიაშველა.
“დონეცკს” 6 მოგება და 5 მარცხი აქვს, B ჯგუფში მე-5 ადგილზეა და მომდევნო მატჩს 19 იანვარს, შინ ტალინის “კალევთან” გამართავს.

 

gbf.ge

ცინცაძის 9 საჯარიმო 13 წუთში და გამარჯვება “კრივბასთან”

Posted on by Levan

მცირე საშობაახალწლო შესვენების შემდეგ უკრაინის ჩემპიონატიც განახლდა. მორიგი ტურის მატჩში გამართა გიორგი ცინცაძის “დონეცკმა”, რომელმაც “კრივბასს” უმასპინძლა და 77:69 დაამარცხა. ამ გამარჯვებით დონეცკელები გაუთანაბრდნენ ჩემპიონატის ლიდერ “ხიმიკს”, რომელთანაც წინა ტურში დამარცხდნენ. ახლა ორივე გუნდს 11 მოგება და 2 მარცხი გააჩნია და 1-2 ადგილებს იყოფენ.

ცინცაძე სასტარტო ხუთულში არ ყოფილა და მოედანზე მხოლოდ 13 წუთით გამოჩნდა. მიუხედავად მცირე სათამაშო დროისა, ქართველი გამთამაშებელი საკმაოდ შედეგიანი იყო. ცინცაძე შეტევაზე იყო ორიენტირებული და გარღვევებს ახორციელებდა, რასაც კრივბასელები ჯარიმებს უპირიპირებენ. გიორგიმ მთლიანობაში 9 საჯარიმო შეასრულა, საიდანაც 7 გამოიყენა. მის ანგარიშზე იყო ასევე 3 ცდიდან ჩაგდებული 1 ორქულინი, რამაც მთლიანობაში 9 ქულა შეადგინა. ამასთან ერთად ქართველ კალათბურთელს 2 მოხსნა და 2 პასი დაუგროვდა.

დონეცკელთა ძირითად გამთამაშებლად ქცეულმა დარელ მიჩელმა 12 ქულა ისე შეაგროვა, შედეგიანი გადაცემა არ გაუკეთებია და ბურთი 3-ჯერ დაკარგა. კრივბასელთა ძირითადი გამთამაშებელი ამერიკელი ნეით ბოუი გახლდათ, რომელმაც წინა სეზონი საქართელოს სუპერლიგის გუნდ “რუსთავში” გაატარა. ბოუიმ 24 წუთში 9 ქულა, 5 პასი და 2 მოხხსნა დააგროვა.

უკრაინის ჩემპიონატში მომდევნო მატჩს “დონეცკი” 22 იანვარს, დედაქალაქურ “ბკ კიევთან” გამართავს.

gbf.ge

უკრაინაში მოთამაშე ქართველებისთვის 2014 წელი წარმატებულად დაიწყო

Posted on by Levan

წარმატებულად დაიწყო 2014 წელი გიორგი ცინცაძისა “დონეცკმა”, რომელმაც VTB ლიგაში გასვლითი გამარჯვება მოიპოვა. უკრაინულმა გუნდმა რუსეთში იმარჯვა, სანკტ-პეტერბურგში ადგილობრივ “სპარტაკს” შანსი არ დაუტოვა – 91:65.

ცინცაძე სასტარტო ხუთულში არ ყოფილა, თამაშში სათადარიგოთა სკამიდან ჩაერთო და მოედანზე 20 წუთი გაატარა. ქართელმა გამთამაშებელმა 2-დან 1 სამქულიანი ჩააგდო, 2 ორიანი კი ააცილა. 3 ქულასთან ერთად გიორგიმ 2 მოხსნა, 1 პასი და 1 ჩაჭრა მიითვალა. დონცკელთა ახალმა გამთამაშებელმა, დარელ მიჩელმა 23 წუთში 9 ქულა, 5 პასი და 3 მოხსნა დააგროვა, საუკეთესო კი ბერნარდ კინგი გახდა 22 ქულითა და 10 პასით.

6 მოგებით და 4 მარცხით “დონეცკი” “ა” ჯგუფში მე-4 ადგილზე იმყოფება “უნიკსის”, “ლიეტუვოს რიტასის” და “ლოკომოტივის” შემდეგ. VTB ლიგაში მომდევნო მატჩს დონეცკელები 12 იანვარს ჩეხეთში, “ნიმბრუკთან” ჩაატარებენ, 9 იანვარს კი უკრაინის ჩემპიონატში “კრივბასს” უმასპინძლებენ. უკრაინის პირველობაზე გამარჯვება მოიპოვა ტრავმირებული ლევან ფაცაციას “აზოტმა”, რომელმაც დნეპროპეტროვსკში ადგილობრივი “დნიპრო” 81:74 დაამარცხა. მიმდინარე ჩემპიონატში ეს აზოტელთათვის მეორე გამარჯვებაა.

ფაცაციას ხელი აქვს მოტეხილი და მოედანზე გაზაფხულამდე ვერ გავა.

gbf.ge

გიორგი ხიდეშელი: “მაქსიმუმს გავიღებთ, რათა წარმატებას მივაღწიოთ”

Posted on by -

ასაკობრივი სანაკრებო გუნდების თამაშებით დატვირთულმა კვირეულმა განვლო და დროა, ყურადღება ეროვნულ ასპარეზზე გადმოვიტანოთ, სადაც მორიგი მატჩისთვის მზადებას აგრძელებენ ქუთათურები. 24 ნოემბერს ქუთაისის ცენტრალურ სტადიონზე საფეხბურთო კლუბ „ზესტაფონის“ წინააღმდეგ გამოსასვლელად დღეს, ჩვენმა გუნდმა საკუთარ საწვრთნელ ბაზაზე ივარჯიშა. ესპანელ მწვრთნელ ჟერარდ სარაგოსა მულეტის განკარგულებაში 24 ფეხბურთელი იყო, მათ შორის საქართველოს 19 და 21-წლამდე ნაკრებებიდან დაბრუნებულებიც. დღევანდელ საწვრთნელ პროცესში აქცენტი ბურთის გამოყენებით ტექნიკურ-ტაქტიკური ტიპის ვარჯიშებზე გაკეთდა.

მომდევნო მატჩის წინ კომენტარები ვთხოვეთ ქუთაისის „ტორპედოს“ ფეხბურთელებს:

მათე ცინცაძე: „მოხარული ვარ, რომ ამ სანაკრებო პაუზისას რამდენიმე ტორპედოელთან ერთად მეც გავახარე გულშემატკივრები ევროპის 19-წლამდე ჩემპიონატის შესარჩევ ეტაპზე წარმატებული თამაშით და იმედი მაქვს, რომ ეს დადებითი მუხტი ჩვენგან „ტორპედოსაც“ გადმოედება. ბიჭები კარგ სათამაშო კონდიციებში ვართ და სერიოზულად ვემზადებით „ზესტაფონთან“ მატჩისთვის, რომელშიც ასი პროცენტით დავიხარჯებით, რომ ამ 3-მატჩიან წაგებათა სერიას გამარჯვებით დავუსვათ წერტილი. ვფიქრობ, პირველი წრის თამაშში ზესტაფოში საკმაოდ გაგვიმართლა და მოვიგეთ. ამჯერადაც ძალიან გაგვიჭირდება მათი დამარცხება, თუმცა გპირდებით, ამისთვის ყველაფერს გავაკეთებთ“.

გიორგი ხიდეშელი: „ჩემი აზრით, ბოლო მატჩებში ჩვენი დამარცხების მიზეზი არაერთია. პირველ რიგში, გვაკლდნენ საჭირო ფეხბურთელები, ცოტათი არ გაგვიმართლა და ალბათ, რაღაც ჩვენც დავაკელით გასამარჯვებლად, მაგრამ არა უშავს, ყოველ აღმართს დაღმართი მოსდევს და იმედია, ამიერიდან გამოვასწორებთ ჩვენს მდგომარეობას. რაც შეეხება „ზესტაფონთან“ მომავალ მატჩს, მართალია, ჩემთვის ნებისიერი თამაში განსაკუთრებულია, თუმცა მათ შორის ერთ-ერთ ყველაზე წინა პლანზე დგას „ზესტაფონთან“ შეხვედრა. ამ გუნდში 7 წელი ვთამაშობდი და შეუძლებელია, რომ ასე არ იყოს. უშეღავათო მატჩის მოლოდინში ვართ. ვფიქრობ, ახალი მწვრთნელის ფაქტორი ზესტაფონური გუნდისთვის კარგად იმოქმედებს. ვპირდები ჩვენს გულშემატკივრებს, რომელთა მხარდაჭერის დიდი იმედი გვაქვს, რომ ბიჭები მაქსიმუმს გავიღებთ, რათა წარმატებას მივაღწიოთ“.

FCTorpedo.GE