უეფა ფრენკ ლამპარდის “მანჩესტერ სიტიში” გასხვისებით დაინტერესდა.
ბრიტანული პრესის ცნობით, ევროპული ფეხბურთის მმართველი ორგანოს ხელმძღვანელობა “ქალაქელებს” აღნიშნული ტრანსფერის სრულ დოკუმენტაციას სთხოვს.
შეგახსენებთ, რომ “მანჩესტერ სიტიმ” ლამპარდი ექვსთვიანი იჯარით “ნიუ-იორკ სიტისგან” ინათხოვრა, რომელიც მისი შვილობილი კლუბია. ლონდონის “არსენალის” მთავარმა მწვრთნელმა არსენ ვენგერმა თქვა კიდეც, რომ ამ გზით “ქალაქელებს” შესაძლოა ფინანსური ფეარ-პლეის წესი დაერღვიათ.
შვეიცარიის ქალაქ ნიონში უეფას ევროპის ლიგის პლეი-ოფის წილისყრა გაიმართა.
გუნდები შემდეგნაირად დაწყვილდნენ:
“სარაევო” (ბოსნია და ჰერცეგოვინა) — მიუნხენგლადბახის “ბორუსია” (გერმანია)
“ასტანა” (ყაზახეთი) — “ვილიარეალი” (ესპანეთი)
“ზვოლე” (ჰოლანდია) — “სპარტა” (ჩეხეთი)
“ასტერასი” (საბერძნეთი) — თელ-ავივის “მაკაბი” (ისრაელი)
“დნიპრო” (უკრაინა) — “ჰაიდუკი” (ხორვატია)
“ყარაბაღი” (აზერბაიჯანი) — “ტვენტე” (ჰოლანდია)
ჰჯკ (ფინეთი) — “რაპიდი” (ავსტრია)
“ზიმბრუ” (მოლდოვა) — “პაოკი” (საბერძნეთი)
“ომონია” (კვიპროსი) — “დინამო მოსკოვი” (რუსეთი)
“ლიონი” (საფრანგეთი) — “ასტრა” (რუმინეთი)
“ნეფთჩი” (აზერბაიჯანი) — “პარტიზანი” (სერბეთი)
“ელფსბორგი” (შვედეთი) — “რიო ავე” (პორტუგალია)
“ქარაბუქსპორი” (თურქეთი) — “სენტ-ეტიენი” (საფრანგეთი)
“პანათინაიკოსი” (საბერძნეთი) — “მიდტიულანდი” (დანია)
“გრასჰოპერსი” (შვეიცარია) — “ბრიუგე” (ბელგია)
“რიეკა” (ხორვატია) — “შერიფი” (მოლდოვა)
“აპოლონი” (კვიპროსი) — მოსკოვის “ლოკომოტივი” (რუსეთი)
“იანგ ბოიზი” (შვეიცარია) — “დებრეცენი” (უნგრეთი)
“სპარტაკ ტრნავა” (სლოვაკეთი) — “ციურიხი” (შვეიცარია)
აელი (კვიპროსი) — “ტოტენჰემ ჰოთსპური” (ინგლისი)
“დინამო მინსკი” (ბელორუსი) — “ნასიონალი” (პორტუგალია)
“პეტროლული” (რუმინეთი) — “დინამო ზაგრები” (ხორვატია)
“ტრაბზონსპორი” (თურქეთი) — როსტოვი (რუსეთი)
“სპლიტი” (ხორვატია) — “ტორინო” (იტალია)
“აქტობე” (ყაზახეთი) — “ლეგია” (პოლონეთი)
“ლოკერენი” (ბელგია) — “ჰალ სიტი” (ინგლისი)
“რუხი” (პოლონეთი) — “მეტალისტი” (უკრაინა)
“პსვ” (ჰოლანდია) — “შახტიორი” (ბელორუსი)
“სტიარნანი” (ისლანდია) — “ინტერი” (იტალია)
“ფეიენოორდი” (ჰოლანდია) — “ზორია” (უკრაინა)
“რეალ სოსიედადი” (ესპანეთი) — “კრასნოდარი” (რუსეთი)
პირველი მატჩები 21 აგვისტოს გაიმართება, საპასუხო შეხვედრები კი 28 აგვისტოს შედგება.
შვეიცარიის ქალაქ ნიონში უეფას ჩემპიონთა ლიგის პლეი-ოფის წილისყრა გაიმართა.
გუნდები შემდეგნაირად დაწყვილდნენ:
ჩემპიონთა გზა:
“მარიბორი” (სლოვენია) — “სელტიკი” (შოტლანდია)
“ზალცბურგი” (ავსტრია) — “მალმიო” (შვედეთი)
“ოლბორგი” (დანია) — “აპოელი” (კვიპროსი)
“სტიაუა” (რუმინეთი) — “ლუდოგორეცი” (ბულგარეთი)
“სლოვანი” (სლოვაკეთი) — “ბატე” (ბელორუსი)
ლიგის გზა:
“ბეშიქთაში” (თურქეთი) — “არსენალი” (ინგლისი)
“სტანდარტი” (ბელგია) — “ზენიტი” (რუსეთი)
“კოპენჰაგენი” (დანია) — “ლევერკუზენი” (გერმანია)
“ლილი” (საფრანგეთი) — “პორტუ” (პორტუგალია)
“ნაპოლი” (იტალია) — “ბილბაო” (ესპანეთი)
ორი მატჩის ჯამში გამარჯვებული გუნდები ჩემპიონთა ლიგის ჯგუფურ ეტაპზე თამაშის უფლებას მოიპოვებენ.
პირველი მატჩები 19 და 20 აგვისტოს გაიმართება, საპასუხო შეხვედრები კი 26 და 27 აგვისტოს შედგება.
უეფას ევროპის ლიგის მესამე საკვალიფიკაციო ეტაპზე საჩხერის “ჩიხურასა” და ბაქოს “ნეფთჩის” შორის გასამართი მატჩი წუთიერი დუმილით დაიწყება. გუნდები პატივს მიაგებენ აზერბაიჯანული ფეხბურთის ვეტერან ალეკპერ მამედოვს, რომელიც გასულ კვირას 84 წლის ასაკში გარდაიცვალა.
“ნეფთჩი” თბილისში დღეს დილით ჩამოფრინდა.
მატჩზე დასასწრები ბილეთები მიხეილ მესხის სახელობის სტადიონის სალაროებში უკვე იყიდება და ფასი 4 ლარია.
შეხვედრას 35 წლის უნგრელი არბიტრი ტამაშ ბოგნარი განსჯის. ბოგნარი ქართული გუნდების ფეხბედნიერი მსაჯია. 2009 წელს ეს რეფერი სჯიდა ევროპის ლიგის პირველ საკვალიფიკაციო ეტაპზე ჩრდილოეთ ირლანდიის გუნდ “ლისბერნ დისტილერისა” და “ზესტაფონს” შორის გამართულ შეხვედრას, რომელიც ქართული გუნდის დამაჯერებელი გამარჯვებით, ანგარიშით 5:1 დასრულდა. ბოგნარი იყო გორის “დილასა” და სპლიტის “ჰაიდუკს” შორის შარშან გამართული მატჩის მთავარი მსაჯიც. ამ შეხვედრაში გორელებმა ანგარიშით 1:0 იმარჯვეს.
მატჩი “ჩიხურასა” და “ნეფთჩის” შორის 7 აგვისტოს, 21:00 საათზე დაიწყება.
ხუთშაბათს, 7 აგვისტოს, მიხეილ მესხის სახელობის სტადიონზე საჩხერის “ჩიხურასა” და ბაქოს “ნეფთჩის” შორის უეფას ევროპის ლიგის მესამე საკვალიფიკაციო ეტაპის განმეორებითი მატჩი გაიმართება. როგორც მოგეხსენებათ, აზერბაიჯანის დედაქალაქში გამართული პირველი შეხვედრა უგოლოდ დასრულდა. “ნეფთჩი” თბილისში ოთხშაბათ დილას ჩამოფრინდება. იმავე დღეს გაიმართება გუნდების მატჩისწინა ვარჯიში და მთავარი მწვრთნელების პრესკონფერენციები.
მატჩზე დასასწრები ბილეთები მიხეილ მესხის სახელობის სტადიონის სალაროებში ხვალ დილიდან გაიყიდება. ბილეთის ფასი 4 ლარია.
შეხვედრას 35 წლის უნგრელი არბიტრი ტამაშ ბოგნარი განსჯის. ბოგნარი ქართული გუნდების ფეხბედნიერი მსაჯია. 2009 წელს ეს რეფერი სჯიდა ევროპის ლიგის პირველ საკვალიფიკაციო ეტაპზე ჩრდილოეთ ირლანდიის გუნდ “ლისბერნ დისტილერისა” და “ზესტაფონს” შორის გამართულ შეხვედრას, რომელიც ქართული გუნდის დამაჯერებელი გამარჯვებით, ანგარიშით 5:1 დასრულდა. ბოგნარი იყო გორის “დილასა” და სპლიტის “ჰაიდუკს” შორის შარშან გამართული მატჩის მთავარი მსაჯიც. ამ შეხვედრაში გორელებმა ანგარიშით 1:0 იმარჯვეს.
მატჩი “ჩიხურასა” და “ნეფთჩის” შორის 7 აგვისტოს, 21:00 საათზე დაიწყება.
უეფას ევროპის ლიგის მესამე საკვალიფიკაციო ეტაპზე ბაქოს “ნეფთჩისა” და საჩხერის “ჩიხურას” შორის გამართულ მატჩში მომხდარ ინციდენტთან დაკავშირებით შინაგან საქმეთა სამინისტრომ სპეციალური განცხადება გამოაქვეყნა, რასაც აქვე გთავაზობთ:
“მიმდინარე წლის 31 ივლისს, აზერბაიჯანის დედაქალაქ ბაქოში გამართული – ბაქოს “ნეფჩთი”-სა და საჩხერის “ჩიხურა”-ს საფეხბურთო მატჩის დროს მომხდარი ინციდენტის შემდეგ, რომელშიც მონაწილეობდნენ “ქართული სპორტის ქომაგების” წარმომადგენლები, ვითარებაში გარკვევის მიზნით შინაგან საქმეთა სამინისტროს წარმომადგენლების მხრიდან მოხდა შეხვედრა და გასაუბრება აღნიშნულ ინციდენტში მონაწილე პირებთან, რომლებმაც განაცხადეს, რომ მათი საქციელი არ იყო პოლიტიკურად მოტივირებული და არ ისახავდა მიზნად არცერთი მეზობელი სახელმწიფოს სუვერენული უფლებების შელახვას ან შეურაცხყოფას.
“ქართული სპორტის ქომაგებმა” გააცნობიერეს თავიანთი ქმედებების პოლიტიკური შედეგები და აღნიშნეს, რომ მომავალში მათი მხრიდან მაქსიმალურად იქნება გააზრებული ყოველი ნაბიჯი, რათა სპორტულ ღონისძიებებზე მათი აქტიურობა არ იქცეს ორ მეგობარ-მეზობელ სახელმწიფოს შორის დაპირისპირების მიზეზად.
მოგეხსენებათ, რომ საფეხბურთო გუნდებს შორის განმეორებითი შეხვედრა მიმდინარე წლის 7 აგვისტოს, 21:00 საათზე, მ. მესხის სახელობის “ლოკომოტივის” სტადიონზე გაიმართება. შინაგან საქმეთა სამინისტრო მოუწოდებს ყველა გულშემატკივარს კორექტულობისაკენ და სტუმარი გუნდის გულშემატკივრების პატივისცემისაკენ. აქვე ხაზგასმით აღვნიშნავთ, რომ ყველა სამართალდამრღვევი პირი კანონის შესაბამისად მკაცრად დაისჯება”.
უეფას ევროპის ლიგის მესამე საკვალიფიკაციო ეტაპზე ბაქოს “ნეფთჩისა” და საჩხერის “ჩიხურას” შორის გამართული შეხვედრა ანგარიშით 0:0 დასრულდა. მატჩის შემდეგ კომენტარი გააკეთა “ჩიხურას” კაპიტანმა დავით ოდიკაძემ, რომელმაც ნულოვანი ფრე სასურველ შედეგად შეაფასა.
“პირველ შეხვედრაში ჩვენი ამოცანა არწაგება გახლდათ, რასაც მივაღწიეთ კიდეც. ჩვენთვის ეს კარგი შედეგია. მძიმე მატჩი გამოვიდა.
ახლა განმეორებითი შეხვედრა გველის, ჩვენი ტრიბუნების წინაშე. “ბურსასპორის” წინააღმდეგ გამართულ მატჩზე დაახლოებით 15 ათასი გულშემატკივარი მოვიდა. ამჯერად უფრო მეტნი ვიქნებით, დაახლოებით 20 ათასი”, – ციტირებს ოდიკაძის სიტყვებს azerisport-ი.
შეგახსენებთ, რომ “ჩიხურასა” და “ნეფთჩის” შორის განმეორებითი შეხვედრა 7 აგვისტოს, მიხეილ მესხის სახელობის სტადიონზე, 21:00 საათზე დაიწყება.
azerisport-ის ცნობით, ევროპის ლიგის მესამე საკვალიფიკაციო ეტაპზე ბაქოს “ნეფთჩისა” და საჩხერის “ჩიხურას” შორის გამართული მატჩის (0:0) დასრულების შემდეგ ქართველი გულშემატკივრები დააკავეს.
წყაროს ცნობით, შეხვედრის დასრულებისთანავე “ჩიხურას” ქომაგებსა და ადგილობრივი სამართალდამცავი ორგანოს წარმომადგენლებს შორის შეხლა-შემოხლა მოხდა, რაც ქართველი გულშემატკივრების დაკავებით დასრულდა.
შეგახსენებთ, რომ კონფლიქტი უშუალოდ მატჩის დროსაც მოხდა. სტადიონზე დამსწრე “ჩიხურას” გულშემატკივრებმა პირველი ტაიმის ბოლოს ტრიბუნაზე გამოფინეს რუკა, რომელზედაც ქალაქები კახი და ზაქათალა საქართველოს შემადგენლობაში იყვნენ შეყვანილნი, რასაც “ნეფთჩის” ქომაგთა მხრიდან აგრესია და ბოთლების სროლა მოჰყვა.
უეფას ევროპის ლიგის მესამე საკვალიფიკაციო ეტაპზე ბაქოს “ნეფთჩისა” და საჩხერის “ჩიხურას” შორის გამართული შეხვედრა ფრედ, ანგარიშით 0:0 დასრულდა. მატჩის შემდეგ იმერელთა მთავარმა მწვრთნელმა სოსო ფრუიძემ განაცხადა, რომ დღეს იღბალი მათ მხარეს იყო.
“კარგი თამაში გამოვიდა, უშეღავათო ბრძოლაში წარიმართა. ვიცოდით, რომ “ნეფთჩი” ძლიერი გუნდია. მეტოქეს პატივს ვცემთ. მოწინააღმდეგე გუნდს ძალიან კარგი მწვრთნელი და შესანიშნავი ფეხბურთელები ჰყავს. იღბალი ჩვენ მხარეს იყო. განმეორებითი მატჩისთვის უფრო საფუძვლიანად მოვემზადებით.
სოფლის გუნდი გვიწოდეს? ვერ ვხედავ იმის აუცილებლობას, რომ ამ განცხადებას ვუპასუხო”, – ციტირებს ფრუიძის სიტყვებს azerisport-ი.
მატჩს “ჩიხურას” ქომაგებიც დაესწრნენ, რომელთაც სოსო ფრუიძემ მადლობა გადაუხადა:
“მადლობას ვუხდი საქართველოდან ჩამოსულ გულშემატკივრებს. ისინი გულმხურვალედ გვქომაგობდნენ. ამავე დროს, მოხარული ვარ, რომ “ნეფთჩის” ასეთი ქომაგები ვიხილე.
განმეორებით მატჩიც ვიბრძოლებთ და ვნახოთ, რა მოხდება. ჩვენ არ ვართ “ნეფთჩის” კალიბრის გუნდი და ეს კარგად გვესმის”, – განაცხადა ფრუიძემ.
“ჩიხურას” თავკაცმა მატჩის მიმდინარეობისაას მომხდარი ინციდენტის შესახებაც გააკეთა კომენტარი. როგორც azerisport-ი იუწყება, სტადიონზე დამსწრე “ჩიხურას” გულშემატკივრებმა პირველი ტაიმის ბოლოს ტრიბუნაზე გამოფინეს რუკა, რომელზედაც ქალაქები კახი და ზაქათალა საქართველოს შემადგენლობაში იყვნენ შეყვანილნი.
“ვწუხვარ, რომ ასეთი რამ მოხდა. აზერბაიჯანი ჩვენი მეგობარი და მეზობელი სახელმწიფოა. ისინი არ იყვნენ “ჩიხურას” ნამდვილი გულშემატკივრები”, – აღნიშნა სოსო ფრუიძემ.
მისივე თქმით, “ჩიხურა” განმეორებით შეხვედრაში უფრო ლაღად ითამაშებს:
“ვეცდებით, უფრო გახსნილი ფეხბურთი ვითამაშოთ, ვიდრე “ბურსასპორთან” მოხდა. საშინაო მატჩში უფრო მეტად შევუტევთ”.
შეგახსენებთ, რომ “ჩიხურასა” და “ნეფთჩის” შორის განმეორებითი შეხვედრა 7 აგვისტოს, მიხეილ მესხის სახელობის სტადონზე, 21:00 საათზე დაიწყება.
azerisport-ის ინფორმაციით, უეფას ევროპის ლიგის მესამე საკვალიფიკაციო ეტაპზე ბაქოს “ნეფთჩისა” და საჩხერის “ჩიხურას” შორის დღეს გასამართ მატჩს თურქული “ბურსასპორის” მთავარი მწვრთნელი შენოლ გიუნეშიც დაესწრება. როგორც მოგეხსენებათ, სწორედ გიუნეშის გუნდის ბარიერი დაძლია “ჩიხურამ” ტურნირის მეორე საკვალიფიკაციო ეტაპზე.
“ნეფთჩისა” და “ჩიხურას” შორის გასამართი მატჩის პირდაპირ ტრანსლაციას საზოგადოებრივი მაუწყებლის პირველი არხი დღეს, 19:00 საათიდან შემოგთავაზებთ.
შეხვედრას კრისტიან ბალაჟის ხელმძღვანელობით რუმინელ მსაჯთა ბრიგადა განსჯის.
უეფას ევროპის ლიგის მესამე საკვალიფიკაციო ეტაპზე საჩხერის “ჩიხურა” ბაქოს “ნეფთჩის” დაუპირისპირდება. იმერული გუნდის მთავარმა მწვრთნელმა სოსო ფრუიძემ დამდეგი შეხვედრის შესახებ ისაუბრა.
“დასაკარგი არაფერი გვაქვს. გავალთ მოედანზე და ვიბრძოლებთ. მოგებისთვის ყველაფერს გავაკეთებთ. წარმატების მოსაპოვებლად საკმარისი ძალა გვაქვს. ჩვენ ჩვენი სათამაშო სტილი გავქვს, რასაც კვლავ გამოვიყენებთ. ბაქოში საყაიმო შედეგიც დაგვაკმაყოფილებს. აქ ფავორიტი “ნეფთჩია”. მეტოქეს კარგად ვიცნობ, ვიცი, რაც შეუძლია. ის, რომ ხვალ სტადიონი გადავსებული იქნება, არ მაღელვებს. ჩვენ ამას მივეჩვიეთ“, – ციტირებს ფრუიძის სიტყვებს azerisport-ი.
“ნეფთჩისა” და “ჩიხურას” შორის გასამართი მატჩის პირდაპირ ტრანსლაციას საზოგადოებრივი მაუწყებლის პირველი არხი ხვალ, 19:00 საათიდან შემოგთავაზებთ. შეხვედრას კრისტიან ბალაჟის ხელმძღვანელობით რუმინელ მსაჯთა ბრიგადა განსჯის.
“ნეფთჩის” მთავარმა მწვრთნელმა ბეიუკაღა გაჯიევმა კიდევ ერთხელ გააკეთა კომენტარი უეფას ევროპის ლიგის მესამე საკვალიფიკაციო ეტაპზე საჩხერის “ჩიხურას” წინაღმდეგ ხვალ გასამართი მატჩის შესახებ.
“ჩიხურას” მატჩს ვუყურე. “კოპერის” (წინა ეტაპზე გამოთიშა “ნეფთჩიმ”) მსგავსი გუნდია. დაცვიდან თამაში უყვართ. მიუხედავად იმისა, რომ ქართველებს მუდამ ჰყავდათ დიდებული ფეხბურთელები, ჩვენ “ჩიხურას” ბარიერის დაძლევა შეგვიძლია“, – ციტირებს გაჯიევის სიტყვებს azerisport-ი.
კიდევ ერთხელ შეგახსენებთ, რომ ბაქოს “ნეფთჩისა” და საჩხერის “ჩიხურას” შორის გასამართი მატჩის პირდაპირ ტრანსლაციას საზოგადოებრივი მაუწყებლის პირველი არხი ხვალ, 19:00 საათიდან შემოგთავაზებთ. შეხვედრას კრისტიან ბალაჟის ხელმძღვანელობით რუმინელ მსაჯთა ბრიგადა განსჯის.
