კატალონიის “ბარსელონას” მეკარე, ვიქტორ ვალდესი აცხადებს, რომ გუნდი არგენტინელ ლიონელ მესიზე დამოკიდებული ყოველთვის იქნება, რადგან ის მსოფლიოს საუკეთესო ფეხბურთელია.
“მე რომ მკითხოთ, “ბარსელონა” მესიზე დამოკიდებული ყოველთვის იქნება, რადგან ლიონელი მსოფლიოს საუკეთესო ფეხბურთელია. როდესაც მესი მოედანზეა, ჩვენ, მისი თანაგუნდელები, მშვიდად ვართ და ვიცით, რომ მატჩს წარმატებით დავასრულებთ”, – ამბობს 31 წლის კარის დარაჯი.
10 ნოემბერს, ესპანეთის პრიმერა დივიზიონში, “ბეტისმა” საკუთარ მოედანზე “ბარსელონა” მიიღო. მატჩი კატალონიელთა გამარჯვებით, 1:4 დასრულდა.
აღნიშნულ შეხვედრაში, “ბლაგაურანას” მეკარემ, ვიქტორ ვალდესმა ბრწყინვალე სეივი განახორციელა.
ფრანგული “მონაკოს” მცველი, ერიკ აბიდალი აცხადებს, რომ ის თავის გუნდში კატალონიის “ბარსელონას” მეკარეს, ვიქტორ ვალდესს დიდი სიამოვნებით იხილავდა.
შეგახსენებთ, რომ 31 წლის კარის დარაჯს “ბლაგაურნასთან” კონტრაქტი სეზონის ბოლოს ეწურება, რის შემდეგაც, არ არის გამორიცხული, მან გუნდი გამოიცვალოს.
“თუ მომდევნო წელს ჩემპიონთა ლიგაზე ვითამაშებთ, ჩვენი გუნდი ბევრისათვის უფრო მიმზიდველი გახდება. რაც შეეხება ვიქტორ ვალდესს, მას “მონაკოში” დიდი სიამოვნებით ვიხილავდი”, – ამბობს აბიდალი.
