მადრიდის “რეალმა” ესპანეთის ჩემპიონატის მოგების შანსი ფაქტობრივად დაკარგა. პრიმერას 34-ე ტურის გადადებულ მატჩში ანჩელოტის შეგირდები ვალიადოლიდს სტუმრობდნენ. აღსანიშნავია,რომ მადრიდელთა ლიდერმა კრიშტიანო რონალდუმ მე-9 წუთზე ტრავმის გამო მოითხოვა შეცვლა და მატჩი ვეღარ გააგრძელა.
“რეალი” 35-ე წუთზე სერხიო რამოსმა დააწინაურა. ყველაფერი მადრიდელების მორიგი გამარჯვებისკენ მიდიოდა, თუმცა 85-ე წუთზე ჰუმბერტო ოსორიომ ანგარიში გათანაბრება მოახერხა და “რეალის” საჩემპიონო შანსები ძალიან შეამცირა.
აღნიშნული მატჩის შემდეგ “რეალი” მესამე პოზიციაზე რჩება და ლიდერ “ატლეტიკოს” 4-ით, ხოლო მეორეზე მყოფ “ბარსელონას” – 3 ქულით ჩამორჩება.
