ჭდე: ვესტ ჰემი

ლონდონის “ვესტ ჰემის” ახალი მწვრთნელი სლავენ ბილიჩი გახდა. The Telegraph-ის ცნობით, ხორვატმა სპეციალისტმა კლუბთან 3-წლიან კონტრაქტს მოაწერა ხელი და ხელფასის სახით წელიწადში სამ მილიონ გირვანქას მიიღებს. აღსანიშნავია, რომ ბილიჩი “ვესტ ჰემის” რიგებში 1996/97 წლების სეზონში თამაშობდა.

“ვესტ ჰემში დაბრუნებით ბედნიერი ვარ. ჩემთვის ეს კლუბი განსაკუთრებულია. აქ თავს როგორც საკუთარ სახლში ისე ვგრძნობდი” – განაცხადა ბილიჩმა.

შეგახსენებთ, რომ ამ თანამდებობაზე “ბეშიქთაშის” ყოფილმა დამრიგებელმა სემ ელერდაისი შეცვალა, რომელმაც აპტონ პარკი გასული სეზონის დასრულების შემდეგ დატოვა.

31 წლის თავდამსხმელმა კარტონ კოულმა „ვესტ ჰემიდან“ წასვლა დაადასტურა.

„ახალ თავგადასავალს ველი. „ვესტ ჰემის“ ხელმძღვანელობას ვესაუბრე და გადავწყვიტეთ, რომ კონtრაქტი არ გავახანგრძლივოთ“, – ციტირებს კოულს „სქაი სპორტსი“.

ინგლისის პრემიერლიგის განვლილი სეზონის გათამაშებაში კოულმა 23 მატჩi ჩაატარა, რომელშიც 2 გოლი გაიტანა.

„ვესტ ჰემიდან“ ფორვარდი 2013 წელსაც მიდიოდა, თუმცა კლუბში რამდენიმე თვეში დაბრუნდა.

„სუონსი სიტის“ ყოფილი მთავარი მწვრთნელი მიკაელ ლაუდრუპი, რომელიც ამჟამად ყატარულ „ლეკჰვიას“ თავკაცობს, „ვესტ ჰემში“ მუშაობას არ აპირებს.

„მე არ მივიღებ იმ კლუბების წინადადებებს, რომლებიც ინგლისის ან ესპანეთის ჩემპიონატის ცხრილის შუაში იმყოფებიან. ამ მხვრივ, კარიერაში საკმარისი გამოცდილება უკვე მივიღე. ახალი გამოწვევის მიღება მსურს. თუ დიდ კლუბში არ მომიწვევენ, სამუშაოდ აშშ-ში წავალ“, – განაცხადა ლაუდრუპმა.

“ვესტ ჰემის” თავდამსხმელი, დიაფრა სახო “სტოკთან” მატჩში(1:1) სერიოზულად დაშავდა.

სენეგალელს ბარძაყის კუნთების დაჭიმულობა აწუხებს.

“შესაძლოა, ის დაბრუნდეს სეზონის ბოლოს ან საერთოდ ვერა. ასეთი ტრავმა დიდ ყურადღებას იმსახურებს, რათა შემდგომში უფრო არ გართულდეს,”-განაცხადა ელერდაისმა.

მიმდინარე სეზონში, სახომ პრემიერ ლიგაში 22 მატჩი გამართა, გაიტანა 10 გოლი და გააკეთა ორი შედეგიანი გადაცემა.