ჭდე: ჟოზე მოურინიო

მოურინიო: “კარანკამ გაგდება დაიმსახურა”

Posted on by კახა ყიფიანი

16 მარტს ოფიციალურად დადასტურდა, რომ “მიდლსბროს” უკვე ყოფილი მწვრთნელი, აიტორ კარანკა პრემიერ ლიგის გუნდს აღარ გაწვრთნიდა. ეს სპეციალისტი წარსულში ჟოზე მოურინიოს თანაშემწე იყო.

სწორედ პორტუგალიელმა მწვრთნელმა ისაუბრა კარანკაზე. მისი აზრით, ესპანელმა გუნდიდან გაგდება დაიმსახურა.

” ვფიქრობ, მან გუნდიდან წასვლა დაიმსახურა. კარანკამ პირველ წელს კლუბი ჩემპიონშიფიდან გავარდნისგან იხსნა. მეორე წელს “მიდლსბრომ” “უემბლიზე” პლეი-ოფის ფინალი ითამაშა. შარშან კარანკამ გუნდი პრემიერ ლიგაში გადმოიყვანა. წელს კი, დრო იყო, წასულიყო. “მიდლსბროს” შედეგები არასახარბიელო იყო,” – განაცხადა ჟოზემ.

მოურინიომ რუნი ისევ სახლში დატოვა

Posted on by იაკობ კაპანაძე

“მანჩესტერ იუნაიტედის” მთავარმა მწვრთნელმა, ჟოზე მოურინიომ გუნდის კაპიტანი, უეინ რუნი ევროპა ლიგის ეგიდით, რუსეთში გასამართი მატჩისთვის შედგენილ განაცხადში არ შეიყვანა.

როგორც ცნობილი ხდება, ამით მოურინიო “ჩელსისთან” გასამართი მატჩისთვის ინგლისელი შემტევის დასვენებას აპირებს. შეგახსენებთ, რომ “ჩელსისა” და “მანჩესტერ იუნაიტედის” დაპირისპირება ორშაბათს უნდა შედგეს.

რუნისგან განსხვავებით, 20-კაციან განაცხადში მოხვდა ზლატან იბრაჰიმოვიჩი, რომელმაც “ბორნმუთის” ფეხბურთელთან უხეშობის გამო 3-მატჩიანი დისკვალიფიკაცია მიიღო.

ზლატან იბრაჰიმოვიჩმა “მანჩესტერ იუნაიტედს” ლიგის თასი მოაგებინა (ვიდეო)

Posted on by იაკობ კაპანაძე

ახლახან დასრულდა ინგლისის ლიგის თასის ფინალი “მანჩესტერ იუნაიტედსა” და “საუთჰემპტონს” შორის, რომელიც საკმაოდ დაძაბული და უხვგოლიანი გამოდგა.

მატჩი “მანჩესტერელთა” უპირატესობით მიმდინარეობდა, ანგარიშიც ჟოზე მოურინიოს შეგირდებმა გახსნეს: იბრამ მე-19 წუთზე გამოიჩინა თავი, ერთი ამდენი დრო დასჭირდა “იუნაიტედს” მეორეს გასატანადაც.

თუმცა, ტაიმის მიწურულს “წმინდანებმა” მაინც შეძლეს გოლის გატანა, თავი გაბიადინიმ გამოიჩინა. ამ უკანასკნელმა გოლი მეორე ტაიმის დასაწყისშიც გაიტანა და სიტუაცია უაღრესად დაძაბა.

საბოლოო ჯამში კი, მატჩის გმირობა საკუთარ თავზე ზლატანმა აიღო, რომელმაც ბოლო წუთებზე შესანიშნავი გოლის წყალობით, ჟოზეს კიდევ ერთი ტიტული მოაგებინა.

“მანჩესტერ იუნაიტედი”: დავიდ დე ხეა; მარკუს როხო, ქრის სმოლინგი, ერიკ ბაილი, ვალენსია; პოლ პოგბა, ანდერ ერერა; მარსიალი, ხუან მატა (კერიკი 46′), ლინგარდი ( 77 რეშფორდი); იბრაჰიმოვიჩი

მთავარი მწვრთნელი: ჟოზე მოურინიო

“საუთჰემპტონი”: ფორსტერი; სედრიკი, სტეფენსი, იოშიდა, ბერტრანდი; ვორდ-პრაუზი, დეივისი, რომეუ, რედმონდი; ტადიჩი (ბუფალი 77′); გაბიადინი (შეინ ლონგი 83′)

მთავარი მწვრთნელი: კლოდ პუელი

კონტე: “მოურინიოს სიტყვები? ამაზე საუბარს არ ვაპირებ”

Posted on by იაკობ კაპანაძე

ლონდონის “ჩელსის” მთავარმა მწვრთნელმა, ანტონიო კონტემ ჟოზე მოურინიოს სიტყვებზე კომენტარის გაკეთებისაგან, რომლის მიხედვითაც ლონდონელები ზედმეტად დაცვით ფეხბურთს თამაშობენ, თავი შეიკავა.

“არ მიყვარს სხვა მწვრთნელების ნათქვამზე კომენტარს როცა ვაკეთებ. ასეთი თამაშები ჩემს გემოვნებაში არ ჯდება. ამას ჩემი გამოცდილების ხარჯზე ვამბობ.

მოედანი პატარაა, რაც ისეთი გუნდების სასარგებლოდ მოქმედებს, რომლებთაც აქცენტი დაცვასა და გრძელ პასებზე აქვთ გაკეთებული. ატმოსფერო ნამდვილად კარგია, რითიც კმაყოფილი ვარ.

რაც შეეხება ჩემპიონატს, ლიგის დასრულებამდე 13 თამაშია დარჩენილი და თუ ვინმე ფიქრობს, რომ ყველაფერი უკვე გადაწყვეტილია, აშკარად ცდება.”

ჟოზე მოურინიო: “ჩვენ ვუტევდით, “ლივერპული” თავს იცავდა”

Posted on by კახა ყიფიანი

15 იანვარს პრემიერ ლიგის 21-ე ტურის შეხვედრები გაიმართა. ერთ-ერთ მატჩში, “ოლდ ტრაფორდზე, “მანჩესტერ იუნაიტედი” “ლივერპულს” დაუპირისპირდა. გუნდებმა გოლები გაცვალეს და, საბოლოოდ, შეხვედრა, ანგარიშით, 1-1 დასრულდა.

დაპირისპრიების შედმეგ “წითელი ეშმაკების” მთავარმა მწვრთნელმა, ჟოზე მოურინიომ ჟურნალისტებთან ისაუბრა.

“ნამდვილად სანახაობრივი შეხვედრა იყო, თუმცა გუნდების თამაშის ხარისხი არ მომეწონა. როგორც ჩვენ, ასევე კლოპის შეგირდებს გაცილებით მაღალ დონეზე შეგვიძლია ასპარეზობა.”

“მხიარული თამაში გამოვიდა. ჩვენ ბევრს ვუტევდით, “ლივერპული” კი, ძირითადად, თავის დაცვით იყო დაკავებული. მათ საკუთარ საჯარიმოში შესანიშნავად შეუძლიათ ასპარეზობა.”

“გამომდინარე იქედან, რომ ჩვენ უფრო აქტიურები ვიყავით, ვფიქრობ, უფრო მეტს ვიმსახურებდით. თუმცა, ქულაც, ამ შემთხვევაში, არაა ცუდი,” – განაცხადა “განსაკუთრებულმა.”

მოურინიომ ჟურნალისტის ტელეფონს თავად უპასუხა (ვიდეო)

Posted on by იაკობ კაპანაძე

არ დაარღვიოთ სიჩუმე – ეს ის სიტყვებია, რომელსაც ჟურნალისტებს ყოველი პრესკონფერენციის დაწყების წინ ეუბნებიან. ეს წესი კი განსაკუთრებით მაშინ უნდა დაიცვათ, თუ საქმე ჟოზეს პრესკონფერენციას ეხება, თანაც “ლივერპულთან” გასამართი მატჩის წინ.

თუმცა, ამ წესის დაცვას ყველა ვერ ახერხებს. საქმე ისაა, რომ მნიშვნელოვან თემებზე მოსაუბრე ჟოზე მოურინიო ტელეფონის ზარმა შეაწუხა. პორტუგალიელი კი პასუხის გაცემას არ მოერიდა და მაშინვე განსაზღვრა, რომ ზარი TalkSport-ის ჟურნალისტისთვის იყო.

“მანჩესტერ იუნაიტედმა” ჟოზეს დაცვის გასაძლიერებლად 45 მილიონი ფუნტი გამოუყო

Posted on by იაკობ კაპანაძე

Daily Express-ის მიერ გავრცელებული უახლესი ინფორმაციის თანახმად, “მანჩესტერ იუნაიტედის” ხელმძღვანელებმა გუნდის პორტუგალიელ თავკაცს, ჟოზე მოურინიოს დაცვის გასაძლიერებლად, რაც ჟოზეს აზრით ოთხეულში მოსახვედრად აუცილებელია, 45 მილიონი ფუნტი გამოუყვეს.

ბოლო დროს გავრცელებულ ინფორმაციებს თუ დავუჯერებთ, ჟოზე ძლიერ არის დაინტერესებული “ბენფიკას” მცველით, ვიქტორ ლინდელოფით, ისევე როგორც “საუთჰემპტონის” ჟოზე ფონტეთი.

როგორც ამჟამინდელი სიტუაციიდან ჩანს, ლინდელოფს “ოლდ ტრაფორდზე” გადასვლის ვარიანტი ძალიან მოსწონს, თუმცა ამისათვის “წითელ ეშმაკებს” “ბენფიკასა” და მისი ყოფილი კლუბის, “ვასტერასის” დათანხმება მოუწევთ.

რაც შეეხება ჟოზე ფონტეს, ბრიტანული პრესის ცნობით, მან უკვე მოსთხოვა ტრანსფერზე დაყენება “წმინდანების” ხელმძღვანელობას, იმ იმედით, რომ ეს ტრანსფერი შედგება.

ჟოზე მოურინიო: “ტოტენჰემი” – “ჩელსი” – წინ ორი ბრწყინვალე გუნდის დაპირისპირება გველის”

Posted on by იაკობ კაპანაძე

“მანჩესტერ იუნაიტედის” მთავარმა მწვრთნელმა, ჟოზე მოურინიომ, თავისი მატჩის მოგების შემდეგ (“ვესტ ჰემი” 0-2 “მანჩესტერ იუნაიტედი”) პრესასთან ტურის ცენტრალურ მატჩზე ისაუბრა, რომელშიც ლონდონის “ტოტენჰემი” თანაქალაქელ “ჩელსის” დაუპირისპირდება.

“წინ “ჩელსისა” და “ტოტენჰემის” დაპირისპირება გველის, სადაც შეიძლება, რომელიმემ წააგოს, ან ორივე გუნდმა დაკარგოს 2-2 ქულა. ასე რომ, ამ მატჩის შედეგი ჩვენს მისიაზე გავლენას არ იქონიებს – მომდევნო მატჩი უნდა მოვიგოთ.

რაც შეეხება უშუალოდ ამ მატჩს, ერთმანეთს ორი ბრწყინვალე საფეხბურთო გუნდი უპირისპირდება, რომლებთაც დასასვენებლად უფრო მეტი დრო ჰქონდათ. ამიტომაც, ჩვენ გასაოცარი მატჩის მოლოდინში ვართ.” – განაცხადა მოუმ.

შეგახსენებთ, რომ ამ დროისთვის პრემიერ ლიგის სატურნირო ცხრილს “ჩელსი” ლიდერობს 49 ქულით, მისი უახლოესი მეტქოე კი “ლივერპულია” 44 ქულით, რომელსაც ერთით მეტი თამაში აქვს ჩატარებული.

მოურინიო: “მარსიალმა მე უნდა მომისმინოს და არა თავის აგენტს”

Posted on by იაკობ კაპანაძე

“მანჩესტერ იუნაიტედის” მთავარმა მწვრთნელმა, ჟოზე მოურინიომ გუნდის ფრანგ შემტევზე, ანტონი მარსიალზე საუბრისას აღნიშნა, რომ თუ ახალგაზრდა ფორვარდი მას მოუსმენს, ყველაფერი გამოუვა და არც კლუბის დატოვება მოუწევს.

“მარსიალს ყველაფერი აქვს იმისთვის, რომ ტოპ დონის მოთამაშე გახდეს. ის თამაშობს, ქმნის შანსებს, გოლები გააქვს, ბოლომდე იბრძვის. ყველაფერთან ერთად პოზიტიურიც არის.

მარსიალმა მე უნდა მომისმინოს და არა თავის აგენტს. ვარჯიშებზე უნდა დამიჯეროს, ჩემს მიერ მიცემული თითოეული შენიშვნა გაითვალისწინოს და გამოასწოროს.

გაზეთებში ყოველდღე ვხედავ სტატიებს სათაურებით: “მარსიალი “სევილიაში” მიდის”, “მარსიალს ანათხოვრებენ”, “ანტონი თავს ბედნიერად ვერ გრძნობს.” თუ ის მე დამიჯერებს, ყველაფერი გამოსწორდება.”

მოურინიო: “მას ზამთარში აუცილებლად გავანათხოვრებთ”

Posted on by კახა ყიფიანი

ახლოვდება სატრანსფერო ფანჯარა და უფრ და უფრო მეტი ხმა ვრცელდება სხვადასხვა ვარსკვლავის ტრანსფერთან დაკავშირებით.

“მანჩესტერ იუნაიტედის” მთავარმა ამწვრთნელმა, ჟოზე მოურინიომ ჟურნალისტებთან ის ერთადერთი ფეხბურთელი დაასახელა, რომელიც “წითელ ეშმაკებს” არენდის წესით დატოვებს.

“სემ ჯონსთოუნი არის ის სპორტსმენი, რომელსაც ზამთარში გავანათხოვრებთ. მას ამ სეზონში არცერთი წუთი არ უთამაშია. სემი ახალგარზდაა და სათამაშო პრაქტიკა და გამოციდლების დაგროვება სჭირდება,” – განაცხადა მოურნიომ.

შეგახსენებთ, რომ ჯონსთოუნი “მანჩესტერის” რიგით მესამე მეკარედ ითვლება. 23 წლის კიპერის იჯარით აყვანით “ასტონ ვილა” და “სანდერლენდი” არიან დაინტერესებულნი.

ერიკ ბაილი: “მოურინიო მსოფლიოს საუკეთესო მწვრთნელია”

Posted on by იაკობ კაპანაძე

“მანჩესტერ იუნაიტედის” ახალგაზრდა მცველმა, ერიკ ბაილიმ, რომელიც “ოლდ ტრაფორდზე” “ვილიარეალიდან” გადაბარგდა, აღნიშნა, რომ ჟოზე მოურინიო საუკეთესოა თავის საქმეში.

“ის დიდებული მწვრთნელია, მსოფლიოში საუკეთესოა. მასთან ერთად მუშაობა და მისგან სწავლა დიდი პატივია ჩემთვის და ამით დიდ სიამოვნებასაც ვიღებ.

აქ თავს ბედნიერად ვგრძნობ. იმედი მაქვს, რომ “იუნაიტედში” კიდევ დიდი ხანი დავრჩები.

რაც შეეხება ლა ლიგას, ვთვლი, რომ ეს მსოფლიოს საუკეთესო ჩემპიონატია. აქ ყველაფერი სხვაგვარადაა, აქცენტი კონტაქტებსა და ძალისხმიერ ორთაბრძოლებზეა გადატანილი. იმედი მაქვს, რომ აქაურობას მალე შევეჩვევი და განვვითარდები.”

კარიკატურა: შვაინშტაიგერი “ოლდ ტრაფორდს” დაუბრუნდა (ფოტო)

Posted on by კახა ყიფიანი

გუშინ ინგლისის ლიგის თასის 1/4 ფინალის შეხვედრები გაიმართა.

ერთ-ერთ მატჩში “მანჩესტერ იუნაიტედმა” “ვესტ ჰემს” უმასპინძლა და მეტოქე, ანგარიშით, 4-1 დაამარცხა. 86-ე წუთზე მოედანზე ანტონი მარსიალის ნაცვლად ბასტიან შვაინშტაიგერი შემოვიდა. მოგეხსენებათ, გერმანელი მას შედმეგ დააქვეითეს ახალგაზრუდლ გუნდში, რაც “წითელ ეშმაკებს” ჟოზე მოურინიო ჩაუდგა. ეს უკანასკნელი გუშინ, დისვალიფიკაციის გამო, ტრიბუნებიდან ადევნებდა თვალს მატჩს.

ომარ მომანიმ ეს ბასტიანის შემოსვლა ასე დაინახა