“პენსიონერები” მზად არიან, ზაფხულში სატრანსფერო აფეთქება მოაწყონ.
33 წლის შვედ შემტევს გუნდთან კონტრაქტი 12 თვეში ეწურება და ფრანგები მისგან ფულის აღებას ეცდებიან. ამას გარდა, ედინსონ კავანის მთავარ შემტევად აქცევენ.
Metro-ს ინფორმაციით, იბრაჰიმოვიჩის გადაბირებით “მილანია” დაინტერესებული, ასევე MLS-ის კლუბები, მაგრამ ზლატანისთვის ბრძოლაში “ჩელსი” გაიჭრა წინ.
წყაროს ცნობით, ლონდონელები ზლატანს საკმაოდ კარგ პირობებს სთავაზობენ და ამავდროულად, ჟოზე მოურინიოსთან მუშაობას.
Fanebi.Com გთავაზობთ 10 საუკეთესო ფეხბურთელს, რომლებიც ათნომრიანი მაისურით თამაშობენ.
10. იულიან დრაქსლერი
9. არდა თურანი
8. ფრანჩესკო ტოტი
7. კარლოს ტევესი
6. ხამეს როდრიგესი
5. უეინ რუნი
4. ედენ აზარი
3. არიენ რობენი
2. ზლატან იბრაჰიმოვიჩი
1. ლიონელ მესი
25 აპრილს, საფრანგეთის ჩემპიონატში “პარი სენ-ჟერმენმა” საკუთარ მოედანზე “ლილი” მიიღო და მეტოქე დიდი ანგარიშით დაამარცხა.
შეხვედრის მე-4 წუთზე, ედინსონ კავანიმ მეტოქე ლამაზი გოლი გაუტანა, კამერებმა კი ზლატანის რეაქცია დააფიქსირეს.
„პარი სენ-ჟერმენის“ თავდამსხმელს ზლატან იბრაჰიმოვიჩს დისკვალიფიკაცია ერთი მატჩით შეუმცირეს.
აქედან გამომდინარე, შვედეთის ნაკრების ფორვარდი „ნანტთან“ მატჩში მონაწილეობის მიღებას მოახერხებს.
„პარი სენ-ჟერმენის“ თავდამსხმელმა ზლატან იბრაჰიმოვიჩმა თავისი დისკვალიფიკაციის შესახებ ისაუბრა.
„მთელი ეს სიტუაცია ჩემს სიტყვებს ადასტურებს. ყველაფერი, უბრალოდ, აბსურდია. მთელი ფეხბურთისთვის ეს დიდი სირცხვილია. გამიხარდებოდა, თუ დისკვალიფიკაციას სეზონის ბოლომდე მივიღებდი, რადგან, ამ შემთხვევაში, შვებულებაც დამეწყებოდა“, – განაცხადა შვედმა ფორვარდმა.
შეგახსენებთ, რომ ზლატანს ოთხმატჩიანი დისკვალიფიკაცია მიესაჯა.
“პსჟ”-ს შვედი თავდამსხმელი დაისაჯა მისი გრძელი ენისთვის.
“პარის სენტ-ჟერმენის” ვეტერანი თავდამსხმელი, ზლატან იბრაჰიმოვიჩი დაისაჯა ოთხმატჩიანი დისკვალიფიკაციით, საფრანგეთის შეურაცხყოფისთვის.
შეგახსენებთ, რომ “ბორდოსთან” მატჩის შემდეგ, 33 წლის თავდამსხმელმა ვერ შეიკავა გრძნობები და საჯაროდ გააკრიტიკა საფრანგეთი და განაცხადა, რომ ეს ქვეყანა “პსჟ”-ს დონის გუნდს არ იმსახურებდა.
რამდენიმე ხნის შემდეგ, შვედმა მოიხადა ბოდიში, მაგრამ ამ ხერხმა მას სასჯელი ვერ ააცილა.
მიმდინარე სეზონში, ლიგა 1-ში გამართულ 22 შეხვედრაში, იბრაჰიმოვიჩმა 17 გოლი გაიტანა.
“პარი სენ-ჟერმენის” თავდამსხმელი ზლატან იბრაჰიმოვიჩი 2016 წელს შესაძლოა, “მილანში” დაბრუნდეს. ამ ინფორმაციას იტალიური გამოცემა “კალჩო მერკატო” ექსკლუზიურად აქვეყნებს.
წყაროს ცნობით, “როსონერის” პრეზიდენტმა სილვიო ბერლუსკონიმ დახურულ კარს მიღმა კლუბის გაყიდვის თაობაზე შეთანხმებას მიაღწია. შემოსული თანხა შესაძლოა, შვედი ფეხბურთელის შეძენისთვის დაიხარჯოს.
“მილანის” გენერალური დირექტორი ადრიანო გალიანი 19 მარტს იბრაჰიმოვიჩის აგენტ მინო რაიოლას შეხვდა.
არ არის გამორიცხული, რომ აღნიშნული ტრანსფერი ამ ზაფხულშივე შედგეს. “პარი სენ-ჟერმენი” იბრაჰიმოვიჩის გაყიდვას არ აპირებს, თუმცა შვედ ფორვარდს პარიზულ კლუბთან მოქმედი კონტრაქტი 2016 წლის 30 ივნისს ეწურება. შესაბამისად, თუ შრომითი ხელშეკრულება არ გახანგრძლივდება, ერთი წლის შემდეგ ის თავისუფალი აგენტის სტატუსს მიიღებს.
შეგახსენებთ, რომ ზლატან იბრაჰიმოვიჩი “მილანიდან” “პარი სენ-ჟერმენში” 2012 წელს ტიაგო სილვასთან ერთად გადავიდა.
„პარი სენ-ჟერმენის“ თავდამსხმელმა ზლატან იბრაჰიმოვიჩმა მსაჯებისა და საფრანგეთის მიმართ სკანდაურლი განცხადებისთვის, შესაძლოა, ოთხმატჩიანი დისკვალიფიკაცია მიიღოს.
შეგახსენებთ, რომ „ბორდოსთან“ მატჩის შემდეგ ზლატანმა განაცხადა, რომ „მსგავსი არბიტრები ამ საზიზღარი ქვეყნის გარდა, არსად უნახავს“.
როგორც ცნობილია, იბრაჰიმოვიჩს საქმეს სადისციპლინო კომიტეტი დღეს საღამოს გადახედავს.
მარკეტინგულმა სააგენტო SweetPop-მა შეიმუშავა საძიებო სისტემა სახელწოდებით zlaaatan.com, რომელიც “პარი სენ-ჟერმენისა” და შვედეთის ნაკრების თავდამსხმელ ზლატან იბრაჰიმოვიჩს ეძღვნება. საძიებო სისტემა ეყრდნობა Google-ს, რაზეც საიტიც დიზაინიც მეტყველებს.
“ჩვენი საძიებო სისტემა Google-თან არის დაკავშირებული, თუმცა ძებნის ყველა შედეგი იბრაჰიმოვიჩს ეხება: ჩაწერთ “ფერარის” და გამოდის იბრაჰიმოვიჩის “ფერარი”, ჩაწერთ რეცეპტს და პოულობს “იბრაჰიმოვიჩის ჰამბურგერს”. ზლატანი ბევრის კერპია, ამიტომ ავარჩიეთ იგი. იბრაჰიმოვიჩისგან ნებართვა არ აგვიღია, თუმცა იმედი გვაქვს, მას ეს იდეა მოეწონება”, – სააგენტოს დირექტორის ანდრეას კილანდერის სიტყვებს L’Equipe-ი ციტირებს.
ურუგვაელმა თავდამსხმელმა ერთხელ და სამუდამოდ გადაწყვიტა, ჭორებზე მოეღო ბოლო, რომლის მიხედვითაც, მასსა და იბრაჰიმოვიჩს შორის ცუდი ურთიერთობა იყო.
ფრანგული პრესა ედინსონ კავანის ზლატანთან ცუდ ურთიერთობას აბრალებდა. ურუგვაელის თქმით, ისინი არ არიან მეგობრები, მაგრამ ერთმანეთს პატივს სცემენ.
“არ ვიცი, რა სახის ჭორებს აგორებენ ჩემსა და ზლატან იბრაჰიმოვიჩის ურთიერთობის თაობაზე. გუნდში ბევრი მეგობარი მყავს. შეიძლება თანაგუნდელები მეგობრები არ იყვნენ, მაგრამ ჩვენ ყველანი ერთმანეთს პატივს ვცემთ”.
“ერთადერთი პრობლემა ისაა, რომ გუნდმა შემიძინა იბრაჰიმოვიჩისნაირად სათამაშოდ, მაგრამ ეს ხშირად არ მაწუხებს ხოლმე”.
“საფრანგეთის ჩემპიონატში ერთი პერიოდი უგოლობის სერია მქონდა. ვფიქრობ, თავდამსხმელისთვის მხოლოდ ის არაა სავალდებულო, ერთ მატჩში ხუთი გოლი გაიტანოს. ამის გარდა, გუნდში არანაირი პრობლემა არ მაქვს,”-განაცხადა კავანიმ.
შვედური გაზეთი Aftonbladet-ი იუწყება, რომ “პარი სენ-ჟერმენის” თავდამსხმელი ზლატან იბრაჰიმოვიჩი უახლოეს პერიოდში კარიერას ამერიკის შეერთებულ შტატებში გააგრძელებს.
წყაროს ცნობით, მარტის ბოლოს შვედმა ფეხბურთელმა აშშ-ის გრძელვადიანი ვიზის მისაღებად საჭირო პროცედურები უკვე გაიარა. იბრაჰიმოვიჩს ნათქვამიც ჰქონდა, რომ უახლოეს ორ-სამ წელიწადში შესაძლოა, MLS-ის ერთ-ერთ კლუბს მიაშუროს.
შეგახსენებთ, რომ ზლატან იბრაჰიმოვიჩს “პარი სენ-ჟერმენთან” მოქმედი შრომითი ხელშეკრულება 2016 წლის 30 ივნისს ეწურება. მიმდინარე სეზონში 33 წლის თავდამსხმელმა საფრანგეთის ჩემპიონატში ჩატარებულ 26 მატჩში 19 გოლი გაიტანა.
27 მარტს, მოლდოვისა და შვედეთის ეროვნულ ნაკრებებს შორის გამართულ შეხვედრაში (0:2), ზლატან იბრაჰიმოვიჩმა ძალიან კურიოზული გოლი გაიტანა.
