ტებასი: “მესი “ბარსელონადან” ასე წასვლას არ იმსახურებდა”

ლა ლიგის პრეზიდენტი, ხავიერ ტებასი, კიდევ ერთხელ გამოეხმაურა ლეო მესის “ბარსელონადან” წასვლას. როგორც იცით, არგენტინელი სუპერვარსკვლავი “პარი სენ-ჟერმენს” თავისუფალი აგენტის სტატუსით შეუეღთდა.

– სამი წლის წინ კრიშტიანუ რონალდუ წავიდა. ახლა კი ლეო. რამდენად საზიანოა ეს ლა ლიგისთვის?

– რა თქმა უნდა, ძალიან ცუდია. რონალდუს, გვარდიოლასა და მოურინიოს წასვლასაც ასეთივე ცუდი გავლენა ჰქონდა. თუმცა ვიცოდით, რომ ერთხელ მათთან გამომშვიდობება მოგვიწევდა.

ჩვენ ძალიან იღბლიანები ვიყავით, მსოფლიოს ორი საუკეთესო ფეხბურთელის თამაშის ხილვის შესაძლებლობა რომ გვეძლეოდა. მათი დახმარებით ლა ლიგა მსოფლიოს საუკეთესო ჩემპიონატი გახდა.

ლეო მესის წასვლა ჩემთვის უფრო მტკივნეული იყო. მას ისტორიაში საუკეთესო ფეხბურთელად მივიჩნევ და ვთვლი, რომ “ბარსელონადან” ასე წასვლას არ იმსახურებდა.