ტევესი: „ამ ზაფხულს, ალბათ, გოლფს ვითამაშებ და არა – ფეხბურთს“
თარიღი: მარტი 27, 2014
როგორც ჩანს, ტურინის „იუვენტუსის“ თავდამსხმელ კარლოს ტევესს არგენტინის ეროვნულ ნაკრებში თამაში მოენატრა, თუმც არგენტინელი ფეხბურთელი არ მოელის, რომ „ალბისელესტეს“ მთავარი მწვრთნელი ალეხანდრო საბელია მას გამოიძახებს.
„ხშირად საუბრობენ იმის შესახებ, რომ ნაკრებში არ მიძახებენ. რა შემიძლია, გავაკეთო? უბრალოდ ჩემი საქმე კარგად უნდა შევასრულო.
თუ ყველაფერს კარგად გავაკეთებ და მაინც არ გამომიძახებენ, ეს უკვე პრობლემა იქნება. ყველაფერი ალეხანდრო საბელიას გადასაწყვეტია. მე ვერ დავურეკავ და ვერ ვკითხავ, თუ რატომ არ მიძახებს ნაკრებში.
იმის მცირე შანსია, რომ მან მე გამომიძახოს. ასე რომ, ამ ზაფხულს, ალბათ, გოლფს ვითამაშებ და არა – ფეხბურთს“, – ტევესის სიტყვებს Football-italia აქვეყნებს.
ბექა დოგრაშვილი
მსგავსი სიახლეები