თბილისის “საბურთალომ” თურქმენეთის ჩემპიონი დაამარცხა

თურქეთში შეკრებაზე მორიგი ამხანაგური მატჩი გამართა თბილისის “საბურთალომ”, რომელიც ახალი სეზონისთვის ემზადება. კლუბი თურქმენეთის ჩემპიონ “ალტინ ასირს” დაუპირისპირდა და 6:2 გაიმარჯვა. პირველი ნახევარი გატანილი გოლების გარეშე დასრულდა, მეორე ტაიმში კი რვა გოლი გავიდა.

ანგარიში ბექა გვარაძემ გახსნა, მალევე კი მას მხარი დავით ვოლკოვმა აუბა. 65-ე წუთზე მეტოქემ შეამცირა სხვაობა – გოლი ანადურდიევმა გაიტანა. ორ ბურთიანი ჰადიკაპი ცვლილებაზე შესულმა გურამ გოშთელიანმა დააფიქსირა, რომელმაც ნიკოლოზ მალისგან გამოზომილი გადაცემა მიიღო. შემდეგ კი გეგა დიასამიძის ჯერი დადგა – “საბურთალოს” ახალწვეულმა მორიგი ტექნიკური გოლი შეაგდო. 75-ე წუთზე მეტოქემ კიდევ ერთხელ შეძლო “საბურთალოს” კარის აღება, ეს ბეგმარატ ბაიოვმა მოახერხა. მატჩის დასრულებამდე რვა წუთით ადრე, ცოტნე ნადარაიას ფლანგური გადაცემის შემდეგ, გოშთელიანმა თავური დარტყმით კიდევ ერთხელ აიღო მოწინააღმდეგის კარი და დუბლი გაიფორმა. ხოლო საბოლოო შედეგი ბექა გვარაძემ ტექნიკური თერთმეტმეტრიანი დარტყმით დააფიქსირა – პენალტი კი ნიკოლოზ მალიმ გამოიმუშავა.

მორიგ ამხანაგურ შეკრებას გიორგი ჭიაბრიშვილის გუნდი ხვალ გამართავს. “საბურთალოს” მეტოქე “ნეფტოხიმიკი” იქნება. 19 თებერვალს კი დედაქალაქელები სამშობლოში დაბრუნდებიან.

საბურთალო: სომხიშვილი, მალი, ცნობილაძე, რეხვიაშვილი, ნადარაია, მამუჩაშვილი, ალთუნაშვილი, თარხნიშვილი, დიასამიძე, გვარაძე, ვოლკოვი.
მეორე ტაიმში ცვლილებაზე შევიდნენ: ქურდაძე, ჯინჯოლავა, გოშთელიანი.
გოლები: 1:0 გვარაძე (49), 2:0 ვოლკოვი (56), 2:1 ანადურდიევი (65), 3:1 გოშთელიანი (67), 4:1 დიასამიძე (71), 4:2 ბაიოვი (75), 5:2 გოშთელიანი (82), 6:2 გვარაძე (90, პენ).

თბილისის “საბურთალოს” ოფციალური გვერდი