თემურ ქეცბაია – სიტყვის კაცი, რომელიც თავისიანებს არასდროს ღალატობს!
ყველა კვიპროსული პრესა უკვე აქტიურად წერს, რომ თემურ ქეცბაიას მეორე სამწვრთნელო ერა “ანორთოსისში” დასრულებულია.
ქეცბაიას პოსტი სპორტულ დირექტორთან კონფლიქტს შეეწირა. სპორტული დირექტორი სამწვრთნელო შტაბში ცვლილებებს მოითხოვდა, ქეცბას ასისტენტების წასვლას, მათ შორის, ქართველი სოსო ჭედიასი, რასაც თემური არ დათანხმდა.
ქეცბას ასეთი ულტიმატუმი წაუყენეს: გამოცვალე 2 კაცი სამწვრთნელო შტაბში და გააგრძელებ მუშაობას. ან კლუბის დატოვება მოგიწევს. მან მეორე ვარიანტი ამოირჩია და “ანორთოსისიდან” წამოვიდა.
კვიპროსელი ფეხბურთელები, რომლებიც თემურს კარგად იცნობენ, მის საქციელს ღირსეულს უწოდებენ და უფრო მეტად გაოცებულები იქნებოდნენ იმით, ის რომ სხვანაირად მოქცეულიყო.
სამაგიეროდ, ჩვენებური “ანორთოსისთვის” 1 ცენტის შერჩენასაც არ აპირებს და წლიურ ხელფასს, 270 ათას ევროს სრულად ითხოვს.
თუ შეხვალთ სოციალურ ქსელ Twitter-ზე, დღე არ გავა, ქეცბაია “ნიუკასლის” ფანებმა არ გაიხსენონ.
