თოფურია: “პედი პიმბლეტი ჩემთან ჩხუბს არ დათანხმდება, ამისათვის კვერცხები არ აქვს”

ქართველმა მებრძოლმა ილია თოფურიამ UFC-ში მეოთხე ორთაბრძოლა ჩაატარა. ილია გამარჯვებების სერიას აგრძელებს და მან მეოთხე მეტოქეც ბრწყინვალედ დაამარცხა.

ჯეი ჰერბერტთან მოგების შემდეგ, ქართველმა სპორტსმენმა პედი პიმბლეტი გამოიწვია და მას “ქერა ბ*ზი” უწოდა. მოგვიანებით, პრესკონფერენციაზე, ილიას შეკითხვა სწორედ პიმბლეტის შესახებ დაუსვეს.

“არ მგონია, რომ ის ჩემთან ჩხუბს დათანხმდება. ეს არასოდეს მოხდება. თუ მას დანა უაითი იარაღით დაადგება და აიძულებენ, რომ გალიაში ჩემთან ერთად შემოვიდეს, მაშინ შეიძლება, ეს გამოვიდეს. სხვა შემთხვევაში, არ ვფიქრობ, რომ ჩვენი ჩხუბი შედგება. მას ამისათვის კვერცხები არ აქვს. არ მაინტერესებს, რომელი წონითი კატეგორია იქნება. წონაც რომ ვერ ჩააბაროს, მე მასთან ვიჩხუბებ”, – განაცხადა თოფურიამ.