თუ „ლივერპული“ ჩემპიონთა ლიგაზე გავა, როჯერსს სატრანსფეროდ 60 მლნ ფუნტს გამოუყოფენ
თარიღი: მარტი 9, 2014
„დეილი მეილის“ ცნობით, თუ „ლივერპული“ ჩემპიონთა ლიგის საგზურს მოიპოვებს, მერსისაიდული გუნდის ამერიკელი მფლობელი ჯონ ჰენრი „წითლებს“ სატრანსფეროდ 60 მილიონ ფუნტ სტერლნგს გამოუყოფს.
აღსანიშნავია, რომ კლუბის ხელმძღვანელობა ბრენდან როჯერსის მუშაობით კმაყოფილია და მზად არის, სეზონის ბოლოს მთავარ მწვრთნელთან კონტრაქტი გაახანგრძლივოს. „ენფილდროუდელთა“ თავკაცის გეგმებში ყველა სათამაშო ხაზში ერთი ფეხბურთელის შეძენა შედის, გარდა ნახევარდაცვისა, სადაც როჯერსს სამი ახალი მოთამაშე სჭირდება.
„ლივერპულში“ გადასვლის შესაძლო კანდიდატებად მოიაზრებიან: ევგენი კონოპლიანკა, სტივენ კოლკერი, ნიკოლას გაიტანი და რიკარდო როდრიგესი.
ბექა დოგრაშვილი
მსგავსი სიახლეები