ტიაგო ალკანტარა: “ყველაფერი “ბარსელონათი” არ სრულდება”

თარიღი: ნოემბერი 11, 2016

ტიაგო ალკანტარა გვარწმუნებს, რომ სულაც არ ნანობს კატალონიური “ბარსელონა” რომ დატოვა, სადაც მისი, როგორც პროფესიონალის დებიუტი 18 წლის ასაკში, 2009 წელს შედგა.

როგორც იცით, “ბლაუგრანაში” გატარებული 4 წლისა და რამდენიმე ტიტულის მოგების შემდეგ, პეპ გვარდიოლამ ტიაგოს “ბაიერნში” გადასვლისკენ მოუწოდა, რისი შედეგიც ტიაკო ალკანტარასთვის ბუნდესლიგის ზედიზედ 3 ტიტულში აისახა.

“არ ვნანობ “ბარსელონა” რომ დავტოვე. ფეხბურთი გლობალური რამ არის, ყველაფერი “ბარსელონათი” ნამდვილად არ სრულდება.” – განუცხადა მან Mundo Deportivo-ს ჟურნალისტებს.

ალკანტარამ ესპანეთის ნაკრების არჩევაზეც ისაუბრა (იტალიისა და ბრაზილიის ნაკრებებში შეეძლო ჩარიცხვა): “სწორად მოვიქეცი, როდესაც ესპანეთი ავირჩიე, მიყვარს ესპანეთი და მინდა გუნდთან ერთად ბევრი ტიტული მოვიგო.”

მსგავსი სიახლეები