ტიაგო სილვა: “ბრაზილიელი ფანებისგან სტვენას არ ვიმსახურებთ”

ბრაზილიის საფეხბურთო ნაკრებმა კოპა ამერიკის (2019) მეორე მატჩში ვენესუალის ნაკრებთან ორი ქულა დაკარგა, რამაც გულშემატკივართა უკმაყოფილება გამოიწვია. ეს კი მათ სტვენაში გამოიხატა. ამ ყოველივეს ნაკრების კაპიტანი, ტიაგო სილვა, გამოეხმაურა.

“ჩემი გადმოსახედიდან, ბრაზილიელი ფანებისგან სტვენას არ ვიმსახურებთ. ვენესუელას ძალიან ცოტა შანსი ჰქონდა, დაცვაში ძალიან კარგად ვითამაშეთ. გუნდის პერფრომანსი ორგანიზებული იყო.

ზოგჯერ დამაგვირგვინებელი პასის დროს ცოტას ვჩქარობდით, გვინდოდა ყველაფერი სწრაფად გაგვეკეთებინა. რაც მეტი დრო გადიოდა, თვითდაჯერებულობას უფრო ვკარგავდით.

მჯერა, რომ დღეს კარგად ვითამაშეთ, როგორც სრულყოფილმა გუნდმა. მაგრამ ფეხბურთი ასეთია, როდესაც გოლი ვერ გაგაქვს, ისე ჩანს, თითქოს თამაში ჩააგდე,” – აცხადებს ტიაგო სილვა.