ტიბო კურტუა: “რეალი” “ჩელსიზე” უფრო მაღალი დონის კლუბია”
ზაფხულში ტიბო კურტუამ “ჩელსისთან” კონტრაქტის გახანგრძლივებაზე უარი განაცხადა, რითიც “არისტოკრატები” იძულებულნი გახდნენ, ბელგიელი მეკარე “რეალისთვის” მიეყიდათ.
“ყველას ძალიან კარგად ვეწყობი, კომუნიკაცია საკმაოდ მაღალ დონეზეა, რთული კონკურენციის პირობებშიც კი. ვარჯიშზე ერთი შეხედვითაც ჩანს, რომ დონე ძალიან მაღალია. ყოველდღიურად ვრწმუნდები, რომ სერხიო რამოსი მსოფლიოს საუკეთესო მცველია. “რეალი” “ჩელსიზე” უფრო მაღალი დონის კლუბია.
“სანტიაგო ბერნაბეუ” “ჩელსის” სტადიონზე ორჯერ უფრო დიდია, აქ თამაში სულ სხვა გრძნობაა. წინ თუ გაიხედავ, მხოლოდ ფანების კედელს დაინახავ, “სტემფორდ ბრიჯზე” კი ცა, ან რომელიმე სასტუმრო ჩანს.
რა თქმა უნდა, “სანტიაგო ბერნაბეუზე” ადრეც მითამაშია. ესპანური ვიცი, სტადიონსაც კარგად ვიცნობ. “ლეგანესთან” მატჩის პირველ წუთებში გაოცებული ვიყავი, შემდეგ კი თამაშში შევედი,” – აცხადებს ტიბო კურტუა.
