TOP 10: ფეხბურთელები რომლებმაც მიმდინარე სეზონში კარიერის გადარჩენა შეძლეს
მიმდინარე სეზონში რამდენიმე მოთამაშემ, რომლებსაც საკმაოდ დიდ მომავალს უწინასწარმეტყველებდნენ და იმედები ვერ გაამართლეს, საკუთარი კარიერის რეანიმირება შეძლეს და კვლავ გაიბრწყინეს.
ფერნანდო ტორესი
“ჩელსიში” ტრანსფერის შემდეგ ესპანელს მხოლოდ ერთი დასამახსოვრებელი ეპიზოდი ჰქონდა – ჩემპიონთა ლიგაში გამაჯრვება. მთლიანობაში კი ევროპის ერთ-ერთი ყველაზე წარმატებული ფორვარდი დაცინვის მთავარ ობიექტად იქცა. თუმცა, მშობლიურ “ატლეტიკოში” დაბრუნების შემდეგ ფერნანდომ ახალგაზრდობა გაიხსენა და გულშემატკივრების გულიც კვლავ მოიგო. შესაძლოა, ის ძველებურად შედეგიანი არ არის, მაგრამ გუნდისთვის სარგებელი ნამდვილად მოაქვს.
ფრანკო დი სანტო
პრემიერლიგაში დი სანტო არაფრით გამორჩეული ფეხბურთელი იყო და მხოლოდ მუდმივი იჯარებით დაამახსოვრა თავი გულშემატკივარს. თუმცა, ბუნდესლიგაში ფრანკო შესანიშნავად ათამაშდა. “ვერდერი” მისი გუნდი აღმოჩნდა. არგენტინელმა მიმდინარე სეზონში 12 გოლის გატანა 20 შეხვედრაში მოახერხა.
ეშლი იანგი
მარადიულად პერსპექტიული ფეხბურთელი 29 წლის ასაკში გაცემულ ავანსებს ვერ ამართლებდა და მხოლოდ ცნობილი “დაივერი” სახელი მოიხვეჭა. ლუი ვან გაალი “მანჩესტერში” მოსვლის დროს მის გაყიდვასაც ფიქრობდა, თუმცა იმ პერიოდში იანგზე მოთხოვნა ფაქტობრივად არ იყო. ახლა კი ჰოლანდიელი სპეციალისტისტის იანგი ერთ-ერთ საჭირო მოთამაშედ იქცა. განსაკუთრებით შთამბეჭდავი ის “სიტისთან” დერბიში იყო.
ალექს სონგი
ერთ დროს “არსენალის” შეუცვლელი მოთამაშე “ბარსელონაში” უბრალოდ დაიკარგა და ზაფხულში იჯარის წესით ლონდონში დაბრუნდა, სადაც “ვესტ ჰემის” ფორმა მოირგო. ახალ გუნდში ის კვლავ მნიშვნელოვან ფიგურად იქცა. შედეგად, სეზონის დასრულების შემდეგ სონგი კატალონიას დაუბრუნდება. თუმცა, ნათელია, რომ ინგლისში მას უკეთ გამოსდის.
მარუან ფელაინი
გასაკვირია, მაგრამ მარუანისთვის ერთ-ერთი საყვარელი მწვრთნელის თავკაცობით პირველ მანჩესტერულ სეზონში ფელაინიმ ძალიან ცუდი შთაბეჭდილება დატოვა. ვან გაალმა კი ნახევარმცველის შესაძლებლობები ოპტიმალურად გამოიყენა. რაც მთავარია ფელაინის გუნდისთვის სარგებელი და ქულები მოაქვს.
სტიუარტ დაუნინგი
“ლივერპულმა” დაუნინგში დაახლოებით 23 მილიონი გადაიხადა, რაც ახლა რთული დასაჯერებელია, მაგრამ ფაქტია. მიუხედავად ასეთი სოლიდური ტრანსფერისა ფეხბურთელი “წითლების” ძირითადის სტაბილური წევრადაც ვერ იქცა, რამაც მისი ლივერპულიდან წასლვა გარდაუვალი გახადა. მიმდინარე სეზონი დაუნინგისთვის ნამდვილად გამორჩეულია. 2012 წლის შემდეგ ფეხბურთელი ნაკრებში პირველად გამოიძახეს.
ფრანსის კოკლენი
ფრანგმა საყრდენამ “არსენალის” ძირითადში მოსახვედრად ბევრი იბრძოლა, მაგრამ “მანჩესტერთან” 2:8-ს მსგავსი მატჩები მის შანსები უარყოფითად მოქმედებდა. მიუხედავად ამისა, კოკლენისთვის ნანატრი დრო დადგა. მიმდინარე სეზონში 23 წლის ფეხბურთელი ძალიან დამაჯერებელია და მოედანზე რაციონალური თამაშით გამოირჩევა.
ლიუკ დე იონგი
ახალგაზრდა ჰოლანდიელზე ახალგაზრდულ წლებში დიდ იმედებს ამყარებდნენ და მას ახალ ნისტელროისაც კი ეძახდნენ, თუმცა გერმანიაში და ინგლისში ძალიან ცუდი სეზონნების შემდეგ ის ჰოლანდიას დაუბრუნდა, სადაც პსვ-ს ფორმა მოირგო და ერთ-ერთი გამორჩეულიც გახდა.
ჟერემი მენეზი
გასულ სეზონში პარიზში მენეზი ათასში ერთხელ თუ გაიბრწყინებდა, მაგრამ “მილანში” გადასვლსის შემდეგ ის გუნდის და ჩემპიონატის გამორჩეული მოთამაშე გახდა. მიმდინარე სეზონში სერია ა-ში გატანილი 16 გოლით ის ნამდვილი ლიდერია.
ბას დოსტი
“ჰერენვენში” 2011/12 წლებში ჩატარებული ბრწყინვალე სეზონის შემდეგ დოსტი “ვოლფსბურგი” გადავიდა, სადაც სათადარიგოთა სკამზე ადგილი მისთვის ყოველთვის გარანტირებული იყო. მაგრამ, მიმდინარე სეზონში მან ოთხნახევარ თვეში 15 გოლის გატანა შეძლო. გასაკვირი არ არის, რომ მარტის ბოლოს ის ჰოლანდიის ნაკრებში მიიწვიეს.
