ტორესი: “ლივერპულში” ისე წარმომაჩინეს, თითქოს მოღალატე ვიყავი”

ფერნანდო ტორესმა თავის წიგნში (‘Ring of Fire: Liverpool FC into the 21st Century – the players’ stories’) იმ დროზე ისაუბრა, როდესაც ის “ლივერპულიდან” ლონდონურ “ჩელსიში” გადაბარგდა. მას წიგნში დაზუსტებით აქვს აღბეჭდილი იქაური მდგომარეობა.

“დირექტორმა (დემიენ კომოლი) მამცნო, რომ კლუბის მფლობელებს უკვე გადაწყვეტილი ჰქონდათ, თუ რაში უნდა ჩაედოთ თავიანტი ინვესტიცია.

მათ კლუბში ახალგაზრდე ფეხბურთელების მოყვანა სურდათ, რათა რაღაც ახალი შეექმნათ. მე კი ვიცოდი, რომ ეს დიდ დროს წაიღებდა – ორ, სამ, ოთხ და შესაძლოა, 10 წელსაც.

მე კი ამდენი დრო არ მქონდა. მაშინ 27 წლის ვიყავი. დაცდა აღარ შემეძლო. მინდოდა მომეგო. აი, ახლა 5 წლის შემდეგ, ვხედავთ, რომ ისინი კვლავ აშენებენ ახალ გუნდს – და იმავე პოზიციაზე არიან, რომელშიც მაშინ იყვნენ, როდესაც მე იქ ვიყავი.

შემდეგ კი ისე წარმომაჩინეს, თითქოს მოღალატე ვიყავი. ასეთი არ ვარ. “ლივერპულს” არ უნდოდა ეღიარებინა, რომ ეს მისი შეცდომა იყო. ისინი განტევების ვაცს ეძებდნენ.”