„ტორკი იუნაიტედის“ თავკაცმა გულშემატკივრებს ლუდი უყიდა

ინგლისის მეორე ლიგის აუტსაიდერის „ტორკი იუნაიტედის“ მთავარმა მწვრთნელმა კრის ჰარგრივზმა კლუბის ფანებს ლუდი უყიდა.

დივიზიონის მორიგი ტურის მატჩში „ტორკი“ სტუმრად „ჰარტლპულთან“, ანგარიშით 3:0 დამარცხდა.

აღნიშნული მარცხისთვის ჰარგრივზმა პასუხისმგებლობა საუკთარ თავზე აიღო და გუნდის 90 ფანს, რომელმაც ამ თამაშზე დასასწრებად 800 მილი გაიარა, ლუდის თითო ჭიქა უყიდა. ლუდით მწვრთნელმა ფანებს ბარ „Boots and Laces“-ში უმასპინძლა.

აქვე გეტყვით, რომ ამჟამად „ტორკი იუნაიტედი“ 30 ქულით ინგლისის მეორე დივიზიონის ბოლო ადგილს იკავებს და 22-ე ადგილზე მყოფ „აკრინგტონ სტენლის“ 7 ქულით ჩამორჩება.

ალექსანდრე მატევოსოვი