ტორპედო: “ჩვენ გვჭირდება მეომრები, ცილისმწამებლები გუნდში არ უნდა თამაშობდნენ!”

თარიღი: ნოემბერი 8, 2020

ქუთაისის “ტორპედომ” ოფიციალურ გვერდზე იმ ინფორმაციებს უპასუხა, რომლის მიხედვითაც, გუნდში ფინანსური კრიზისია, ინვესტორი ხელფასებს აღარ რიცხავს და ფეხბურთელებს ემუქრება.

“ძალიან საწყენი და უსიამოვნო ფაქტია ადგილობრივი მედიისგან მიიღო თავდასხმა კლუბისა და მისი უცხოელი ინვესტორის წინააღმდეგ ისეთი ჟურნალისტის მიერ რომელიც მალავს წყაროს. ჩვენ წავიკითხეთ ტყუილი და დაუსაბუთებელი ინფორმაცია, რომელიც არ იყო გადამოწმებული ან დადასტურებული თავად კლუბის მიერ.

ეთიკის კოდექსი მთელ მსოფლიოში ავალდებულებს ინფორმაციის ყველა მხარესთან გადამოწმებას, თუმცა ამ შემთხვევაში არავის უკითხავს ოფიციალურად რამდენად შეესაბამებოდა ანონიმურ განცხადებაზე დაყრდნობით რამდენიმე მედია საშუალებაში გამოქვეყნებული ინფორმაცია სინამდვილეს. ზოგადად ასეთ ქცევას ეწოდება ცილისწამება.

მხოლოდ იმიტომ რომ დადგა საჭიროება, ვალდებულად ვთვლით შეგატყობინოთ, რომ კლუბის ყველა ფეხბურთელს ჩარიცხული აქვს სრული ხელფასი, ისინი უზრუნველყოფილი არიან კვებით და ვარჯიშობენ ჩვეულ რეჟიმში.

ინვესტორი არასოდეს დამუქრებია რომელიმე ფეხბურთელს. იგივე ინვესტორი ყოველთვიურად რიცხავს დაფინანსებას კლუბში, რისთვისაც კლუბი მადლობელია.

ვიმედოვნებთ, რომ ეს სავარაუდო ანონიმური ფეხბურთელები, როგორც სტატიაში მოიხსენიება, არ წარმოადგენენ ამ კლუბს, რადგან ასეთი ქცევა ლახავს კლუბის ღირსებას. და თუ მართლა არსებობენ, ნამდვილად არ იმსახურებენ აქ თამაშს – ისინი არ იმსახურებენ თამაშს ამ კლუბის სახელისთვის, არ უნდა ატარებდნენ ამ კლუბის ფერებს, რადგან ჩვენ არ ვცნობთ ცილისმწამებლებს ჩვენს გუნდში.

ასეთ რთულ დროს ჩვენ გვჭირდება მეომრები და ერთობა, რომ ნებისმიერი ბრძოლა მოვიგოთ.”

ზურაბ თოიძე

მსგავსი სიახლეები

ტორპედო: “ჩვენ გვჭირდება მეომრები, ცილისმწამებლები გუნდში არ უნდა თამაშობდნენ!”

“ჩელსი” და ობამეიანგი პირად კონტრაქტზე შეთანხმდნენ

“ბარსელონა” და ბერნარდუ სილვა შეთანხმდნენ

კეილორ ნავასი ხვიჩას თანაგუნდელი ხდება

კავანი “დორტმუნდში” მიდის

“რეალის” თავდამსხმელი “ხეტაფეში” გადავიდა

თორნიკე ოქრიაშვილმა კორეულ კლუბში სამედიცინო შემოწმება ვერ გაიარა