“ტორპედო” “შერიფთან” განადგურდა და ჩემპიონთა ლიგას დაემშვიდობა

18 ივლისს, უეფას ჩემპიონთა ლიგის პირველი საკვალიფიკაციო ეტაპის განმეორებით შეხვედრაში ქუთაისის “ტორპედო” სტუმრად ტირასპოლის” შერიფს დაუპირისპირდა და ანგარიშით 0:3 დამარცხდა. ქუთაისელებმა პირველ მატჩში 2:1 გაიმარჯვეს, მაგრამ მოლდოვაში უპირატესობა ვეღარ შეინარჩუნეს.

შეხვედრაში ანგარიში მე-9 წუთზე ბადიბანგამ გახსნა. ტაიმის დასრულებამდე ჟოალისონმა საკუთარი გუნდის უპირატესობა ორამდე გაზარდა. მეორე ნახევარში “ტორპედოს” მთავარმა მწვრთნელმა, კახა ჩხეტიანმა შეტევის ხაზი გააძლიერა, მაგრამ ამ ცვლილებებმა თამაშში ვერაფერი შეცვალა. 55-ე წუთზე ჟოალისონმა ქართულ გუნდს ისევ გაუტანა და შეხვედრის საბოლოო ანგარიში დააფიქსირა – 3:0.

ორი მატჩის ჯამში “ტორპედო” 2:4 დამარცხდა და ჩემპიონთა ლიგას დაემშვიდობა. ქუთაისური გუნდი ამიერიდან ევროპის ლიგის საკვალიფიკაციო ეტაპზე გადაერთვება, სადაც მისი მეტოქე ფარერების წარმომადგენელი “ვიკინგური” იქნება.