ტორპედო vs დინამო – მატჩამდე

თარიღი: ნოემბერი 2, 2014

საქართველოს XXVI ეროვნული ჩემპიონატის, უმაღლესი ლიგის მეთერთმეტე ტურის შეხვედრას დინამო თბილისი ქუთაისში, ადგილობრივ ტორპედოს წინააღმდეგ გამართავს. ქართულ კლასიკოდ წოდებული დინამოსა და ტორპედოს დაპირისპირება ქუთაისის ცენტრალურ არენაზე 18.00 საათზე დაიწყება. დაპირისპირების პირდაპირ ეთერს საქართველოს საზოგადოებრივი მაუწყებლის პირველი არხი გადასცემს. ჩვენი კლუბის ოფიციალური ვებ–გვერდი ტრადიციულად მატჩის როგორც ტექსტურ, ასევე ვიდეო რეპორტაჟს .

ჩვენი მეტოქე

ქუთაისის საფეხბურთო კლუბი ტორპედო 1946 წელს დაარსდა. ტორპედო საშინაო შეხვედრებს ქუთაისის ცენტრალურ სტადიონზე მართავს, რომელიც 19 400 მაყურებელს იტევს. ქუთაისურ კლუბში მომხდარი რებრენდინგის შემდეგ, გუნდის სიმბოლიკა ძირითადად ყვითელ და მწვანე ფერებში არის გადაწყვეტილი. ტორპედომ პირველ სერიოზულ წარმატებას დაარსებიდან სამი წლის თავზე მიაღწია, ტორპედო იმჟამინდელი საქართველოს ჩემპიონატის გამარჯვებული გახდა. ჩვენი მომავალი მეტოქე 1960 წლიდან – 1962 წლამდე სსრკ ჩემპიონატის ბ ლიგაში ასპარეზობდნენ. სსრკ პირველობის უმაღლეს ლიგაში ტორპედომ პირველი ოფიციალური მატჩი 1962 წლის 2 მაისს საკუთარ მოედანზე გამართა. სადებიუტო შეხვედრაში ქუთაისელმა ფეხბურთელებმა მოსკოველი თანაკლუბელები ანგარიშით – 5:1 დაამარცხეს. 1963 წლის 15 აპრილი ქუთაისის ცენტრალური სტადიონისთვის ისტორიული თარიღია, ამ დღეს ერთმანეთს ქუთაისის ტორპედო და დინამო თბილისი დაუპირისპირდნენ, შეხვედრა გატანილი გოლების გარეშე, ფრედ – 0:0 დასრულდა. აღნიშნულ მატჩს 40 000 მაყურებელი დაესწრო და ეს მაჩვენებელი ქუთაისის ცენტრალური სტადიონისთვის დღემდე სარეკორდო მაჩვენებლად ითვლება. 1970 წლის სეზონი ქუთაისის ტორპედოსთვის წარუმატებელი გამოდგა, გუნდი სსრკ პირველობის უმაღლესი ლიგიდან პირველ ლიგაში დაქვეითდა და შესაბამისად მომდევნო სეზონი I ლიგაში დაიწყო. 1988 წელს სსრკ ჩემპიონატის უმაღლეს ლიგაში კიდევ ერთხელ დაბრუნდა ტორპედო, თუმცა ამ პერიოდში საქართველო სსრკ–ს ოფიციალურად გამოეყო და გუნდმა საქართველოს ჩემპიონატში განაგრძო ასპარეზობა. დამოუკიდებელი ქართული ფეხბურთის ისტორიაში ქუთაისის ტორპედო დინამო თბილისის შემდეგ, ყველაზე მეტჯერ გახდა საქართველოს ჩემპიონი. ქუთაისურმა გუნდმა 1999-00, 2000-01, 2001-02 წლებში ზედიზედ სამჯერ იმარჯვა ეროვნულ პირველობაზე. ამავე პერიოდს უკავშირდება ტორპედოს წარმატებული ასპარეზობა საქართველოს თასზეც, გუნდმა 1998–99, 2000–01 წლების სეზონში ოქროს მედლების მოპოვება შეძლო.

მწვრთნელი და ტორპედო

მიმდინარე წლის იანვარში, დასრულებული ჩემპიონატის მეორე ეტაპის სტარტზე ქუთაისურ კლუბის მთავარი მწვრთნელად რევაზ ძოძუაშვილი დაინიშნა. ქუთაისელებმა გასული ჩემპიონატი 48 ქულით მე- 7 ადგილზე დაასრულეს. მიმდინარე პირველობაზე კი ჩატარებული 10 შეხვედრიდან დაგროვებული 15 ქულით ტორპედო მე- 6 ადგილზე იმყოფება.

დინამომდე

სეზონი ტორპედომ ფოთთან გამარჯვებით 3:0 გახსნა, რასაც დილასთან უგოლო ფრე მოჰყვა. თასის 1/16 ფინალში ქუთაისელები ჩხერიმელას შეხვდნენ და პირველ მატჩში 1:0 აჯობეს. შემდეგ მოდის მარცხი მერანთან 1:3, ფრე სპარტაკთან 0:0 და ორი გამარჯვება ვიტ ჯორჯიასთან და სამტრედიასთან. ორივე მინიმალური ანგარიშით 1:0. ტორპედომ ფრედ 2:2 ითამაშა ბათუმის დინამოსთან, რასაც მოჰყვა თასის განმეორებითი შეხვედრა. ქუთაისელებმა ხარაგაულის გუნდი 5:2 დაამარცხეს და მერვედფინალში გავიდნენ. ამას ზედიზედ სამი ფრე მოჰყვა ეროვნულ ჩემპიონატში. 0:0 ზუგდიდთან, 2:2 გურიასთან და იმავე საყაიმო ანგარიშით დამთავრდა მატჩი ჩიხურასთან.

დინამო VS ტორპედო – ურთიერთშეხვედრები

შეხვედრა, რომელსაც საქართველოში “ქართულ კლასიკოს” უწოდებენ, ყოველთვის საინტერესოდ მიმდინარეობს. ყოველი მატჩი უკომპრომისო ბრძოლით და თავდადებული თამაშით აღინიშნება, მომავალი მატჩი კი ამ გუნდების ურთიერთდაპირისპირებაში 58– ე იქნება.

საქართველოს ჩემპიონატის ეგიდით ჩატარებული 57 მატჩიდან,  28- ჯერ გამარჯვება მტკვრისპირელებმა იზეიმეს, 14 შეხვედრა ფრედ დასრულდა, ხოლო 15 დაპირისპირებიდან რიონისპირელები გამოვიდნენ გამარჯვებულები. ბურთების შეფარდება 99/55 თბილისელთა სასარგებლოდ არის.

ამ შეხვედრებიდან აღსანიშნავია დინამოელთა საშინაო გამარჯვება ანგარიშით 5:1. ეს შედეგი ეროვნულ ასპარეზობაზე ორჯერ დაფიქსირდა. მეორე ჩემპიონატის მეოთხე ტურში 1991 წლის პირველ აპრილს და მეშვიდე ჩემპიონატის მესამე ტურში 1995 წლის 17 სექტემბერს. ოთხბურთიანი სხვაობით დინამოელებმა მეტოქე გასულ სეზონში დაამარცხეს, XXIV ეროვნული ჩემპიონატის მეოარე ეტაპის მერვე ტურის მატჩში დინამომ ქუთასის ტორპედოს 4:0 აჯობა. 2000 წლის 27 აგვისტოს კი თბილისელები დიდი ანგარიშით 0:3 მეთორმეტე ჩემპიონატის მეორე ტურში დამარცხდნენ. ამ თამაშებს შორის ყველაზე დიდი სხვაობა თბილისელებმა ქუთაისში დააფიქსირეს. მეთვრამეტე ჩემპიონატის მეჩვიდმეტე ტურში 2007 წლის 17 მარტს ეროვნული გათამაშების ფლაგმანმა ანგარიშით 5:0 გაიმარჯვა. 2013 წლის 4 მაისს დინამო არენაზე თბილისელებმა 4:0 აჯობეს მეტოქეს და საქართველოს ჩემპიონის ტიტული დაისაკუთრეს.

დინამო – ტორპედოს დაპირისპირება მხოლოდ ეროვნული ჩემპიონატით არ შემოიფარგლბა. ეს გუნდები საბჭოთა კავშირის უმაღლეს ლიგაში 26-ჯერ შეხვდნენ ერთმანეთს და აქაც უპირატესობა დინამოელთა მხარესაა. ამ დაპირისპირებებიდან დინამომ ცამეტ თამაშში მიაღწია წარმატებას, 9 შეხვედრა დასრულდა ფრედ და 4-ჯერ ტორპედომ მოიგო. ბურთების შეფარდება 38:21. თბილისელებმა სამჯერ გაიმარჯვეს ანგარიშით 3:1, აქედან ერთხელ სტუმრად. შესაბამისად 1966 წლის 26 აპრილს, 1969 წლის 26 მაისსა და 1962 წლის 25 მაისს. მეტოქემ ანგარიშით 4:2 მიაღწია წარმატებას 1968 წლის 31 ივლისს. აღნიშვნის ღირსია უხვგოლიანი ფრე 3:3 რომელიც დაფიქსირდა ქუთაისში 1966 წლის 30 ნოემბერს.

შეგახსენებთ, რომ ბოლო შეხვედრა, რომელიც ამა წლის 9 მარტს ქუთაისში გაიმართა, ჩვენი გუნდის გამარჯვებით დასრულდა. მატჩის მიმდინარეობისას თბილისელები 2:0 იგებდნენ, თუმცა შეხვედრა ჩაიშალა და დინამოს ტექნიკური გამარჯვება ჩაეთვალა.

შეგახსენებთ, რომ ბოლო შეხვედრა, რომელიც თბილისში 26 ოქტომბერს გაიმართა, ჩვენი გუნდის გამარჯვებით – 2:1 დასრულდა. გოლები ქუთათურთა კარში ლევან ხმალაძემ (პენალტით) და გიორგი გველესიანმა (ბოლო წუთზე) გაიტანეს.

 

დისკვალიფიცირებული ფეხბურთელები

დისკვალიფიკაციის გამო ხვალინდელ მატჩში ჩვენი გუნდის ნახევარმცველი- გიორგი პაპუნაშვილი ვერ იასპარეზებს. გიორგიმ ყვითელი ბარათების ლიმიტს გადააჭარბა.

ტორპედო VS დინამო – მსაჯი

საქართველოს ჩემპიონატის მეთერთმეტე ტურის შეხვედრას, რომელსაც ჩვენი გუნდი 2 ნოემბერს ქუთაისში, ცენტრალურ სტადიონზე ტორპედოს წინააღმდეგ გამართავს– დავით ხარიტონაშვილი განსჯის. მას ასისტენტობას ლ. თოდრია და დ. გაბისონია გაუწევენ. დამატებითი ასისტენტები იქნებიან ა. კრიჭაშვილიდა ჯ. ხორავა. სათადარიგო მსაჯის ფუნქციებს კი ა. ბასლეჰლო შეასრულებს.

ჩვენი გუნდის მონაწილეობით დავით ხარიტონაშვილმა ბოლოს 2013 წლის 2 მარტს საქართველოს თასის მერვედფინალში იმსაჯა. დინამო თბილისმა ფოთის კოლხეთს 3:0 აჯობა. იმ შეხვედრაში დავით ხარიტონაშვილმა ორჯერ გააფრთხილა ფეხბურთელები.

უკანასკნელი შეხვედრა, რომელიც დავით ხარიტონაშვილმა იმსაჯა, 30 ოქტომბერს მეორე ლიგაში გამართული- გარეჯი 2:0 სართი გახლავთ. აღნიშნულ მატჩში დავით ხარიტონაშვილმა სამჯერ უჩვენა ფეხბურთელებს ყვითელი ბარათი.

 

ტორპედოს სავარაუდო შემადგენლობა

ჩვენი ვარაუდით, ხვალინდელ მატჩში ქუთაისელთა სასტარტო შემადგენლობა ასეთი იქნება:

თებიძე – აბრამიძე, თოდუა, ჩაკვეტაძე, ტაბატაძე – ბაბუნაშვილი, ჩიკვილაძე, ბონდარენკო, კვერნაძე –ტუღუში, ფიფია

FCDinamo.GE

მსგავსი სიახლეები
ფეხბურთი

სონის საოცარი გოლი “ბარნლის” კარში (ვიდეო)

იხილეთ ვიდეო The commentary 😂😂 pic.twitter.com/G2XnKeqOui — Paul O Keefe (@pokeefe1) December 7, 2019...
წაკითხვა
ფეხბურთი

ჰარი კეინის ლამაზი გოლი “ბარნლის” კარში (ვიდეო)

ინგლისის პრემიერ ლიგაში, “ტოტენჰემსა” და “ბარნლის” შორის მიმდინარე მატჩში ანგარიში მე-5 წუთზე ჰარი კეინმა გახსნა. […]...
წაკითხვა
ფეხბურთი

ფერგიუსონის “ევერტონმა” საშინაო კედლებში “ჩელსი” დაამარცხა (ვიდეო)

პრემიერ ლიგის მე-16 ტური მერსესაიდული “ევერტონისა” და ლონდონის “ჩელსის” დაპირისპირებამ გახსნა. როგორც მოსალოდნელი იყო, დანკან ...
წაკითხვა
ფეხბურთი

მანე: “რატომ არ უნდა ვიფიქრო პირველ ნომრობაზე?”

“ლივერპულის” თავდამსხმელo, სადიო მანე “ოქროს ბურთის” ჯილდოზე მეოთხე ადგილის დაკავებით ამაყობს, თუმცა მას უფრო მეტის […]...
წაკითხვა
ფეხბურთი

ლუის სუარესმა ხუთი ფავორიტი თავდამსხმელი დაასახელა

კატალონიის “ბარსელონას” შემტევმა, ლუის სუარესმა მისი ხუთი ფავორიტი თავდამსხმელი დაასახელა. Bleacher Report-თან ინტერვიუში, ურუგვაელმა ფეხბ...
წაკითხვა
ფეხბურთი

დეპაიმ “ნიმს” შესანიშნავი გოლი გაუტანა (ვიდეო)

საფრანგეთის ჩემპიონატში, “ნიმსა” დ “ლიონს” შორის მიმდინარე მატჩის 64-ე წუთზე მემფის დეპაიმ მასპინძელთა კარში ულამაზესი [&helli...
წაკითხვა
ფეხბურთი

სარი: “კრიშტიანუს, დიბალასა და იგუაინს ერთად ვერ ვათამაშებთ”

ტურინის “იუვენტუსის” მთავარმა მწვრთნელმა, მაურიციო სარიმ, გუნდში სელექციასთან არსებულ პრობლემებზე გააკეთა კომენტარი. შეგახსენებთ, რომ R...
წაკითხვა
ფეხბურთი

ბეილი “რეალის” ვარჯიშზე გოლფის მოძრაობებს იმეორებდა (ვიდეო)

სოციალურ ქსელებში მადრიდის “რეალის” ვარჯიშზე გადაღებული ვიდეო ვირუსულად გავრცელდა. ვიდეომასალაში ჩანს, თუ როგორ აკეთებს გარეთ […]...
წაკითხვა
ფეხბურთი

რობერტო მარტინესი: “აზარი ფეხბურთის მაიკლ ჯორდანია”

ბელგიის საფეხბურთო ნაკრების მთავარმა მწვრთნელმა, რობერტო მარტინესმა, მადრიდის “რეალის” სუპერვარსკვლავ ედენ აზართან მაიკლ ჯორდანი გააიგივა....
წაკითხვა
ფეხბურთი

ჰოლანდის კონტრაქტში არსებულ ფარულ პუნქტზე ინფორმაცია გავრცელდა

“ზალცბურგის” ახალგაზრდა ვარსკვლავმა, ერლინგ ჰოლანდმა, შესაძლოა, ზამთრის სატრანსფერო ფანჯარაზე ავსტრიული კლუბი დატოვოს. ამ ინფორმაციას გერმ...
წაკითხვა
ფეხბურთი

ლონდონის “ჩელსის” სატრანსფერო აკრძალვა მოეხსნა

სპორტის საარბიტრაჟო სასამართლოს გადაწყვეტილებით, ლონდონის “ჩელსის” სატრანსფერო აკრძალვა მოეხსნა, რაც იმას ნიშნავს, რომ ლონდონურ კლუბს [&he...
წაკითხვა
ფეხბურთი

ლიონელ მესის გოლები ვარჯიშზე (ვიდეო)

ინტერნეტსივრცეში გავრცელდა ვიდეო, რომელშიც აღბეჭდილია, თუ როგორ მარტივად გააქვს ლიონელ მესის გოლები ვარჯიშზე. Ahah wtf […]...
წაკითხვა
ფეხბურთი

თაუნსენდი: “აზარტულ თამაშებზე დამოკიდებული ვიყავი, ერთ ღამეში 55000 ევრო წავაგე̶

“კრისტალ პალასის” გარემარბმა, ანდროს თაუნსენდმა განაცხადა, რომ ერთ დროს ის აზარტულ თამაშებზე დამოკიდებული იყო. 28 […]...
წაკითხვა
ფეხბურთი

კრიზისი გრძელდება: “არსენალი” შინ “ბრაიტონთან” დამარცხდა

პრემიერ ლიგის მე-15 ტური ლონდონის “არსენალისა” და “ბრაიტონის” დაპირისპირებამ დახურა. უნაი ემერის განთავისუფლების შემდეგ “...
წაკითხვა
ფეხბურთი

კურიოზი: როგორი გოლი გავიდა “შეფილდი” – “ნიუკასლის” მატჩში (

ინგლისის პრემიერ ლიგაში, “შეფილდ იუნაიტედსა” და “ნიუკასლს” შორის მიმდინარე მატჩში საინტერესო რამ მოხდა. 70-ე წუთზე, […]...
წაკითხვა