“ტორპედომ” “ჩიხურა” მარტივად დაამარცხა – კაპანაძის წლის შედევრი

ეროვნული ლიგის 33-ე ტურის პირველი შეხვედრა საჩხერის “ჩიხურასა” და ქუთაისის “ტორპედოს” შორის ქუთათურთა გამარჯვებით დასრულდა. “ტორპედო” მე-4 წუთზე დოლიძის საჯარიმოდან კარგი დარტყმის შემდეგ დაწინაურდა. მე-15 წუთზე კი “ტორპედოს” ბომბარდირმა, თორნიკე კაპანაძემ ულამაზესი მაკრატელა გოლი გაიტანა და ჰამზიჩს შანსი არ დაუტოვა. შესაძლოა, ელვას ეს ბურთი სეზონის საუკეთესო გოლადაც დასახელდეს.

მე-2 ტაიმში ვითარება პრაქტიკულად არ შეცვლილა, “ტორპედო” აკონტროლებდა თამაშს და 72-ე წუთზე კაკუბავას წითელი ბარათის შემდგომ ყველაფერი გადაწყვეტილი გახლდათ.

ქუთაისელებმა 5 ქულით გაასწრეს “ჩიხურას” და “დინამოსთან” 1 ქულით შეამცირეს სხვაობა. როინ კვასხვაძის ლიდერობით გუნდი მე-17 თამაშია  (11 მოგება, 6 ფრე) არ მარცხდება.

ჩიხურა 0-2 ტორპედო

გოლები: დოლიძე 4, კაპანაძე 15

ჩიხურა: ჰამზიჩი – ლექვთაძე, მირცხულავა, მაისაშვილი, ჩიკვაიძე – ბუღრიძე, დობროლოვსკი (ჩიხლაძე 62), კაკუბავა, სარდალიშვილი  (იონანიძე 76)- გაბედავა, მარკოზაშვილი

მთავარი მწვრთნელი: სოსო ფრუიძე

ტორპედო: კვასხვაძე – გეგეჭკორი, კობახიძე, აზაცკი, მარინი (ხურცილავა 46) – გიგაური, ცინცაძე – დოლიძე (დაფე 70), ქიმაძე (კუხიანიძე 80), კუტალია – კაპანაძე

მთავარი მწვრთნელი: კახი ჩხეტიანი

წითელი ბარათი: კაკუბავა 72