“ტორპედოს” კიდევ ერთი გამოსაცდელი მატჩი
ქუთაისის „ტორპედომ“ მიმდინარე მოსამზადებელ ეტაპზე მორიგი ამხანაგური მატჩი გამართა, რომელშიც საკუთარ საწვრთნელ ბაზაზე უმაღლესი ლიგის საგზურისთვის მებრძოლ საფეხბურთო კლუბ „სამტრედიას“(მწვრთნელი – გელა სანაია) უმასპინძლა.
დღევანდელი მატჩის ტაიმებში რევაზ ძოძუაშვილმა სხვადასხვა შემადგენლობით გაიყვანა მისი გუნდი მოედანზე. შესვენებაზე სტუმრებს მიჰყავდათ ანგარიში, მე-15 წუთზე პენალტიდან გატანილი გოლის(ავტორი – ლევან ბაკურაძე) წყალობით, თუმცა თამაშის მეორე ნახევარში მოასპარეზე ტორპედოელებმა მეტოქეს 3 უპასუხო ბურთი გაუტანეს. ჯერ 73-ე წუთზე, ხელსაყრელი პოზიციიდან ოთარ კვერნაძემ გაათანაბრა, 81-ე წუთზე, თენგიზ ჩიკვილაძემ აქცია საჯარიმო დარტყმა გოლად, ორ წუთში კი ამ უკანასკნელის ჩაწოდებული ბურთი „ტორპედოს“ ლატვიელმა ახალწვეულმა(ცენტრალური მცველი) იგორ სავჩენკოვსიმ გადაგზავნა „სამტრედიას“ კარში – 3:1.
გუნდების შემადგენლობები – http://www.fctorpedo.ge/index.php?geo&game=230
სეზონის განახლებამდე „ტორპედო“ ხვალ კიდევ ერთხელ ისპარინგებს, მეტოქე პირველ ლიგაში მოასპარეზე ბათუმის „ადელი“ იქნება. თამაში ქობულეთში გაიმართება და 14:00 საათზე დაიწყება.
FCTorpedo.GE
