“ტოტენჰემი” ზამთარში კოენტრაუს შეძენას ეცდება

ლონდონური კლუბის ხელმძღვანელობა უახლოესი ზამთრის სატრანსფერო ფანჯრის დროს, შემადგენლობის გაძლიერებას მადრიდის “რეალის” მოთამაშით ეცდება.

შეგახსენებთ, “დეზები” ფაბიო კოენტრაუს გადაბირებას გასულ ზაფხულსაც ცდილობდნენ, თუმცა საბოლოოდ ტრანსფერი ვერ განხორციელდა. “სამეფო კლუბს” ფეხბურთელის სატრანსფერო ღირებულება არ შეუცვლია.

მიუხედავად ამისა, “ტოტენჰემს” პორტუგალიელი მცველის შეძენის იმედი ჯერაც არ დაუკარგავს. არსებული ინფორმაციით, ინგლისელები იანვარში მოლაპარაკებების განახლებას გეგმავენ.

შეგახსენებთ, “ბლანკოსმა” კოენტრაუ 2011 წლის ზაფხულში, “ბენფიკადან” 30 მილიონი ევროს სანაცვლოდ შეიძინა. თითქმის სამი სეზონის განმავლობაში, მან 67 მატჩი ჩაატარა და მხოლოდ ერთი ბურთი გაიტანა.

სანდრო საპანაძე