“ტოტენჰემის” ფეხბურთელები შიშობენ, რომ სეზონის ბოლოს პოჩეტინოს დაკარგავენ

გავლენიანი ბრიტანული გამოცემა The Telegraph საკმაოდ საინტერესო ინფორმაციას ავრცელებს, რომლის თანახმადაც არგენტინელი სპეციალისტის, მაურისიო პოჩეტინოს ლონდონური მომავალი ბურუსითაა მოცული.

მართალია, პოჩეტინო ერთ-ერთ ყველაზე ერთგულ მთავარ მწვრთნელად არის მიჩნეული, თუმცაღა “ტოტენჰემის” ფეხბურთელებს შორის საკმაოდ დიდი შიში გაჩნდა, რომ კლუბი მას იძულებულს გახდის, ლონდონი დატოვოს.

პოჩეტინოსთან ახლო კავშირში მყოფი ადამიანები ირწმუნებიან, რომ ეს უკანასკნელი “დეზებს” შუა სეზონში არავითარ შემთხვევაში არ მიატოვებს. მაგრამ თუ ზაფხულში არგენტინელს “მანჩესტერ იუნაიტედში” ან მადრიდის “რეალში” შესთავაზებენ პოსტს, აუცილებლად დაფიქრდება.