წიქარიძე: “დიდი მადლობა გულშემატკივარს!“
დღეს ქართულმა გუნდებმა „ევროპის ლიგის“ საკვალიფიკაციო ეტაპის მატჩები გამართეს. საკუთარი თამაში ჩაატარა გორის „დილამაც“. გორელებმა თავიანთ მოედანზე სომხური „შირაქი“ მიიღეს, დაამარცხეს 1-0 და განმეორებითი მატჩის წინ კომფორტული სიტუაცია შეიქმნეს.
Fanebi.Com დაუკავშირდა „დილას“ ფეხბურთელს, თენგიზ წიქარიძეს და მატჩის შეფასება სთხოვა.
„მადლობა ყველა ქართველს იმ მოლოცვებისთვის, რომელსაც ახლა ვიღებთ. რაც შეეხება, უშუალოდ თამაშს, ვაცნობიერებდით, რომ საკმაოდ რთული მატჩი გველოდა წინ. თუმცა, კარგად ვიყავით მომზადებული და, საბოლოო ჯამში, კარგი შედეგი დავაფიქსირეთ. ამ გამარჯვებას ვიმსახურებდით.“
„არ უნდა მოვდუნდეთ, ჯერ არაფერი გადაწყვეტილა. სომხეთში ძალიან რთული მატჩი გველოდება და მაქსიმუმი უნდა გავაკეთოთ, რომ სასურველი შედეგი დავაფიქსიროთ. ყველაფერი სწორედ 7 ივლისს გადაწყდება.“
„ბოლოს, არ შემიძლია არ აღვნიშნო გულშემატკივრის ფაქტორი. ძალიან დიდი მადლობა მათ! ჩვენი მხარდამჭერების როლი დიდია დღევანდელ გამარჯვებაში!“ – განაცხადა „დილას“ მოთამაშემ.
