წლის საუკეთესო მწვრთნელის წოდებისთვის მებრძოლი თავკაცები

ფიფამ და „ფრანს ფუტბოლმა“ იმ მწვრთნელთა ვინაობა დაასახელეს, რომლებიც 2013 წლის საუკეთესო თავკაცის სტატუსის მოპოვებისთვის იბრძოლებენ.

სია ასე გამოიყურება:

კარლო ანჩელოტი (იტალია / „პარი სენ-ჟერმენი“ / მადრიდის „რეალი“), რაფაელ ბენიტესი (ესპანეთი / „ჩელსი“ / „ნაპოლი“), ანტონიო კონტე (იტალია / „იუვენტუსი“), ვისენტე დელ ბოსკე (ესპანეთი / ესპანეთის ეროვნული ნაკრები), სერ ალექს ფერგიუსონი (შოტლანდია / „მანჩესტერ იუნაიტედის“ ყოფილი თავკაცი), იუპ ჰაინკესი (გერმანია / მიუნხენის „ბაიერნის“ ყოფილი თავკაცი), იურგენ კლოპი ( გერმანია / „ბორუსია“), ჟოზე მოურინიო (პორტუგალია / მადრიდის „რეალი“/ „ჩელსი“), ლუიშ ფელიპე სკოლარი (ბრაზილია / ბრაზილიის ეროვნული ნაკრები), არსენ ვენგერი (საფრანგეთი / „არსენალი“).

წლის საუკეთესო მწვრთნელის ვინაობას 2014 წლის 13 იანვარს, „ოქროს ბურთის“ დაჯილდოების ცერემონიალზე გამოაცხადებენ.

გასულ წელს საუკეთესო მწვრთნელად ვისენტე დელ ბოსკე დაასახელეს, მეორე ადგილი ჟოზე მოურინიოს მიაკუთვნეს, მესამე კი – ხოსეპ გვარდიოლას.

ბექა დოგრაშვილი