წლის საუკეთესო ქართველ ფეხბურთელად საბა კვირკველია დასახელდა

დღეს ვარდების მოედანზე მდებარე მულტიფუნქციურ სივრცე “რესპუბლიკაში” საქართველოს ფეხბურთის ფედერაციის ყოველწლიური დაჯილდოება – GFF AWARDS 2017 ჩატარდა. სხვადახვა ნომინაციებთან ერთად გაირკვა მთავარი ჯილდოს – “წლის საუკეთესო ფეხბურთელის” ტიტულის მფლობელიც. წლის საუკეთესო ფეხბურთელად საქართველოს ეროვნული ნაკრებისა და მოსკოვის “ლოკომოტივის” მცველი საბა კვირკველია დასახელდა, რომელსაც სპეციალური ჯილდო სფფ-ის პრეზიდენტმა ლევან კობიაშვილმა გადასცა. კვირკველია წლის საუკეთესო ქართველი ფეხბურთელი მეორედ გახდა (2014, 2017).

წლის საუკეთესო ახალგაზრდა ფეხბურთელად საქართველოს 21 წლამდე ნაკრებისა და “გენტის” ნახევარმცველი გიორგი ჩაკვეტაძე დასახელდა.

წლის საუკეთესო ქალ ფეხბურთელად “ათაშეჰირ ბელედიესპორის” მცველი ნინო სუთიძე დაასახელეს.