ცნობილია საჩხერის “ჩიხურასა” და თბილისის “დინამოს” სავარაუდო მეტოქეები მომდევნო ეტაპზე

ხვალ, 22 ივლისს, შვეიცარიის ქალაქ ნიონში მდებარე უეფას შტაბ-ბინაში ევროპა ლიგის მესამე საკვალიფიკაციო ეტაპის წილისყრა შედგება. წილისყრის შედეგად უნდა გაირკვეს თუ ვინ შეიძლება შეხვდეთ თბილისის “დინამოსა” და საჩხერის “ჩიხურას” მომდევნო ეტაპზე გასვლის შემთხვევაში.

როგორც იცით, “ენგორდანის” ბარიერის წარმატებით გადალახვის შემდეგ “დინამოს” მეტოქედ აზერბაიჯანული “გაბალა” შეხვდა. იმ შემთხევაში, თუ ორმატჩიანი დუელი თბილისური კლუბის გამარჯვებით დასრულდება, ევროპა ლიგის მესამე საკვალიფიკაციო ეტაპზე “დინამოს” შემდეგი მეტოქეებიდან ერთ-ერთის წინააღმდეგ მოუწევს თამაში.

1) “ჰაპოელ ბეერ-შევა” (ისრაელი) / “ქაირათი” (ყაზახეთი)
2) “ფეიენოორდი” (ჰოლანდია)
3) “შემროკ როვერსი” (ირლანდია) / “აპოლონ ლიმასოლი” (კვიპროსი)
4) “ტორინო” (იტალია) / “დებრეცენი” (უნგრეთი)
5) “პლზენი” (ჩეხეთი) / “ოლიმპიაკოსი” ( საბერძნეთი)

რაც შეეხება ევროპა ლიგის მეორე საკვალიფიკაციო ეტაპზე მოასპარეზე საჩხერის “ჩიხურას”, იმერლებს შოტლანდიური “აბერდინის” ბარიერის გადალახვის შემდეგ რომელიმე ამ კლუბთაგანის წინააღმდეგ მოუწევს ძალების გამოცდა.

1) “პსვ ეინდჰოვენი” (ჰოლანდია) / “ბაზელი” ( შვეიცარია)
2) “კონაჰ ქუეი ნომადსი” (უელსი) / “პარტიზანი” (სერბეთი)
3) “ფლორა ტალინი” (ესტონეთი) / “აინტრახტი” ( გერმანია)
4) “რიეკა” (ხორვატია)
5) “ჟენესი” (ლუქსემბურგი) / “ვიტორია” (პორტუგალია)