ცქიტიშვილმა “თადამონთან” წაგებულ მატჩში 25 ქულა და 12 მოხსნა მიითვალა

ნიკოლოზ ცქიტიშვილი ლიბანის ჩემპიონატში ერთ-ერთი საუკეთესოა. თითოეულ მატჩში ის შთამბეჭდავ შედეგს აჩვენებს, რასაც ვერ ვიტყვით მის გუნდზე. 3 წაგების და მას მოყოლილი 2 გამარჯვების შემდეგ „ჩემპვილმა“ ისევ წააგო. ამჯერად სტუმრად „თადამონთან“ – 71:87.

ქართველმა ფორვარდმა 37 წუთი ითამასა და ორივე გუნდის შემადგენლობაში ისევ საუკეთესო შედეგი დააფიქსირა. ცქიტიშვილმა 10-დან 5 ორქულიანი, 4-დან 1 სამიანი და 14-დან 12 საჯარიმო მიითვალა. მთლიანობაში მან 25 ქულა, 12 მოხსნა, 3 პასი და 3 დაფარება ისე მოაგროვა, ბურთი არ დაუკარგავს.

ცქიტიშვილის მარგი ქმედების კოეფიციენტმა 38 შეადგინა, რაც 4 ერთეულით მეტია ადამონელ ვლადან ვუკოსავლიევიჩის მონაგარზე. 2 მოგებითა და 4 წაგებით „ჩემპვილი“ ცხრილში მე-6 ადგილზეა და მომდევნო ტურში, 10 იანვარს, „მუთაჰედს“ მასპინძლობს.

gbf.ge