ტუხელმა “რეალთან” მატჩის შემდეგ პირველი კომენტარი გააკეთა
ლონდონის “ჩელსისა” და მადრიდის “რეალს” შორის შემდგარი ჩემპიონთა ლიგის ნახევარფინალური ეტაპის პირველი მატჩი ფრედ, ანგარიშით 1:1 დასრულდა. მატჩის შემდეგ ტომას ტუხელმა პრესის წარმომადგენლებთან გააკეთა კომენტარი.
“ძალიან, ძალიან კარგად დავიწყეთ მატჩი – მაღალი ხარისხის თამაშს ვაჩვენებდით. პირველ ტაიმში გამარჯვება ნამდვილად დავიმსახურეთ, ამისთვის ძალიან ბევრი შანსი გვქონდა.
“რეალმა” გოლი სტანდარტული მდგომარეობიდან გაგვიტანა და ბევრი მომენტის შექმნა ვერ მოახერხა. მათ შანსების შექმნის უფლებას არ ვაძლევდით, რაც მნიშვნელოვანია.
შესვენებაზე იმედგამაცრუებელი ანგარიშით გავედით. სიმშვიდე უნდა შეგვენარჩუნებინა. მეორე ტაიმში დაგვეტყო, რომ დაღლილები ვიყავით. ძალიან ცოტა დრო გვქონდა ამ შეხვედრისთვის მოსამზადებლად,” – განაცხადა გერმანელმა სპეციალისტმა.
ინგლისურ და ესპანურ კლუბებს შორის განმეორებითი შეხვედრა 5 მაისს გაიმართება.
