ტურეს აგენტი: “2010-ში გვარდიოლამ “სიტის” ნაგავი გუნდი უწოდა”

იაია ტურეს აგენტმა, დიმიტრი სელუკმა ჟურნალისტებს საკმაოდ საინტერესო ინფორმაცია მიაწოდა, რომლის თანახმადაც 2010 წელს “მანჩესტერ სიტის” ამჟამინდელი თავკაცი, პეპ გვარდიოლა ამ კლუბს “ნაგავს” უწოდებდა.

“როდესაც ტურემ კლუბი დატოვა, რათა “სიტიში” გადაბარგებულიყო, გვარდიოლამ უთხრა, რომ ის ნაგავ გუნდში მიდიოდა.” – განუცხადა სელუკმა Radio Barcelona-ს.

“ახლა კი, თავად გვარდიოლა მოვიდა ნაგავ გუნდში. გვარდიოლას ფული ფეხბურთზე უფრო მეტად უყვარს.”

შეგახსენებთ, რომ ტურე “სიტიში” ყველაზე მაღალანაზღაურებადი ფეხბურთელის სტატუსსაც ატარებდა. მისმა გოლებმა კი გუნდს 2011-13 და 2013-14 წლების გათამაშების ჩემპიონობა მოუტანა.