U17 – ტესტ-მატჩი მინსკის საერთაშორისო ტურნირამდე

13 იანვარს, საწვრთნელ შეკრებაზე მყოფმა საქართველოს 17-წლამდე ნაკრებმა ამხანაგური მატჩი გამართა საფეხბურთო კლუბ „საბურთალოსთან“, სადაც ნაკრების არაერთი წევრი და კანდიდატი თამაშობს.

დღევანდელ მატჩში, საბურთალოელმა ნაკრების ფეხბურთელებმა, საკუთარი კლუბის შემადგენლობაში ითამაშეს და ნაკრების შეკრებას საღამოს შეუერთდებიან.

საბურთალო – 17-წლამდე ნაკრები 3:3 (1:2)

საბურთალო: კუპატაძე, ბარამიძე, მარგველაშვილი, ტაბიძე, თევზაძე, მამუჩაშვილი, ხარაიშვილი, გოშთელიანი, წივილაშვილი, გოცირიძე, ლარკი

შეცვლაზე შევიდნენ: გოშაძე, ბეროშვილი, ჩომახიძე, ბიძინაშვილი, გვარაძე, ჩაბრაძე, ხორხელი

17-წლამდე ნაკრები: კულუა, კაპანაძე, კაციტაძე, კომახიძე, კევლიშვილი, კიკნაძე, მიქელთაძე, ჯობავა, ლაშხია, ქობულაძე, კამლაძე

შეცვლაზე შევიდნენ: ქურდაძე, ართმელაძე, ალთუნაშვილი, ლებანიძე

გოლები: 1:0 ხარაიშვილი (13), 1:1 მიქელთაძე (25), 1:2 ჯობავა (45 პენ), 2:2 მამუჩაშვილი (55), 2:3 ალთუნაშვილი (61), 3:3 ხორხელი (78)
17-წლამდე ნაკრები საწვრთნელ შეკრებას სფფ-ის ტექნიკურ ცენტრ „ბასაზე“ გადის. ნოდარ აკობიას გუნდი 17 იანვარს, ღამე მინსკში გაემგზავრება, სადაც ყოველწლიურ, ტრადიციულ საერთაშორისო ტურნირში მიიღებს მონაწილეობას.
ნაკრების მთავარი მწვრთნელი ბელორუსში წამსვლელ ფეხბურთელთა საბოლოო სიას ხვალ დაასახელებს და ტურნირთან დაკავშირებულ სხვა ოფიციალურ ინფორმაციასთან ერთად, მას სფფ-ის ოფიციალურ ვებ-გვერდზე გაეცნობით.

სფფ-ის პრესსამსახური