U20 მსოფლიო ალაფა 2014 – ტურნირი მოგებით დავიწყეთ

თარიღი: აპრილი 8, 2014

7 აპრილს სტარტი აიღო IRB 20 წლამდელთა მსოფლიო ალაფის გათამაშებამ. ტურნირი B ჯგუფის შეხვედრები დაიწყო. პირველ შეხვედრაში ურუგვაიმ 33-28 დაამარცხა იაპონოა, ხოლო მეორე მატჩში კი,  ნამობიამ 37-25 სძლია კანადას. ამრიგად B ჯგუფს ნამიბია ლიდერობს და შემდეგ შეხვედრას იაპონიასთან გამართავს, ხოლო ურუგვაი კანადას შეერკინება.

A ჯგუფში ასპარეზობა გამარჯვებით დავიწყეთ

ამის შემდეგ A ჯგუფის დრო დადგა, სადაც პირველ შეხვედრაში 20 წლმადე ბორჯღალოსნები ტონგელ თანატოლებს ერკინენ.

საქართველოს ნაკრებს ანგარიშის გახსნა მატჩის დებიუტშივე შეეძლო – შალვა შაშიაშვილმა ტონგელების ლელოში ბურთი დაამიწა, მაგრამ ფეხი აუტის ხაზზე დადო და შესაბამისად ანგარიში არ გაიხსნა. ბორჯღალოსნებმა განაახლეს შეტევა, რომელიც ნაკრების კაპიტანმა, იუბილარმა საბა შუბითიძემ (იგი დღეს 20 წლის გახდა), ლელოთი დაასრულა.  ლელოს გარდასახვა რეზი ჯინჭველაშვილს არ გასჭირვებია და მატჩის მეოთხე წუთზე საქართველოს U20 ნაკრები 7- 0 დაწინაურდა.

დაცვაში ცუდი სათამაშო დისციპლინის გამო, მსაჯმა ტონგელები დააჯარიმა, რითაც რეზი ჯინჭველაშვილმა ისარგებლა და დამატებით 3 ქულა შესძინა გუნდს. მას მოგვიანებით დამატებით ორჯერ მიეცა ჯარიმის გატანის შესაძლებლობა და შესაბამისად ტაიმის დასრულებამდე 10 წუთით ადრე, საქართველოს ნაკრები 16-0 უგებდა მოწინააღმდეგეს.

ტაიმის მიწურულს ტონგელების 5 მეტრინთან ჩვენი შერკინება დაინიშნა. ამ კომპონენტში საქართველო რამოდენიმე თავით სჯობდა მოწინააღმდეგეს, შესაბამისად ჩვენ ბიჭებს მოწინააღდეგის საკუთარ ლელოში შეთრევა და ლელოს დამიწება არ გასჭირვებიათ. ლელო 8 ნომერზე მოთამაშე ვახტანგ ამირანაშვილმა დადო. ჯინჭველაშვილს გარდასახვა გაუცუდდა და ანგარიში 21-0 დაფიქსირდა. პირველი ნახევარი ამ ანგარიშით დასრულდა.

მეორე ტაიმი – ტონგას გამოცოცხლება და უხვად დარიგებული სინ ბინები

მეორე ტაიმში ტონგელები ცოტა გამოცოცხლდნენ. ერთი ჯარიმა გაგვიტანეს და მალევე კუნძულელების მონაგარს ტაიმიკო ფანგატუამ გარდასახული ლელო შემატა. ანგარიში 21-10 გახდა.

ტონგელების გამოცოცხლებას, 20 წლამდე ბორჯღალოსნებმა მალევე ლელოთი უპასუხეს – ვახტანგ ამირანაშვილმა დუბლი გაიფორმა, ხოლო რეზი ჯინჭველაშვილმა კვლავ გარდასახა და ანგარიში 28-10 გახდა. ამის შემდეგ ჯინჭველაშვილმა კიდევ ორჯერ იმარჯვა და მატჩის საბოლოო ანგარიში 34-10 დააფიქსირა.

მეორე ტაიმის მსვლელობისას, ტონგელებმა უმატეს უხეშობასა და არადისციპლინირებულ თამაშს. ისინი არც პროვოკაციებს ერიდენოდნენ, რასაც ჩვენი ბიჭები არ აჰყოლიან. კუნძულელების ასეთ ქმედებებს მსაჯმა უხვად ყვითელი ბარათების დარიგებით უპასუხა. მეორე ტაიმის შუაწელში ტონგელებს ჯერ ერთი მოთამაშე გაუსინბინეს, მოგვიანებით მეორეც მიაყოლეს. ამ დროს შეცვლაზე შემოსული ჟორა მღებრიშვილმა მსაჯის სასტვენის შემდეგ შერკინებიდან შორს მოისროლა ბურთი, რის გამოც მსაჯმა მას ყვითელი ბარათი ანახა. 20 წლამდელები 14 კაცით დარჩნენ მინდორზე ხოლო ტონგელები კი 13-თ. მატჩის ბოლოსკენ ტონგელებმა კვლავ გააგრძელეს უხეშობა, რასაც მათი 2 მოთამაშის ყვითლით გაგდება მოყვა. საბოლოო ჯამში საქართველოს ნაკრებმა ერთი, ხოლო ტონგამ კი ოთხი ყვითელი ბარათი მიიღო.

აშშ-მაც სტარტი მოგებით აიღო

საქართველო-ტონგას მატჩის შემდეგ, B ჯგუფის მეორე შეხვედრა გაიმართა, რომელშიც ტურნირის ერთ-ერთმა ფავორიტმა, აშშ-ს ნაკრებმა მასპინძელ, ჰონკონგის 20 წლამდელთა ნაკრებს 37-0 სძლია. ჰონკონნგელების სასარგებლოდ უნდა ითქვას, რომ ისინი მთელი 80 წუთის განმავლობაში დიდ წინააღმდეგობას უწევდნენ ტურნირს ერთგიზ გამარჯვებულ გუნდს.

ტურნირის მეორე რაუნდში, საქართველოს 20 წლამდელთა ნაკრებს ჯგუფირი ეტაპის ყველაზე მნიშვნელოვანი მატჩი ელით – U20 ბორჯღალოსნები არწივებს, აშშ-ს 20 წლამდელთა ნაკრებს შეხვდებიან. მატჩი 11 აპრილს, თბილისის დროით 11:00 საათზე დაიწყება.

წინა შეხვედრის მსგავსად, აღნიშნული მატჩის მსვლელობისათვის თვალყურის დევნა მხოლოდ ტექსტური ლაივის მეშვეობით იქნება შესაძლებელი, რომელიც კვლავ ტურნირის და საქართველოს რაგბის კავშირის თვითერისა და ფეისბუქ გვერდებზე იწარმოებს:

twitter.com/IRBjuniors>>>

twitter.com/GeorgianRugby>>>

Facebook.com/GeorgianRugbyUnion>>>

 

კომენტარები

დავით ვართანიანი, საქართველოს 20 წლამდელთა ნაკრების მთავარი მწვრთნელი:

„ასეთი ანგარიშით მოგებას  ნამდვილად არ ველოდი, მაგრამ იმაში დარწმუნებული ვიყავი, რომ შერჩეული სტრატეგია და ტაქტიკა გაამართლებდა. ჩვენს მიზანს სათამაშო დისციპლინის არ დარღვევა და შეკრულად თამაში წარმოადგენდა. მოწინააღმდეგე გუნდი საკმაოდ არეულად ათამაშდა, რაც ჩვენს სასარგელოდ გამოვიყენეთ. დაცვაშიც კარგად ვითამაშეთ და შედეგიც სახეზეა.

„რათქმაუნდა რაღაც ხარვეზებსაც ქონდა ადგილი, რის გამოსწორებასაც შემდეგი თამაშისათვის ვეცდებით. აშშ-ს ნაკრები სულ სხვა გუნდია, ისინი უფრო ორგანიზებული გუნდის შთაბეჭდილებას ტოვებენ და შესაბამისად რიგი ჩვენს თამაშში რიგი ცვლილებების შეტანა მოგვიწევს.

„შემდეგ თამაშზე როლანდ კვაჭაძეც შემოგვიერთდება, რომელმაც მოიშუშა ტრავმა, ხოლო რაც შეეხება გიორგი აფციაურს, ჯერ კიდევ ველოდებით ექიმების პასუხს, იმედია ტურნირის ბოლომდე გიორგიც შეძლებს გუნდის დამხარებას.“

ლადო კილასონია, საქართველოს 20 წლამდელთა ნაკრების მწვრთნელი:

„ორი სხვადასხვა ტაიმი ვნახეთ. პირველ ტაიმში ვიყავით კარგად ორგანიზებულები და შეცდომა თითქმის არ დაგვიშვია. ჩვენი პლიუსი გამოჩნდა და მოწინააღმდეგე დავჯაბნეთ შერკინებაში, მოლში და აუტში. მეორე ტაიმში თავიდან ცოტათი ავირიეთ და მანამ დავლაგდებოდით 10 ქულა მივიღეთ. შემდეგ შერკინებამ აიღო თავის თავზე ინიციატივა და მოწინააღმდეგეს შევუტრიალეთ თამაში. ხაზგასმით აღსანიშნავია, რომ ხაზი შესანიშნავად თამაშობდა დაცვაში. თავისუფლად შემიძლია ვთქვა, რომ რაც დავგეგმეთ ბიჭებმა სრულიად შეასრულეს.“

საბა შუბითიძე, საქართველოს 20 წლამდელთა ნაკრების კაპიტნაი:

„ძალიან ბედნიერი ვარ იმით, რომ პირველივე მატჩში ძლიერ მოწინააღმდეგეს პირნათლათ მოვუგეთ. თამაშს რაც შეეხება, შერკინებაში საგრძნობლად ვაჯობეთ მოწინააღდეგეს, ხოლო დაცვაში უშეცდომო თამაშმა რამოდენიმე კარგი შეტევის განხორციელების შესაძლებლობა მოგვცა. მოწინააღმდეგეც საკმაოდ აგრესიულად იდგა დაცვაში, მაგრამ ჩვენ მათი დაცვის გატეხვა შევძელით.

„მინდა ავღნიშნო, რომ ტონგას საკმაოდ ძლიერი და მოძრავი ბიჭები ყავდათ, მაგრამ ისინი უხეშ და ბინძურ თამაშს არ ერიდებოდნენ, მაგრამ ვერც ამით შეძლეს ჩვენი გატეხვა.

„ბიჭებზე მინდა ვთქვა, რომ როგორც კაპიტანი მე მათ დიდ მადლობას ვუხდი ასეთი გარჯისათვის. გუნდი, როგორც ერთი ორგანიზმი იყო შეკრული და ბიჭები არცერთი წუთით არ მოშვებულან. საკმაოდ მოტივირებულნი ვიყავით და შემიძლია ვთქვა, რომ გასახდელშივე ვიყავით დარწმუნებულნი ჩვენს მოგებაში.“.

 

გიორგი ნიჟარაძე, საქართველოს რაგბის კავშირის პრეზიდენტი:

„ძალიან კმაყოფილი ვარ. ტურნირის ერთ-ერთ ფავორიტს 34-10 ვძლიეთ. იყო ბრწყინვალე პირველი ტაიმი. ყველა კომპონენტში რაც კი არსებობს რაგბიში აჯობეს ჩვენმა ბიჭებმა მოწინააღმდეგეს. შესანიშნავი დაცვა იყო, შეტევაც ძალიან კარგი იყო, აუტები მოვიგეთ. ხაზმა და ნახევარდაცვამაც კარგად ითამაშა. ერთი სიტყვით, რომ ვთქვათ გუნდა მაღალი კლასი გამოავლინა.

„მეორე ტაიმში მართალია ცოტა მოდუნდნენ ბიჭები. გარკვეული პერიოდი დაცვაშიც მოგვიწია თამაში და ლელოც მივიღეთ, მაგრამ გამოვასწორეთ და უპირატესობა კვავ დავიბრუნეთ. ამაზე ტონგელებმა ბინძური თამაშით გვეპასუხეს. საერთოდ მთელი მატჩის განმავლობაში უხეშობდნენ ტონგელები. ორი მოთამაშე კბენაზეც კი გაუგდეს. მეორე ტაიმში როდესაც ნახეს, რომ ყველაფერში ჯობნიდნენ ჩვენი ბიჭები, უკვე პროვოკაციებზე წამოვიდნენ, მაგრამ ბიჭები ამ პროვოკაციებს არ აჰყოლიან.

„მატჩის ბოლოს, დაღლისგან ალბათ უფრო, ცოტათი მოდუნდნენ ბიჭები და იმდენი ლელოს დადება ვეღარ მოვახერხეთ რამხელა უპირატესობაც გვქონდა. სტადიონზე შეკრებილი მაყურებლისათვის 80 წუთის განმავლობაში ნათელი იყო თუ ვინ იყო უკეთესი გუნდი.

„მომავალ მოწინააღმდეგეს რაც შეეხება, ამერიკელ 20 წლამდელებს ეტყობათ, რომ კარგი და დისციპლინირებული გუნდია. ეხლა მთავარია ბიჭებმა დაივიწყონ ტონგასთან მოგება, დაისვენონ, გაიაზრონ დაშვებული შეცდომები და შემდეგ უკვე აშშ-სთან თავიანთი გასაკეთებელი გავაკეთონ.“

მსგავსი სიახლეები
სხვადასხვა

“ეს უკვე ფიასკოა, ლოთო” – ხაბიბისა და კონორის მორიგი დაპირისპირება სოცია

19 ოქტომბერს, UFC-ის მებრძოლები – კონორ მაკგრეგორი და ხაბიბ ნურმაგომედოვი ერთმანეთს სოციალურ ქსელ Twitter-ში დაუპირისპირდნენ. […]...
წაკითხვა
სხვადასხვა

საოცარი ილეთი! ახალკაცმა მსოფლიო ჩემპიონატის ფინალში რუსეთის ნაკრების წევრი დაამარცხა (ვიდ

მაროკოში მიმდინარე ძიუდოს ახალგაზრდულ ჩემპიონატზე 18 ოქტომბერი ქართველებისათვის წარმატებული გამოდგა. 81 კგ. წონით კატეგორიაში ოქროს […]...
წაკითხვა
სხვადასხვა

27 წლის ამერიკელი მოკრივე რინგზე მიღებული ნოკაუტის შემდეგ გარდაიცვალა (ვიდეო)

ცნობილი ამერიკელი მოკრივე პატრიკ დეი 27 წლის ასაკში გარდაიცვალა. ექიმების ინფორმაციით, პატრიკი ჩარლზ კონველთან ბრძოლისას […]...
წაკითხვა
სხვადასხვა

როგორ მიულოცეს ტოჩინოშინს დაბადების დღე თანაგუნდელებმა (ვიდეო)

13 ოქტომბერს ქართველი სუმოისტი, ლევან გორგაძე იგივე ტოჩინოშინი 32 წლის გახდა. ცხადია, მას დაბადების დღე […]...
წაკითხვა
სხვადასხვა

პეტრ ჩეხის დებიუტი ჰოკეის კლუბში (ფოტო, ვიდეო)

ლონდონის “ჩელსისა” და “არსენალის” ყოფილ მეკარეს, პეტრ ჩეხს ჰოკეიში დებიუტი ჰქონდა. ჩეხმა სპორტსმენმა კონტრაქტი ინგლისის [&hell...
წაკითხვა
სხვადასხვა

‘ვერ დავუშვებთ გამონაკლისს’ – საგინაშვილს სპორტის მართვისა და განვითარებ

წარმატებული ქართველი მკლავჭიდელი, მსოფლიოს 7-გზის და ევროპის 6-გზის ჩემპიონი ლევან საგინაშვილი სხვა ქვეყნის სახელით გამოსვლაზე […]...
წაკითხვა
სხვადასხვა

კონორი ხაბიბს: “მოდი, მოსკოვში ვიცეკვოთ, პატარავ”

MMA-ს მებრძოლმა, კონორ მაკგრეგორმა სოციალურ ქსელში პოსტი გამოაქვეყნა და ერთი წლის წინ ხაბიბ ნურმაგომედოვთან გამართული […]...
წაკითხვა
სხვადასხვა

რა გააკეთა ქართველმა სუმოისტმა ფინალში რუსთან გამარჯვების შემდეგ (ვიდეო)

უნგრეთში მიმდინარე სუმოს ევროპის ახალგაზრდულ ჩემპიონატზე, 18-წლამდე სპორტსმენებს შორის, აბსოლუტური წონითი კატეგორიის ფინალში ზურა წიქორიძემ […]...
წაკითხვა
სხვადასხვა

აწევს თუ არა ლაშა ტალახაძე ლარის კურსს? – მსოფლიო ჩემპიონის პასუხი (ვიდეო)

28 სექტემბერს საქართველოს ძალოსანთა ნაკრები ტაილანდში გამართული მსოფლიო ჩემპიონატის შემდეგ საქართველოში დაბრუნდა. სპორტსმენებს აეროპორტში ბევრი [&hell...
წაკითხვა
სხვადასხვა

გიგა ჭიკაძე და ბრენდონ დევისი ერთმანეთის პირისპირ (ვიდეო)

28 სექტემბერს UFC-ში გიგა ჭიკაძის დებიუტი შედგება. ქართველი მებრძოლი კოპენჰაგენში ამერიკელ ბრენდონ დევისს დაუპირისპირდება. ორთაბრძოლამდე […]...
წაკითხვა
სხვადასხვა

როგორ გამოეხმაურა ბეჰდად სალიმი ლაშა ტალახაძის მსოფლიო ჩემპიონობას?

ცნობილი ირანელი ძალოსანი ბეჰდად სალიმი ლაშა ტალახაძის მიერ ტაილანდში მოპოვებულ მსოფლიო ჩემპიონობას გამოეხმაურა. როგორც იცით, […]...
წაკითხვა
სხვადასხვა

ლაშა ტალახაძემ ახალი მსოფლიო რეკორდი დაამყარა და ატაცში მსოფლიო ჩემპიონი გახდა! (ვიდეო)

27 სექტემბერს, ტაილანდში მიმდინარე ძალოსნობის მსოფლიო ჩემპიონატზე ლაშა ტალახაძემ ატაცში მორიგი მსოფლიო რეკორდი დაამყარა და […]...
წაკითხვა
სხვადასხვა

ჩიქოვანის გუნდის პირველი მოგება

რუმინეთის ხელბურთის ჩემპიონატში 4 ტური გაიმართა და მხოლოდ მეოთხეში მოიგო პირველი მატჩი შარშანდელმა ვერცხლის პრიზიორმა […]...
წაკითხვა
სხვადასხვა

გენო პეტრიაშვილი: “ეს ჩემი მომდევნო დიდი მიზანია!”

მსოფლიოს სამგზის ჩემპიონმა, გენო პეტრიაშვილმა სოციალურ ქსელში პოსტი გამოაქვეყნა. საქართველოს თავისუფალი სტილით მოჭიდავეთა ნაკრების წევრმა […]...
წაკითხვა
სხვადასხვა

ზურაბ დათუნაშვილი: “საქართველოს ჭიდაობის ფედერაციის პრეზიდენტმა უარი განუცხადა სერბუ

საქართველოს ბერძნულ-რომაული სტილით მოჭიდავეთა ნაკრების ყოფილმა კაპიტანმა, ზურაბ დათუნაშვილმა სოციალურ ქსელში განცხადება გამოაქვეყნა. 28 წლის […...
წაკითხვა