უჩა სოსიაშვილი: „ერთხელ და სამუდამოდ უნდა გადაწყდეს და დამთავრდეს ამაზე საუბარი“
ამ განცხადების გაკეთება გადაწყდა მას შემდეგ რაც „დილა“ – „დინამო (ბთ.)-ის მატჩზე მსაჯებმა და კერძოდ მალხაზ ბეუქლიშვილმა მიიღო ძალზედ საეჭვო გადაწყვეტილებები, რამაც გუნდის შედეგზე დიდად იმოქმედა. აღნიშნულ საკითხზე „დილას“ მთავარმა მწვრთნელმა უჩა სოსიაშვილმა და კლუბის მენეჯერმა გია ისიანმა მცირე კომენტარები გააკეთეს:
უჩა სოსიაშვილი: „არ შეიძლება დღეს ასეთი რამეები ისევ ხდებოდეს ქართულ ფეხბურთში. დიდი ყურადღება უნდა მიექცეს მსაჯებს და მკაცრი სანქციები გატარდეს მათ მიმართ. ძალიან ხშირია მათი მხრიდან უხეში შეცდომები, რომელიც ერთხელ და სამუდამოდ უნდა გადაწყდეს და დამთავრდეს ამაზე საუბარი.“
გია ისიანი: „დიდი იმედი მაქვს ფეხბურთის ფედერაცია სათანადო ზომებს მიიღებს და აღარ დაუშვებს ისეთ შემთხვევებს რაც „დილასა“ და ბათუმის „დინამოს“ მატჩზე მოხდა. გულშემატკივრის მოლოდინი დიდია ამ საკითხის მიმართ და მსაჯთა კომიტეტის შესაბამისმა ორგანომ უნდა გამოიძიოს აღნიშნული ფაქტი, რათა დამნაშავეები სათანადოდ დაისაჯონ. იმედი გვაქვს, მომავალში ასეთი შეცდომები აღარ იქნება დაშვებული. განსაკუთრებით მაყურებელს უნდა ვცეთ პატივი, რომელიც სტადიონზე მოდის თამაშის საყურებლად და მათ შეურაცხყოფა არ უნდა მივაყენოთ.“
ს.კ. „დილა“
