უეინ ბრიჯი: “რობერტო მანჩინი მძულს”
ინგლისის ნაკრების, ლონდონის “ჩელსისა” და “მანჩესტერ სიტის” ყოფილმა მარცხენა მცველმა, უეინ ბრიჯმა განაცხადა, რომ ევროპის ჩემპიონატის ფინალის შედეგი ძალიან გულდაწყვეტილია. ვეტერანი ფეხბურთელის თქმით, ის რობერტო მანჩინის მარცხსაც გულშემატკივრობდა.
“გული ძალიან დამწყდა. ყველამ იცის, რომ მე მანჩინი მძულს. ვერ ვიტყვი, რომ ის ყველაზე ცუდი მწვრთნელია, ვისთანაც მიმუშავია, მაგრამ ტაქტიკურად, ის კარგი სპეციალისტი არ არის.
ჩემი ოჯახი მხოლოდ ინგლისს არ გულშემატკივრობდა, მანჩინის წაგებასაც ვგულშემატკივრობდით. მან “მანჩესტერ სიტიში” პრემიერ ლიგა ფეხბურთელების წყალობით მოიგო, ეს მისი დამსახურება არ ყოფილა.
მანჩინისთან პრობლემები მქონდა, ერთმანეთთან ვიჩხუბეთ. მასთან ერთად რამდენიმე თვე ვიმუშავე, ვარჯიშებზე სიამოვნებას ვერ ვიღებდი. ერთ დღეს, მე და ბელამიმ ვიკითხეთ: “რა მოხდებოდა, თუ იგივე მატჩის დროსაც მოხდებოდა?” მანჩინიმ გვიპასუხა: “მოკეტეთ, მოკეტეთ!” – ციტირებს უიენ ბრიჯის სიტყვებს Corriere Dello Sport.
რობერტო მანჩინიმ და უეინ ბრიჯმა ერთად “მანჩესტერ სიტიში” იმუშავეს, თუმცა მისი მწვრთნელობის დროს ინგლისელი მარცხენა მცველი სამ სხვადასხვა კლუბში გაანათხოვრეს.
