უეფა ახალი საკლუბო ტურნირის შექმნაზე მუშაობს
ევროპული ფეხბურთის მმართველი ორგანოს ხელმძღვანელობა ახალი ტურნირის შესაქმნელად სხვადასხვა ვარიანტებს განიხილავს.
ფრანგული გამოცემა L’Équipe-ი წერს, რომ უეფა 2024-2025 წლების რევოლუციური სეზონის დაწყებამდე ერთგვარი “ოთხთა ფინალის” გამართვას აპირებს. სწორედ ამ პერიოდიდან ჩატარდება ჩემპიონთა ლიგა ახალი ფორმატით.
ჩანაფიქრის მიხედვით, “ოთხთა ფინალში” ჩემპიონთა ლიგის მოქმედი გამარჯვებული და კიდევ ოთხი წამყვანი კლუბი ითამაშებს. ტურნირის ჩატარების ადგილად ამერიკის შეერთებული შტატები განიხილება, სადაც დიდი რაოდენობის აუდიტორიისა და სპონსორების მოზიდვაა შესაძლებელი. უეფას სუპერთასი ისევ იარსებებს, თუმცა ტიტული ევროპის ლიგისა და კონფერენციის ლიგის გამარჯვებულებს შორის გათამაშდება.
წყარო ინფორმაციას კიდევ ერთი სიახლის შესახებ ავრცელებს. 2024-2025 წლების სეზონიდან ჩემპიონთა ლიგის ჯგუფური ეტაპის პირველი ტური ხუთშაბათ დღეს ჩატარდება, შემდეგ კი ტურნირი ჩვეული განრიგით, სამშაბათსა და ოთხშაბათს გაგრძელდება.
