უილშირმა “არსენალს” წაგება უსურვა
ინგლისის პრემიერლიგის მე-13 ტურში ლონდონის “არსენალი” საკუთარ მოედანზე “ბორნმუთს” მიიღებს. ამ გუნდებს ერთმანეთთან ჯეკ უილშირი აკავშირებთ, რომელიც “არსენალის” საკუთრებაა, “ბორნმუთში” კი განათხოვრების წესით თამაშობს. თავად ფეხბურთელი კონტრაქტით გათვალისწინებული შეთანხმების გამო აღნიშნულ შეხვედრაში თამაშს ვერ შეძლებს.
“რამდენიმე შეხვედრა ჩავატარე მიჯრით და სამწუხაროა, რომ ამ მატჩში ვერ ვითამაშებ, თუმცა, შესაძლოა, კარგიც არის, რომ მხოლოდ ერთი თამაშის გამოტოვება მიწევს, შემდეგ კი ჩვეულად გავაგრძელებ ასპარეზობას. მე ახლა “ბორნმუთის” ფეხბურთელად ვითვლები და მინდა, რომ “ბორნმუთმა” მოიგოს”, – უილშირის კომენტარი “სანმა” გამოაქვეყნა.
ჯეკ უილშირმა მიმდინარე სეზონში 11 მატჩი ჩაატარა.
“არსენალსა” და “ბორნმუთს” შორის შეხვედრა კვირას გაიმართება და თბილისის დროით 18 საათსა და 15 წუთზე დაიწყება.
