უმაღლესი ლიგა: 29-ე ტურის პრევიუ

თარიღი: მაისი 17, 2015

უმაღლესი ლიგის ბოლოსწინა ტური რამდენიმე საინტერესო შეხვედრას შემოგვთავაზებს. შეგახსენებთ, რომ გათამაშების ერთადერთი ინტრიგა ადგილის შესანარჩნებლად გამართული ბრძოლაა.

დარჩენისთვის მებრძოლი “ვიტ ჯორჯია” დღეს მცხეთაში ფოთის “კოლხეთს” მიიღებს. ფოთელებმა სეზონის მეორე ნახევარი საკმაოდ კარგად ჩაატარეს და სეზონის ბოლოს ცხრილის შუა ნაწილში არიან გამაგრებულები. “ვიტ ჯორჯია” კი მხოლოდ ბოლო ტურებში გამოცოცხლდა და მიუხდავად ჩაგდებული სეზონისა გადარჩენის შანსებს მაინც ინარჩუნებს. “ვეტერინარებს” სახიფათო ზონიდან ამოსვლა გასულ ტურში შეეძლოთ, თუმცა რუსთავში მთავარი კონკურენტს ვერ სძლიეს, არადა საკმაოდ დიდ უპირატესობას ფლობდნენ. შეხვედრას ორივე გუნდი დანაკლისით ხვდება. მასპინძლებს დისკვალიფიცირებული დავლაშელიძე ვერ დაეხმარება, ხოლო “კოლხეთს” ანლოგიური მიზეზის გამო გიორგი კილასონია დააკლდება.

მეორე წრის ყველაზე წარუამტებელი გუნდი, რუსთავის “მეტალურგი” ერთ-ერთი უკანასკნელი შანსის გამოყენებას დღეს მიხეილ მესხის სათადარიგოზე ეცდება. რუსთაველები ლიდერთა შორის მყოფ “ცხინვალს” შეხვდებიან და რეალურად რომ ვთქვათ ფაქტობრივად უშანსოდ არიან. “მეტალურგი” გავარდნის ერთ-ერთი მთავარი კანიდატია, გუნდის თამაშში კი პოზიტივის დანახვა ძალიან რთულია. გასაგებია, რომ გუნდის ფინანსური მდგომარეობა უკეთესის სურვილს ტოვებს, მაგრამ უმაღლესში მსგავს მდგომარეობაში მყოფი, მაგრამ გაცილებით უკეთ მოთამაშე გუნდებიც გვახსოვს.

უმაღლესში ადგილის შესანარჩუნებლად მებრძოლი ტრიოდან ყველაზე კარგი შანსი ბოლნისის “სიონს” აქვს, რომელიც მოახლოებულ ტურში “ზუგდიდს” სტუმრობს და კონკურენტებთან შედარებით 1 ქულით მეტიც აქვს. ბოლნისელები გამარჯვების შემთხვევაში მეტოქესთან სხვაობას 1 ქულამდე შეამცირებე, წაგება კი მათ მდგომარეობას ძალიან გაართულებს. “სიონს” დღევანდელ შეხვედრაში დისკვალიფიცირებული დავით სვანიძე დააკლდება.

ტურის ყველა მატჩი