უმაღლესი ლიგა: მე-13 ტურის პრევიუ

სანაკრებო და სათასო პაუზის შემდეგ ქართულ სტადიონებზე უმაღლესი ლიგა, მე-13 ტურის მატჩებით ბრუნდება. მორიგი სათამაშო კვირის შეხვედრები ორ დღეზეა გადანაწილებული და რამდენიმე საინტერესო დაპირისპირებასაც გვპირდება.

დიდ ინტერესს იწვევს გორში, ადგილობრივ “დილასა” და “სამტრედიას” შორის გასამართი შეხვედრა. ლიდერთა სამეულში მყოფი ორივე გუნდის სუსტი წერტილი სტაბილურობის ნაკლებობაა. “დილამაც” და “სამტრედიამაც” მიმდინარე გათამაშებაში რამდენიმე დასამახსოვრებელ მატჩთან ერთად უსახური შეხვედრებიც ჩაატარეს და ქულებიც მრავლად დაკარგეს. სამტრედიელები ვერც სამწვრთნელო შტაბში მომხდარი ცვლილებების შემდეგ გამოიყურებიან დამაჯერებლად. საინტერესოა, რომ აღნიშნულ შეხვედრას მარკო ბორგის ხელმძღვანელობით, მალტელი არბირტრები მოემსახურებიან.

პრინციპული მატჩია მოსალოდნელი მცხეთაში, სადაც “ვიტ ჯორჯია” რუსთავის “მეტალურგს უმასპინძლებს. “ვეტერინარები” უკვე 6 ტურია ვერ იგებენ, რაც მათ სატურნირო მდგომარეობაზეც აისახა. ზურაბ ბერიძის გუნდი გასავარდნ ზონას მიუახლოვდა და მდგომარეობის გამოსწორებას რუსთაველებთან მატჩში ეცდება. საქმე კარგად არც რუსთეველებს აქვთ, რომლებმაც ჩემპიონატის უკანასკნელ ორ ტურში ამდენივე მარცხი იწვნეს, თუმცა მომავალი მეტოქის მსგავსად ხასიათი სათასო მატჩში გამოისწორეს.

კიდევ ერთ მნიშვნელოვან შეხვედრას ქუთაისი უმასპინძლებს, სადაც იმერული დერბის ფარგლებში ურთიერთობას “ტორპედო” და “ზესტაფონის” გაარკვევენ. ორივე გუნდი არც თუ ისე კარგ მდგომარეობაში. “ფრეების სინდრომის” შედეგად ქუთაისელებმაც და ზესტაფონელებმაც საკმაოდ ბევრი მნიშნველოვანი ქულა დაკარგეს და 12 ტურის შემდეგ სატურნირო ცხრილის შუაში იმყოფებიან. თუმცა, ისიც გასათვალისწინებელია, რომ ბოლო ორ ტურში “ზესტაფონმა” 6 ქულა აიღო, “ტორეპდომ” კი – 0.

ტურის ყველა მატჩი

21.11	14:00	დილა		-:-		სამტრედია		დაწვრილებით
21.11	14:00	მერანი		-:-		კოლხეთი		დაწვრილებით
21.11	14:00	ვიტ ჯორჯია		-:-		მეტალურგი		დაწვრილებით
21.11	14:00	დინამო ბათუმი		-:-		სიონი		დაწვრილებით
22.11	14:00	სპარტაკი		-:-		შუქურა		დაწვრილებით
22.11	14:00	ტორპედო		-:-		ზესტაფონი		დაწვრილებით
22.11	14:00	ზუგდიდი		-:-		დინამო თბილისი		დაწვრილებით
22.11	14:00	გურია		-:-		ჩიხურა		დაწვრილებით