უმაღლესი ლიგა: პირველი წრე დასასრულს მიუახლოვდა

დღეს, თბილისსა და ქობულეთში უმაღლესი ლიგის პირველი წრის ბოლო, მე-15 ტური ორი მატჩით აიღებს სტარტს.

მიხეილ მესხის სათადარიგო მოედანზე ცხინვალის “სპარტაკი” ფოთის “კოლხეთს” მიიღებს და ზამთრის არდადეგებზე გასვლის წინ მესამე ადგილზე დაბრუნებას ეცდება. ცხინვალელებმა აღნიშნული პოზიცია გასულ ტურში რუსთავში დაკარგეს. მათ უშუალო კონკურენტ “სამტრედიას” კი მარტვილის “მერანთან” ელის დაპირისპირება. მარტვილელები მთელი სეზონის განმავლობაში მეტოქეებს სწორედ სამტრედიაში მასპინძლობდნენ, თუმცა ბოლო ტურის შეხვედრას ზესტაფონის “დავით აბაშიძეზე” ჩაატარებენ.

დღის მეორე შეხვედრას ქობულეთი უმასპინძლებს, სადაც აჭარული დერბი გაიმართება. უმაღლესში დაბრუნებული ზღვისპირული კლუბებიდან უფრო წარმატებულად ბათუმელები ასპარეზობენ. “დინამომ” ზედიზედ სამი შეხვედრის მოგება და მეხუთე პოზიციაზე აღზევება შეძლო. წლის ბოლო ტურის შემდეგ კი ბათუმელებს სამეულში მოხვედრაც კი შეუძიათ. შეადრებით მოკრძალებულია ქობულეთური გუნდის გეგმები, თუმცა “შუქურამ” ყველას თავი როგორც საკმაოდ ბრძოლისუნარიანი გუნდი დაამახსოვრა და იოლად საქმე არც ბათუმელებს ექნებათ.

კვირას გასამართი დაპირისპირებებიდან ინტერესს მცხეთაში ჩასატარებელი მატჩი იწვევს. მეორე საფეხურზე მყოფი გორის “დილა” ბოლოდან მეორეზე მყოფ “ვიტ ჯორჯიას” ესტუმრება. გორელებს “დინამოს” მარცხის შემთხვევაში გალიდერების და ზამთრის ჩემპიონის წოდების მოპოვების შანსი აქვთ, რისთვისაც არც თუ ისე კარგ ფორმაში მყოფ “ვეტერინარებთან”, რომლებიც ჩემპიონატში უკვე 8 მატჩია ვერ იგებენ, ბოლომდე იბრძოლებენ.

“დინამოს” ბოლო ტურში ივანწმინდაში ტრადიციულად რთული მატჩი ელის. თუმცა, არც ის უნდა დავივიწყოთ, რომ თბილისელები ამ რთული შეხვედრების მოგებასაც ახერხებენ და ასევე ტრადიციულად ამას ჩისკოს გოლებით აკეთებენ. თბილისელთა ესპანელი კაპიტნისთვის ხსენებული შეხვედრა უმაღლეს ლიგაში უკანასკნელი, ხოლო “დინამოს” შემადგენლობაში ბოლოსწინა იქნება. როგორც უკვე მოგეხსენებათ, 11 დეკემბერს ასევე “ჩიხურასთან” გასამართი შეხვედრა ჩისკოსთვის კარიერაში უკანასკნელი იქნება.

ტურის ყველა მატჩი

06.12	14:00	მერანი		-:-		სამტრედია		დაწვრილებით
06.12	14:00	სპარტაკი		-:-		კოლხეთი		დაწვრილებით
06.12	14:00	დინამო ბათუმი		-:-		შუქურა		დაწვრილებით
07.12	14:00	ვიტ ჯორჯია		-:-		დილა		დაწვრილებით
07.12	14:00	ტორპედო		-:-		მეტალურგი		დაწვრილებით
07.12	14:00	ზუგდიდი		-:-		ზესტაფონი		დაწვრილებით
07.12	14:00	გურია		-:-		სიონი		დაწვრილებით
07.12	14:00	ჩიხურა		-:-		დინამო თბილისი		დაწვრილებით